2018年7月14日星期六

外賣 @ MIMI 屋企 ( 14-JUL-2018 )

開餐 



豬腸 + 鵝翼 + 豆腐 - 樣樣都鍾意食   成個伯父咁   哈哈



滷水鵝 (1/4 隻) - 終於食到啦   有次過年前去買   直頭無得買添呀   阿喂話要二百幾蚊   我覺得真係貴喎   不過係好味嘅   最鍾意蘸埋白醋一齊食呢



炸魷魚鬚 - AEON 買嘅   好似買咗 $4x



凱撒沙律 - 呢個沙律   真係方便又好味



( 14-JUL-2018  SAT )

嘩   勁眼瞓呀   可能尋晚過咗瞓覺時間   但有啲眼瞓   但又瞓唔到咁   所以瞓得唔係咁好囉 ~

今朝同家姐食早餐   不過依家無咗蕃茄通粉   又唔太吸引我哋 ~





傾開麥包   原來話當日朝早食唔到嘢同飲唔到水   所以家姐即打比肥仔   問肥仔可唔可以叫醫生早啲番 ?!   肥仔話最快都 11 點 45 分   咁家姐唯有等啦 ~

去到診所   醫生話麥包都接近昏迷   所以要打針㗎喇   嗚嗚   打咗 1 支   麥包無耐就好好瞓覺了 ~

之後又話想去旅行   佢之前都話如果麥包唔喺度   想去下旅行放鬆下   我話我有假期   可以陪佢喎   不過起碼 9 月啦   過哂暑假無咁貴嘛   哈哈 ~

傾到咁開心   再望手機   原來已經 8 點 55 分喇   即走啦   哈哈哈哈 ~

感恩大家去到巴士站   等咗唔夠 5 分鐘就有車咋 ~

菇場唔忙   但我好眼瞓囉 ~

又係 12 點先嚟煩嘢   不過真係慢慢做囉   太眼瞓好驚做錯嘛 ~

放工前搞掂哂    一到 1 點即走   坐小巴去荃灣   約咗阿 mi 喂千色店門口等   無計啦   其他地方我唔識點去   哈哈 ~

塞咗一陣車   差唔多 2 點到千色店   無耐就到里奧大人到了 ~

一齊行去荃灣廣場   最衰落雨啦   如果唔係就唔駛兜大圈 ~

去到已經 2 點半   今餐 Lunch 係阿 mi 生日餐   佢係都唔比我包佢全日   哈哈哈哈 ~

其實真係好攰   狀態麻麻哋   不過真係好想同阿 mi 食生日飯   唔想成日都遲食   難得我又過哂每月一   又咁啱有啲手信比佢喎   所以點都唔想改期囉 ~

百寶 (蘑菇, 辣肉腸, 菠蘿, 雞肉, 茄肉 ($94) - 好味道   可能開心就咩都好食   哈哈



鮮茄煙肉香腸蘑菇意粉 ($56) - 估唔到咁多材料





香蒜芝士青口 ($54) - 都好味道呀   



三式薯皮 (煙肉芝士, 香蒜雞及吞拿魚) ($45) - 食啲輕食   但其實都幾飽肚   哈哈



阿 mi 嘅 Mocha (+$10) / 里奧大人嘅榛子咖啡 (+$10)  



我嘅凍咖啡 ($26) / 阿喂嘅凍檸茶 - 里奧大人先搞笑   飲咗我杯咖啡   我心諗 Mocha 咁樣嘅   之後原來佢飲錯我嗰杯囉   暈



今晚 9 點半到 10 點左右走   所以阿 mi 話唔夠時間打邊爐   同埋我哋晏食 Lunch   無可能咁快又食晚餐   最後決定食簡餐   最緊要夠時間吹水呢 ~

食完就去 AEON 買嘢   之後再去買滷水鵝   再去埋 KFC 食雪糕   人哋明明要特濃朱古地雪糕   佢比咗杯普通就話係特濃   衰   唯有下次再食啦 ~

番到屋企都 4 點幾   放好哂嘢入廚房就可以吹水   第一次咁快手   哈哈哈哈 ~

里奧大人飲完杯咖啡話好滯好反胃   所以阿 mi 即整杯柑桔梳打比佢飲 ~

話咁快又 7 點   係時候開餐啦 ~

最搞笑阿 mi 真係好緊張   成日驚我哋趕唔切 9 點半走   所以里奧大人話 9 點半唔係死線   10 點都得   只係唔想太夜呢 ~         

今次食晚餐   真係可以一路食一路傾   因為平時打邊爐食雞煲   妳夾比我   我夾比妳   勁忙咁   今餐只係夾比自己就搞掂   哈哈 ~

一齊傾下波   真係好開心   但兩個男人就話我哋只睇靚仔   睇靚仔係睇波嘅 Bonus 來嘛  唔識嘢 ~

今晚都無陪阿 mi 洗碗   諗住傾多句先入廚房   點知佢已經洗完出來   勁快手 ~

阿 mi 又整咗紫米糕比我   我已經星期五先約佢哋   因為佢話整糕要 2 日時間   咁等佢無時間整   點知又整比我   實在太客氣太有我心了 ~

10 點走人   我地掛住走   錢又唔記得比   不過佢地又唔收   一定係我請阿 mi 生日飯啦   所以夜晚唔計數啦   但一單還一單嘛   咁下次我地先請番食晚飯   一人一次最好   呵呵 ~

個的士司機好搞笑   全程係咁問我哋去台北幾錢 ?!   酒店好唔好 ?!   有咩好玩同好食 ?!   不過大家咁樣傾計都好開心嘅   哈哈 ~

番到屋企即沖涼   睇下電視   整下呢樣嗰樣   差唔多 12 點先瞓 ~

沒有留言:

發佈留言