是日行程 ~
胡志明市 --> 頭頓特區 ( 約 2.5 小時 ) --> 頭頓耶穌山 --> 鯨魚古廟 --> 大頭蝦海鮮餐 --> 頭頓海鮮餐 --> 頭頓海鮮餐宵夜 ( 自費 ) --> The Imperial Hotel Vung Tau ( 頭頓住宿五星級 )
雖然今朝要 6 點起身 個人係超攰 但呢日係我最期待嘅一日呢 ~
梳洗完就去食早餐啦 今朝有 d 飽飽滯滯嘅感覺添 同埋最慘係隻左眼超級勁痛 真係眼都開唔到 又係咁標眼水 標咗成 15 分鐘眼水呀 勁驚會盲囉 ~
喺度食早餐真係好舒服 因為夠靜呀
我企喺中間影架 影右邊
有眼睛嘅船 之前講過話係傳說用黎嚇鱷魚呢
再企定定影左邊 最衰我眼痛啦 唔係就行到最盡頭影呢 唔駛分兩張 哈哈 真係痛到唔知做乜添
西式早餐區
酥酥
有幾個焗爐喺度
呢邊空 nel nel
今朝坐番呢度
想食皮蛋鹹蛋 咁唯有食兩啖粥啦 又係唔熱嘅 呵
我用夾夾雞蛋嘛 點知睇唔鬼到 一夾就跌咗落枱 係咁碌碌碌 之後煎蛋員幫我拎番上碟咋 勁樣衰 所以左邊隻蛋殼係裂咗嘅
我又係拎咗比里奧大人食先架 我同佢講我隻眼痛到睇唔到嘢 但都掛住你 驚你無嘢食呀 自己講完都覺得感動到想喊呀 ~~~~~~
呢個杏仁酥好味呀 同埋我鍾意食糖粉 嘻嘻 之後我同里奧大人講 我今朝食小好多嘢 佢笑笑口話其實都唔小 嘩哈哈 但我無食最愛嘅腸同煙肉喎
酒店入口 個個忙住清潔打掃
幾條噴水嘅魚
阿里奧大人應該影影下全景 有車駛入黎 所以影到咁 哈哈
酒店大堂 我件衫嘅顏色 係 combine 咗開門姐姐同清潔姐姐嘅制服 哈哈
呢個 Lobby 只係問嘢架咋 如果要 check in / out 要去 4 樓 即係餐廳果層 我同里奧大人講 唔知係咪治安唔好 所以唔敢喺地下做 Lobby 驚人搶行李呢 ?!
唔知上去有咩嘢睇
髮晶石
頭髮黎架 好嘔心
原來大樹菠蘿都唔比帶入酒店嘅
住客卡個樣好老土呀 哈
7 點 45 分準時出發 由胡志明市去頭頓係 125 公里 要坐 2 個半鐘頭車架 ~
頭頓係渡假區 地方大人小車小 所以好多胡市明市嘅人 一到假期就會入頭頓渡假呢 我地差唔多全車都瞓覺呀 勁攰呀 差唔多 9 點就去加油站嘅洗手間 之後繼續行程 又可以繼續瞓 呵呵 ~
同肥寶曬下太陽先 嘩哈哈哈哈
其實坐喺街邊食嘢 真係好有特色風味 不過我唔要個垃圾袋喺面前 哈哈 左邊男人件衫係漸變色定係濕哂呢 ?!?!
"親子電單車" 勁呀
旅游 ?! 寫錯字噃
各有各 hea
隻狗係倒及牙 好搞笑呀 同埋天氣咁鬼熱 駛乜着件衫仔喎 @@
金融區
右邊係全越南最高嘅商業大廈 不過只係 68 層 但特別在於中間有直昇機停機坪呀
越南人唔鍾意去獅子銀行開戶口 因為年年都要扣手續費 但錢已經擺得唔多 仲成日扣 所以有時扣嘅仲多過儲嘅 咁又係離譜 d 嘅
入隧道喇 越南依家仲未有地鐵 不過好似依家興建緊 我估 10 年之後 越南應該係另一片新天地咯 有地鐵真係方便好多啦
又藍又綠好舒服
無聊望番轉頭 高樓大廈真係唔多喎 同埋 d 高樓係相隔好遠呢
見唔到電單車 好唔慣 哈哈
直頭無車添 真係好小見到會咁架 頭頓係渡假區 今日又係平日 所以無乜人入去呢
起緊 Apartment 但其實越南人唔鍾意住 Apartment 因為要交管理費啦 又會有個揸 lift 人幫妳按層數 如果我黎探妳 係要比錢架 ( 住客除外 ) 不過 d 錢係用黎維修呢
9 點左右到中途加油站
有張咁古色古香嘅櫈比妳地坐 好乾淨架 真係比人坐呢 哈哈
去洗手間要收錢架 VND1,000 一個人 我都唔知要比錢 所以直行出去 之後個人問我拎錢先知咋 咁 d 錢係用黎維修同清潔 所以廁所都乾淨架
又再影下細細架旅遊車
車頭係咁嘅
好曬呀 ~~~~~~~~~~
講唔夠 10 分鐘 開始想落雨咁 唔好呀 ~~~~~~~~~~
我地沿途會經過好多屋 咁有好多屋前都放咗墳墓 係土葬果 d 墳墓喎 佢地 d 墳墓係喺地面 咁挖咗都有 2 米深架 個棺都好大喎 ~
之後賓尼兔話好多越南人百無禁忌 就算另一半走咗 佢會做埋自己個墓喺隔離 永不分離咁話 之後又話開心嘅時候同妳講幾句 心情唔好又可以鬧下妳 妳駁唔到咀 哈哈 痴線 ~
9 點 50 分 差唔多到頭頓
