原粒元貝鹹肉糉 + 紫米豚肉梘水糉 ( 太興 ) ( 13-JUN-2015 )

d 糯米都唔煙韌嘅 @@

( 13-JUN-2015  SAT )

又係超勁焗熱呀   行兩行已經出哂汗   慘 ~~~~~~~~

早餐食麵餐   好在餐廳冷氣夠   唔駛一路食一路出汗   哈   正想走嘅時候   8 卦又話黎   咁等埋佢啦 ~

菇場忙呀   係時間要還   哈哈 ~

做完哂嘢已經 1 點   要即走啦   約咗里奧大人喺鑽石山站等   一齊出去旺角   去到旺角都已經 1 點 40 分   我要食酸辣米線   所以去雲桂香喇 ~

食完就吸多陣冷氣   之後去拎超市 coupon ( $340 )   去埋花園街幫家姐買嘢   又見到環保袋   所以忍唔住買 4 個   之後買家姐買防刮腳後跟貼   好在佢工人之前話我知邊度買   唔駛我周圍搵   見到即買咗 2 對比家姐   了咗心事先   之後我買咗 4 個環保袋   估唔到里奧大人都買到條防水褲   最正係質料好   又薄身   仲只係 $150   佢平時買開有牌字嘅防水褲要 $5xx   所以我話買條試下都好啦   啱就下次買多條   實在太抵 ~

                               

4 個 $55 ( 講咗價   所以平 d   哈哈 )



$10/對

太熱喇   頂唔係買個大椰皇飲呀  $20一個   都幾清甜 ~

買開有條路   我再買 2 條絲巾   $60 又係好抵   質料舒服嘛   之後再買多 2 件長 tee + 1 條 1 pc 裙 ( 折咗 $479 ) ~   

4 點喇   買埋燒餅再買芝麻糊就坐小巴番九龍灣   去埋惠康買洗衣粉就番屋企喇 ~

熱辣辣食唔到呀   同埋我覺得凍咗先煙韌   所以番屋企先食 



出一出街真係成身汗   沖埋涼就抖喇   好鬼攰 ~

今次 d 芝麻糊好稀   同埋無味 @@   好在買 3 碗   唔駛食得咁辛苦   哈哈  



同里奧大人一齊喺梳化睇雜誌   見到佢瞓咗   望多佢一眼   我都眼瞓埋 ~

我都唔知幾點開始瞓   只知道 6 點 10 分就醒咗 lu ~ 

家姐打黎話媽咪腳痛   又比洗頭水樽整瘀咗隻腳   咁我諗住聽日睇下佢   不過聽日好多嘢做   咁今晚食完糭就即番媽咪屋企睇下佢啦   如果家姐早 d 講就好啦   咁我直接去搵媽咪   同埋佢食飯嘛   唉 ~ 

食完洗埋碗   差唔多 7 點半要出門口喇 ~

去到媽咪屋企   見到佢對腳都係腫添啦   佢話醫生話係 d 甲狀腺藥同血壓藥影響   我咪話囉   腫到第 3 日就即刻去睇啦   講極唔聽真係好煩   同埋又話無胃口   咁我相信係 d 藥影響   咁仲更加要去睇啦   所以越講越激氣   之後都懶得再話   都係果句   對腳係妳自己   有事唔好喊就得 ~

坐到 8 點半就喇   之後去徑步   徑半個鐘就番屋企 lu ~

沖埋涼就抖喇   今日出咗成身汗   真係好鬼攰   哈哈   所以 11 點幾都瞓喇 ~