百匯酒樓 @ 官塘 ( 6-JUN-2015 )

明爐燒鵝皇

燒汁野菌牛柳條

椒鹽鮮魷

金沙蒜香骨

瑤柱金菇扒菜苗

金牌一品燒雞

豉汁炒蜆

馬拉盞炒通菜

瑤柱蛋白炒飯

( 6-JUN-2015  SAT )

有 d 眼瞓呀   下次如果再電髮   都係放埋星期六好 d   哈哈 ~

早餐食芝蛋治   因為要夠飽   之後 8 卦又話黎   我記錯咗佢今日 off 添   咁我之得叫麵餐啦   食唔哂可以比埋佢食   哈 ~

菇場唔忙呀   同 8 卦一齊做高登仔   尋日同佢睇克羅地亞遊記   今日就睇西藏遊記   真係好羨慕 d 人   可以一去就去三個星期   仲要係自由行先勁   去到之後發覺有 d 地方去唔到就即改行程   比我暈咗都似   哈哈 ~

同 8 卦講話如果一生人去一次西藏就真係無撼   如果無死到嘅話   點知佢即話 " 無撼就可以死架啦 "   又係喎   嘩哈哈哈哈   頂佢 ~~~~ 

真係唔好講笑   我地由 10 點半開始睇個遊記   睇到 12 點 45 分呀   時間過得好快   哈哈   傾多陣就放工   yeah ~~~~

里奧大人今日要幫澳洲個姐夫買 d 汽車嘢   所以另一個姐夫約佢今日一齊去深水埗買囉   唔係就唔知喺邊度買   最令我火滾係幫手買嘢嘅姐夫問咗好多相關問題   反而叫你買嘢嘅姐夫就咁叫妳買乜買乜   買 GPS 呀大佬   買咗去到澳洲都用唔到啦   我同里奧大人講   唔該叫佢上網 check 下所有嘢先好叫人買啦   無理由係由我地通知番佢囉 ~               

我真係覺得叫人買嘢就講得清楚 d 啦   大佬   妳唔係話買就買   要時間去搵架   買一樣嘢又要問番佢點點點   呢點我覺得最不知所謂   妳之前講清楚 d 啦唔該   完全係嘥人時間   咩都買後備   呢下難頂   一年內已經買咗比佢 3 部手機 + 2 部電腦 + 2 部 printer   有 d 嘢唔 run 係好易壞架   同埋核心問題係你要愛惜你嘅嘢   唔係一壞就買   咁點解我地用嘅嘢可以用幾年   一到佢手唔夠一個月就話壞 ?!   咁就當係佢唔好彩啦   咁啱呢部唔好   但無理由幾樣嘢都係咁家嘛   咁我又駛唔駛後備多部車同間屋比佢呢 ?!?!?!?!   我同里奧大人講   下次再係咁   我會出聲話佢   因為做埋 d 嘢好討厭   到時唔好怪我唔比臉囉   因為真係煩到人嘛 ~

佢地去買嘢   我當然唔去啦   同埋里奧大人知我唔太鍾意去呢 d 男人嘅地方   哈   咁我就約咗媽咪同家姐去新都城東海飲茶呢 ~

我放工已經即走架啦   估唔到高好又係坐小巴   我地等咗 20 分鐘先上到車呀   因為我同佢講我要去 3 期   但其實我只係熟 1 期 2 期   咁佢就陪我行呀   最恐怖係一上到大家樂見到溫總   真係係咪咁啱呀   好日星期六都唔去新都城   一去就見到佢   最搞笑係佢見完高妹再見到我   個樣係 O 咀   覺得我喺新都城出現好怪咁   哈哈 ~    

高妹帶咗我搭地梯就走喇   其實好在佢帶我   唔係我都係兜圈問人   哈哈 ~

去到酒樓   我見到家姐同媽咪傾計   所以兜個圈行去嚇下佢地   因為家姐知我唔識去東海   諗住接我   所以佢見到我識黎就好驚訝啦 ~

今日我都無禁食祈禱喇   個心唔得堅定添   衰 ~

媽咪話肚餓   所以叫咗 d 點心食先   留番呢 d 比我食喇   家姐特登叫干蒸牛肉賣比我架   同佢飲茶   佢次次都會叫   因為佢知我好鍾意食   但就唔係間間酒樓都有呢    

椒鹽魷魚鬚都幾好味   其實仲有碟豉椒牛河   又係幾好味   

媽咪食嘅芒果布甸   

我地飲到 3 點幾   之後就去買夾糖同軟糖   之後家姐車我地番屋企 ~

里奧大人話買呢 d 糖去旅行食喎   咁買啦   家姐同里奧大人都問駛唔駛買咁多呀   哈哈   是鬼但啦   之後再買咗包粟米朱古力比媽咪同家姐 share   再買多 2 包芝士杏仁片比家姐同媽咪   我就買咗夾糖比自己   咁就用咗 $200   錢呀   點解用得咁快架

家姐比咗張糉卷比我   實在太好喇   可以唔駛煮兩日飯   哈哈      

番到屋企都 4 點   勁攰呀   諗住瞓陣   點知里奧大人佢地 5 點就到屋企樓下   咁車埋我去大姑奶屋企呢 ~

去到大姑奶屋企   里奧大人就整嘢   一齊坐到 6 點 45 分就過去酒樓喇 ~

食到差唔多 9 點就走喇   姐夫車我地番屋企   我覺得今日 d 動作係重覆囉   上車之後去食嘢   落車之後就番屋企咁   哈哈 ~

沖埋涼都 10 點幾   又睇下電視   12 點 45 分先瞓喇   慘   聽朝要 8 點半起身呀 ~~~~