好喇 食完生果就 ( 泛舟暢遊熱帶樹林沼澤 ) 喇 因為要比 Local 團上船先 佢地 3x 人呀 條樓梯又窄 佢地又係咁行唔理人地喎 搞到氣氛相當緊張 哈哈 ~
12 點 10 分開船 12 點半就上岸喇 實在太好 因為我真係好驚 ~~~~
又行番出去喇 如果無大樹遮陰 真係中暑都似
讓 Local Tour 上船先 佢地個領隊仲着長袖裇衫打埋呔 我真係睇見都熱呀 哈哈
其實我好驚坐呢 d 艇仔架 我太論盡喇 驚反艇 同埋賓尼兔千叮萬囑叫我地千其唔好伸手扶住艇邊 如果要扶住 就扶住艇仔入面條黃色木棍 真係佢唔講我都唔會留意 佢話之前有團友就係扶住艇仔出面 咁條河又窄 隔離隻艇又碰埋一齊 所以隻手掌"界"到流哂血 之後番香港要切咗隻手掌添呀 因為團友原來有糖尿病 傷口感染囉 比佢講一講 其實我仲更加驚 妳知啦 驚趺落河嘛 有嘢就扶架啦 點記得咁多喎
到我地喇 團友坐後面 我坐最前 里奧大人就坐第 2 個位 所以要最後上船 要 balance 嘛 唔係反艇 呵
咁睇條河好似幾闊咁
其實我 load 相嘅時候 以為頭先等開船果陣 企喺我隔離嘅女人 就係我面前撐船嘅女人黎架 但無理由家嘛 唔係架船點撐埋黎喎 都話 load 相 load 到人都顛咗啦
窄窄嘅小河流
又黎 3 隻船痴埋一齊 即刻叫里奧大人千其唔好伸隻手出黎呀 其實我叫咗幾次 驚佢唔記得嘛 搞到我精神有 d 緊張 哈哈
坐到咁上下 佢就派幾頂帽比我地 初初我唔帶架 因為我本身帶住遮臉罩嘛 之後我都係試帶下 勁正喎 又輕身 ~
無啦啦叫我幫手撐船 咁撐啦 其實撐同唔撐完全無分別 嘩哈哈哈
唔知點解 我地隻船好貼 d 草 其他唔係咁架喎 所以佢好多時都要用力推番隻出去呢
里奧大人之後幫手撐啦 第一野已經潑哂 d 水落我腳度 之後又打咗我頭一下 我發哂脾氣叫佢比番我撐呀 諗諗下自己真係好鬼衰 佢想幫我之嘛 發咩脾氣喎 真係要好好控制一下自己嘅情緒呢
玩水 ?!?!?! 唔係嘛 好耐之前去泰國又係坐艇仔遊湄公河 導遊話 d 人會喺河度洗衫沖涼 又話如果用 d 水擦牙洗臉 會有消炎作用 我果時真係以為真架 之後先知佢原來講笑囉 @@
我見到有阿婆撐船架 離遠睇以為遊客 因為無諗過係阿婆呢 唔怪我頭先賓尼兔話有現代同古代船伕啦
男人應該有力 d
海底椰呀
好似人樣呀 @@
撐完喇 里奧大人話我地應該收番小費先啱呀 哈哈
船伕好好人 扶上又扶落架 我真係靠佢扶住呢 哈
里奧大人細細聲同船伕講 : 記得扶住我隻惡雞乸 唔係一陣又發脾氣架喇 拜託拜託
海中心呢 d 綠色嘢 唔記得係咩來 但賓尼兔話係有用呢
12 點 50 分到餐廳 食食下嘢 有個女人好開心咁望住我笑 果下我有 d 驚 因為我唔識佢嘛 之後佢仲繼續笑喎 我心諗係咪里奧大人 d 同事或者客呀 定係我隔離團友 d 朋友呀 ?! 之後果女人直頭行過黎 同我講話 " 妳又黎咗越南呀 ?! 嚇到我即刻話妳認錯人呀 之後佢都好尷尬走開 我同里奧大人講話係咪真係似樣得咁緊要呀 @@
食下傾下 話咁快到 1 點半 又要去下個景點喇 ~
去食嘢喇
我同團友兩公婆以為呢度食啦 一入去都無人嘅 原來去錯地方 哈哈
熱唔熱呢下 ?!?!?! 不過我發覺 我次次出完汗 上車涼咗陣冷氣 d 手腳就唔會立痴痴 好爽添架 真係唔記得之前係成身汗呢
細細粒紅 mo 用佢黎做對比就最好 哈哈
油泡魚出場喇 勁大條 勁樣衰呢 同埋佢有好多魚鱗 我試咗連皮食一啖就唔敢再食 有 d 驚
越南名物 : 米紙 口感真係好似食紙咁 哈
