譚仔 (三哥) 雲南米線 @ 九龍灣 ( 10-JUN-2015 )

豬潤麻辣米線 ( 中辣 & 小米線 )

牛丸 + 豬腩肉清湯米線

生菜

( 10-JUN-2015  WED )

里奧大人今朝要上大陸   又要好早起身   我醒一醒之後都瞓得唔係咁好 lu ~

好熱呀   呢個星期真係超勁熱   真正夏天來臨喇 ~~~~~~~~

今朝好在 8 點上咗車   因為塞咗半個鐘頭車呀   不過都夠時間食早餐   食麵包最好   唔駛灘凍食   哈哈 ~

唔忙呀   所以整下自己嘢 ~

Lunch 食 Special K + 乳酪   依家要減肥呀   不過出事啦   呢隻 K 原來好甜   好在買一盒試下咋   哈哈 ~        

食完就落去買褲   好喇   買完之後個天黑哂   落超級勁大雨呀    我又無帶遮喎   番到菇場已經濕咗半身   嗚嗚   之後再有 4 個同事都好似我咁變咗落湯雞呢 ~

無啦啦超勁凍又頭痛    唔好病呀大佬 ~

放工即走喇   本來諗住煮飯   不過都係唔煮喇   唔想咁頻樸 ~

去完價真棧買嘢就番屋企喇   開機洗衫   之後睇雜誌   等埋里奧大人到九龍灣就去譚仔   我要食麻辣驅寒呀 ~

飽到上心口    所以要去商場行陣先呀   我好鍾意睇衫呀袋呀咁嘅   次次行親商場都會去睇下   里奧大人話我禿鷹上身   咁依家開咗間 Salad   咁當然又要望下啦   唔買都知依家興咩款丫嘛   咁我知里奧大人攰   咁口話唔去啦   但其實我對眼係無離開過 Salad   之後一路行   個頭一路向後面望   里奧大人見到   即話條頸扭到 180 度就黎斷咁滯喇   去睇啦   嘩哈哈哈哈 ~

其實今日勁焗熱   叫里奧大人番屋企就沖涼先   因為無乜幾何佢會沖涼先架   佢多數讓我嘅   但因為我要晾衫   就比佢沖先啦   哈哈   我一路晾衫一路出汗   已經開咗冷氣架喎   但其實我應該係寒底   因為食涼嘢會有暈嘅感覺   但我又好鬼怕熱架喎   真係好麻煩呢   哈哈 ~

沖埋涼就休息喇   11 點唔夠就瞓 lu ~