金坊泰國美食 @ 荃灣 ( 5-JUN-2015 ) ( 禁 )

生蝦 ( $90 ) - d 蝦好爽呀   好味道   同埋都幾大隻   但其中有 1 隻好細囉 

個汁勁正啦   我地 3 個最鍾意食 d 汁   所以好啱去泰國   哈  

雜錦拚盤 ( 蝦餅 / 魚餅 / 春卷 / 香葉包雞 ) - $99 咋   超抵又好味   下次再黎一定叫   因為就咁蝦餅都要 $73   不過我唔知份量係幾多   哈     

青木瓜絲沙律 ( $68 ) - 一般   

青檸汁燒豬頸肉 ( $88 ) - 我禁食祈禱嘛   所以無食呀   

香葉肉碎炒飯 ( 唔知幾錢 ) - 表妹話好食   但今次 d 飯好林囉   之後佢話次次同我叫飯食   d 飯都係林   上次喺 Outback 又係咁   係咪咁邪先   哈哈  

馬拉盞炒通菜 ( $71 ) - 都好多馬拉盞

龍眼冰 ( 好似 $28 ) - 表妹飲架   我飲咗啖   覺得好甜  

芒果沙冰 ( 唔知幾錢 ) - 家姐想飲   我同佢 share 啦

送嘅 - 朱古力超級甜   白色係大菜糕   都 ok   

( 5-JUN-2015  FRI )

尋晚瞓得唔係咁好添   所以懶床 10 分鐘先想起身呀   要趕頭趕命出門口   哈 ~

食完早餐都無咩時間嘆報紙 lu   因為唔想遲到   依家都早 5 - 10 分鐘番到菇場   但其實都係應該嘅   始終開工時間真係 9 點   但奇怪成日遲到嘅同事依照朝朝都係 921 先番到菇場   已經累街坊要打卡   仲要仍然遲到   菇場又唔話佢   呢下仲怪   咁打卡黎做咩呢 ?!

今日唔係好忙   咁就好啦   我想放工準時走呀 ~

諗住出去食車仔麵   但一出門口見到有好多黑雲   又無帶遮   所以都係買番菇場食喇 ~

榨菜肉絲係有火腿   所以即刻夾比 8 卦幫手食   哈哈 

好嘢   放工即走   坐小巴去荃灣搵表妹剪髮   20 分鐘到荃灣   勁快 ~

里奧大人今日晏晝都番咗屋企休息   不過我一早話搵表妹電髮   唔想改黎改去   同埋我想去旅行之前兩星期電髮囉 ~

去埋正隆行買嘢比里奧大人就即去搵表妹喇   今晚好在唔駛等   哈哈 ~

紅燒魚柳 ( 半磅 $24.9 ) / 沙爹豬肉粒 ( 一磅 $78.8 )

傾下笑下時間都好快過   佢成日撩我同家姐去泰國   但我同家姐唔可以一齊去家嘛   因為唔想媽咪一個人喺香港   同埋婆婆一定好擔心   實唔比我地去   如果一齊去都幾好玩   食食食買買買   諗起都開心   佢話最驚 d 人係口話無所謂   但其實樣樣都有所謂   哈哈   我驚我會呀   不過如果對住自己鍾意嘅人   我應該係好順灘   哈哈 ~   

明明我地唔餓   講到泰國 d 嘢好好食   講到開始餓啦   好在之後都係食泰菜   哈 ~

差唔多 8 點半   家姐都到埋   佢修下 d 頭髮   之後我再剪埋前面就搞掂喇 ~

8 點 50 分可以一齊走喇   因為表妹 book 咗 9 點去金坊食泰菜   但就帶我去唔知邊買咗糯米糍先   因為我想食 ~

一去到即叫嘢食   傾下食下抖下都 10 點幾   家姐同表妹就去另一邊坐車   我就去唔知邊坐小巴番屋企   10 點 35 分開車   10 點 50 分已經到九龍灣   但佢地仲等緊車喎   真係快到得人驚   係堅驚   我全程捉實扶手架   同埋一定唔會瞓囉 ~

里奧大人係都要等埋我先瞓   好在真係咁快番到屋企   唔駛佢點等   哈哈 ~

沖埋涼   再等埋家姐番到屋企   我就即瞓喇   勁攰呢 ~