最搞笑係初初有個侍應包咗 1 份 咁我地個個掛住傾計影相嘛 都無理佢 以為佢會包哂比我地食 點知佢包完 1 份就走人喇 所以我地之後就求求其其包啦 唔係點喎 哈
里奧大人包架 又 ok 喎 起碼包得哂所有嘢 哈哈
我就包得衰 d 好明顯係樣樣包埋一齊就算
個飯好味喎 口感有小小似糯米飯 真係估唔到呢 團友見我咁講 佢地又要食呀 搞笑 所以今次跟團真係好開心呢
之後又剪開一塊塊 今次呢個好食呀 因為又脆又煙韌 但最底層果 d 就唔好食 一 pat 嘢咁 仲以為會更加煙煙韌韌添
呢個丸都幾好味
無試呀
最緊要有條菜 天氣熱 唔係咁想啖啖肉
呢碟通菜炒得好好味
什菜蝦湯 ?!?! 清清地好飲喎
好似 VND33,000/罐 里奧大人話味道淡 d
又會無英文名嘅
煎堆大過人頭架
沒有密碼 我覺得寫"不設密碼"會好 d 呢
真係睇唔出 入面係有間餐廳
唔拚埋都唔覺自己坐嘅旅遊車係咁細 嘩哈哈
3 點 15 分開始去統一宮 ( 前總統府 ) 4 點 15 分就去到喇 一落車就熱鬼到呢 ~
係時候要數下 d 錢 因為一陣要去超市買嘢呀
坐車嘅時候 又可以望住個天喇
車頂果兩籃嘢 應該唔會跌落黎啩。。。。
個個想瞓覺 哈哈
又黎影下相 賓尼兔話之前 d 團友同佢講 見到有兩個人坐電單車 後面個人拎住塊好厚嘅玻璃 擰埋臉抖氣都有難度架 所以好佩服佢地呢
店名好搞笑
街道 number 非常之清晰
之前賓尼兔話如果街邊有垃圾桶 都只會係"箱"實嘅垃圾桶 咁就唔會比人偷呢
兩大兩細 勁
如果離遠睇 真係完全唔似抱住個 B 囉
一家三口坐車係等閒事
唔係多咗隻腳 真係唔知係一家三口架
呢幾日都要藍天白雲呀
行到半路 全部團友一齊影張團體相 HK$20 一張 不過我無買
內閣會議室
海陸空總司令板圖館
我真係超愛呢 d 電話
外賓室
行上一層睇睇先
大中細櫈 真係唔講唔覺囉 因為裡面好暗呢
其他國家送比越南總統嘅禮物 呢 d 係大象腳 @@
寑室
飯廳有分食中餐同西餐嘅地方 呢度係食中餐
呢度係食西餐 話說 d 刀叉係好重 因為想總統用下力喎
呢度係總統夫人室 ( First Ladys' Reception Room ) 麻將枱腳好得意呀
小相公 哈哈
飲酒唱 K ?!
仲有電影睇架
紅色圈係炸彈跌落嘅位置
行到出哂汗 係時候要補充體力 諗起尋日買果支甜茶難飲到呢 所以今日都係穩陣 d 飲番自己識嘅牌子好過 呢罐係 VND20,000
又落去睇喇
呢張紙有 47 年歷史架喇
全程無冷氣 又焗 真係成身汗架 我件衫已經濕哂 啜住哂 d 肉呢 @@
勁想扭下 d 制 不過好似好多手咁 哈哈
好似係麵包機
影埋呢張就行哂 lu
明明可以好嘆咁坐住吹風扇 點知有個男人坐埋黎 唔知日本人定咩 同我笑又講咗幾句嘢 之後嚇到我走出去搵番里奧大人呀
呢日未完架
大中細櫈 真係唔講唔覺囉 因為裡面好暗呢
寑室
飯廳有分食中餐同西餐嘅地方 呢度係食中餐
呢度係食西餐 話說 d 刀叉係好重 因為想總統用下力喎
呢度係總統夫人室 ( First Ladys' Reception Room ) 麻將枱腳好得意呀
小相公 哈哈
仲有電影睇架
紅色圈係炸彈跌落嘅位置
行到出哂汗 係時候要補充體力 諗起尋日買果支甜茶難飲到呢 所以今日都係穩陣 d 飲番自己識嘅牌子好過 呢罐係 VND20,000
又落去睇喇
呢張紙有 47 年歷史架喇
全程無冷氣 又焗 真係成身汗架 我件衫已經濕哂 啜住哂 d 肉呢 @@
勁想扭下 d 制 不過好似好多手咁 哈哈
好似係麵包機
影埋呢張就行哂 lu
呢日未完架
沒有留言:
發佈留言