10 點終於到耶穌山喇 但其實我仲係半夢半醒 @@
要上到耶穌像 好似要行 817 級樓梯 但其實 d 樓梯係好扁 即係一次行 3 級都得 但問題係 今朝太早起身 同埋只得 1 個鐘頭比我地參觀 好趕囉 ~
唔好講笑 唔夠瞓加上又超級勁曬 加上去旅行之前又無徑步 真係行慢咗好多呀 果刻覺得拖慢咗里奧大人 有 d 唔開心囉 但我真係快唔到 因為我已經有 d 想嘔嘅感覺 ~
呢個男仔好好人 等我地影哂相先行過去影呢
開始行上去喇 其實我已經有 d 唔舒服 。。。。。。
扁扁嘅樓梯級 真係好好行呢
呢個女仔着住件厚褸 仲包到實哂 係咪唔舒服呢 ?!?! 今日好曬好熱喎 @@
繼續行喇
都有唔小人去耶穌山
好多蜻蜓呀 勁驚 所以全程要合埋口 哈哈
行咗 15 分鐘咋 我越黎越辛苦 要扶住黎行呢
行到 350 級個肚有 d 唔舒服 勁驚啦 唔上唔落嘛 落得黎去廁所 一陣又無時間去睇 所以急切祈禱唔好再肚痛 感恩無事 ~
行到 550 級樓梯 其實由頭到尾只係行咗 20 分鐘 行咗大半架喇 但我就越黎越想嘔 但我唔想嘔囉 因為我唔鍾意嘔嘅感覺 ~
行咗 350 級咋 仲有 5 百幾級要行 頂住呀 ~~~~~~~~~~
好。。好。。好。。好似就到咁囉
我要停低抖陣 所以里奧大人又影下相 唉 拖慢哂佢 d 步伐
行到身水身汗 頭都濕哂 所以望到個海 勁想跳落去呀 雖然我唔識游水
差唔多到喇
咁樣影靚 d
我睇咗右上角好多次 真係以為影到自己 d 手指 但其實係樹葉黎架
我覺得呢張好有氣勢
里奧大人番落黎嘅時候 話條樓梯好窄同埋好焗 又驚我唔舒服上唔到 但我話點辛苦都要上呀 ~
實在非常之感恩 我上去嘅時候 只係後面有對男女 前面係暢通無阻 不過我一路行一路喘 真係要龜速咁行囉 ~
上到去真係超級勁大風 正呀 但超勁曬 其實唔知自己影乜 哈哈 ~
入口 初初見到呢幾級樓梯真係驚架 因為驚之後 d 樓梯無扶手嘛 其實講明話唔準影相架 因為太多人行會頂住條路 所以里奧大人影完就算 好在都睇到 哈哈
終於上到去耶穌像肩膀喇
求其咩方向都影下 最緊要快
望落去有 d 頭暈 哈哈
耶穌像嘅手掌
去另一邊影 其實都係差唔多 哈哈
頭先上黎嘅時候 後面有人跟住上嘛 所以影唔到相 依家倒序法 哈哈 窄窄嘅樓梯 得 3 級架咋 但兩邊好鬼窄啦
唔比着襪上黎架 所以好辣腳 哈哈
個窗口好靚
行落去喇 轉到頭暈
行到一半係無扶手 不過得幾級係咁
樓梯好窄 寫明唔比揹背囊上去 里奧大人話頭先 d 人又唔行 塞住條路 咁佢行上去咁啱又有人行落黎 所以上落迫埋一條樓梯 因為太多人同時間黎睇 點縮都會掂到對方 body 呢
介紹一下 同埋有 d 畫像咁啦
有個寫住 "功德" 嘅箱
里奧大人頭先上耶穌像係好多人架 第二次上就無咩人 lu 我真係好好彩呢 感恩感恩
我地已經遲咗架喇 不過我都行唔得快 想暈想嘔又腳軟軟 真係想快都唔得 好在小石喺度 因為賓尼兔催我地呢 終於 11 點 20 分先上到車呀 真係唔好意思呢 ~
我成日覺得大熱天時 狗仔落地行係好辛苦 因為個地熱辣辣嘛
慢慢行落去喇 勁想叫里奧大人一腳伸我 等我碌落去 唔駛行得咁辛苦 ~~~~
行到半路 有個亭比人休息 其實坐喺度望住個海真係好舒服呢 不過我地無時間
原來個儲水箱係咁大個嘅
團友好好 知我唔舒服 係咁問我要唔要白花油同止暈膏 不過我話唔要喇 我驚引發出黎仲慘 嘆下冷氣休息下就好 d 架喇 ~
坐咗唔夠 10 分鐘車就到鯨魚古廟 團友叫我唔好落車 我話唔制呀 哈哈 ~
個廟又係唔駛 10 分鐘睇哂 我覺得最無聊係呢個景點 ~
頭頓沿途
到鯨魚古廟喇
我一落車 佢就同我黎一個深情對望 嘩哈哈哈哈哈哈
再望埋里奧大人 佢眼神話你知 你識做啦。。。。。。
微微笑嘅龍眼婆
個人唔太舒服 所以今次無咩點細心聽賓尼兔講解喇 但好似話鯨魚救人定咩 不過係流傳囉
就係呢條鯨魚 。。。。。。
唔影條尾 真係覺得佢無厘神氣咁 哈哈
其實我覺得佢個樣好搞笑
鯨魚骸骨
男團友件衫上半身已經濕哂 所以妳話頭先去耶穌山係幾咁熱呢
得我地一團人參觀咋 之後連小販都一齊走埋 呢度又回復平靜 lu
又望下個海先 無乜幾何嘛 哈哈 ~~~~
呢日未完架
沒有留言:
發佈留言