泰國人海南雞 @ 深水埗 ( 7-JUN-2015 )

二人套餐 ( $168 ) 加 $10 有飲品 ( 椰青除外 ) - 里奧大人要椰汁冰   我要青檸梳打   想飲酸酸地嘢嘛   篤下 d 青檸   點知更加甜   無理由係甜家嘛   糖漿黎架   梳打水又無汽   好奇怪囉 ~~  

泰式海南雞飯 - 個汁好鹹 

雞油香飯 - 無味嘅

泰式春卷拚暹羅炸魚餅 - ok 啦   細細件   哈哈

黃咖哩牛腩 - 唔熱嘅   不過無叫佢換呀   反正佢係 "北" 出黎   同埋我最驚係佢會 "加料" 囉   今次食呢個套餐   其中 4 樣嘢都唔掂   態度又唔好   我諗應該唔會再黎食 lu 

冬蔭功湯

時菜  

甜品

( 7-JUN-2015  SUN )

今朝里奧大人起咗身   我仲以為已經係 8 點半   不過我繼續懶床   因為真係好鬼攰   之後都係唔懶喇   想番主日學   點知出黎嘅時候   只係 8 點 15 分   原來里奧大人話 8 點已經醒咗   丫   之後我瞓耐 d 啦   哈哈 ~

梳洗完之後就去食早餐   佢話去 " 我最憎食果間 "   好鬼衰啦   成日講   我話只係好憎食佢地嘅米線之嘛   但早餐好食喎 ~

食完就番屋企沖涼   仲可以抖多半個鐘先出門口呢 ~

崇拜完畢就走喇   里奧大人去拎電話卡   我就去旅行社交尾數   點知里奧大人唔記得填份簽証 form   又無帶相   咁所以唔交住啦   一陣先一次再一次比哂   咁順便報埋 2 天大陸團   搞掂哂都已經 1 點半   即坐 shuttle bus 去 Mega Box 喇 ~

去紅螞蟻食 tea   之後去 Gigasports 拎褸 lu ~          

熱奶茶 - 完全唔得   嗚

鮮茄汁煙肉燴直通粉 - 直通粉唔係咁熟透囉 

瑞士汁牛肉燴河粉 - 無味  哈哈

今日要去埋 Starbuck 飲咖啡喇   因為張 coupon 6 月尾到期   我唔鍾意德福果間   d 位超勁迫   Mega Box 呢間叫做舒服 d   咁所以清埋張 coupon 喇 ~

焦糖咖啡 ( 加大 ) $ 42 / 藍莓芝士蛋糕 $ 33 - 家姐比咗張 $25 coupon 我嘛   呢餐我要貼多 $50   哈哈   不過無理由就咁飲咖啡咁 dry 家嘛   依家 Starbucks 嘅咖啡係無咖啡味   得奶味   我初初以為得我覺得係咁   上次表妹都話係得奶味呀   聽過好多人講話 McCafe 嘅咖啡仲好飲   呢個我都認同喎   同埋 Starbucks 嘅環境都係好迫狹   完全唔可以話係 relax 囉    

    

飲完都 4 點幾   咁番屋企喇   要拎番相去旅行社做簽証呀 ~

里奧大人整嘢   我睇睇下雜誌都好似瞓着咗囉   不過之後里奧大人問我嘢   我就醒咗 lu   我真係次次飲完 Starbucks 咖啡就會勁眼瞓架 ~

6 點 15 分出門口   去埋旅行社交尾數同簽証 form 就走   都已經 7 點喇   坐地鐵去深水埗   因為我話想買自拍神棍   反正出開去嘛   黎緊兩個星期六日就可以休息下   哈哈 ~

去鴨記買咗自拍神棍同手機套就去番高登果邊   其實我超勁想去大家食   因為我好想食辣菜甫   不過里奧大人話唔食辣   咁我話食泰國嘢啦   唔想諗 ~

食完就坐小巴番屋企   已經 9 點半喇   今日出咗成日街   里奧大人仲慘  尋日同今日都要周圍滕 ~

沖埋涼   抖陣   同里奧大人 11 點 05 分要即瞓喇   今日真係好鬼攰呢   哈哈 ~