酸梅麵豉蒸排骨 + 蒜蓉菜心 + 芫茜皮蛋魚片湯 ( 15-JUN-2015 )

( 15-JUN-2015  MON )

今朝起身都 ok   最搞笑里奧大人以為我仲懶床   咁我一出房   佢話正想叫我起身   但其實我係諗緊着咩衫番工   基本上鬧鐘一響都已經要醒啦   要番工嘛   唔係教鬧鐘黎做咩呀   哈哈 ~

早餐食芝腿治   差唔多食完   8 卦又黎埋   咁等埋佢啦 ~

今日菇場都 free free 地   因為老闆 11 點會走   西瓜又唔喺度嘈嘈閉   所以做埋 report 就可以 hea 過 lu ~

Lunch 出去食   咁 8 卦又出去買飯   我話一齊食囉   不過我食完會去買嘢   叫佢自己番菇場   其實佢食完都係瞓   所以佢次次一出去食完飯   一到 3 點就話眼瞓   好鬼煩   哈 ~

如果有日同 8 卦去食 lunch   佢唔食飯   我會好驚   因為佢話食飯先夠飽 @@  

放工即走喇   去街市買餸就即番屋企   因為里奧大人已經番咗屋企呢 ~

咁里奧大人頭先 3 點去官塘見客   佢話應該會 1 個鐘搞掂   點知傾咗 2 個鐘   不過咁都好啦   5 點半可以番到屋企   咁可以早 d 休息嘛 ~

就係里奧大人喺屋企   所以我都要開行摩打手浸洗切喇   6 點 10 分番到屋企   7 點 15 分可以食飯   算勁快架喇 ~            

是日懶餐 - 酸梅麵豉蒸排骨 + 蒜蓉菜心 + 芫茜皮蛋魚片湯 

酸梅麵豉蒸排骨 - 大熱天時   食 d 酸酸咪咪嘢先開胃   但其實我唔鍾意食排骨   哈   但想帶 lunch box   咁先整肉囉 ~  

蒜蓉菜心 - 買咗 1 斤菜心   係時間要食番 d 菜 lu ~  

芫茜皮蛋魚片湯 - 間唔中滾下呢個下火湯都唔錯   今次好好飲   好難得呢   哈 ~

搞掂哂都 8 點幾   抖到 8 點 50 分就一齊去徑步   徑到 9 點半就番屋企喇 ~

里奧大人 d 同事一去旅行   就會有手信   佢叫我食下邊隻好食   聽日再問同事拎    我一路食一路話依樣依樣依樣都好食   佢以為我講笑   之後佢見我食哂   個樣好驚咁   嘩哈哈   一包得果細細塊   食幾十包都得呀我

$9 咋   初初以為自己睇錯添呀

都係 $9

好似 $18.x 

沖埋涼真係要抖   今晚一連衝鋒無停過咁呀   仲要 11 點就想瞓   不過其實星期一晚都係比較早瞓   呵 ~