話就話 3 點半上車 但其實個個見到架旅遊車都即刻上車嘆冷氣喇 哈 所以 3 點 20 分就可以開車去聖母大教堂同郵政大樓喇 ~
4 點半去到聖母大教堂 不過好多人望彌撒 咁唔好阻住人地啦 所以即轉去郵政大樓 lu ~
聖母大教堂
真係好想入去睇下呢
人地咁專注望彌撒 真係唔敢走入去影相 驚影響到人地呀
郵政大樓 我覺得好靚呀
@ 4:40pm
入去參觀喇
胡志明
地磚好靚呀
我好鍾意電話亭家嘛 我以為呢一列都係電話亭 正想開門嘅時候 見到 "ATM" 呢幾隻字 好彩無開門咋 唔係 d 人以為我搶錢呢
咁托住 好辛苦啫 @@
嘩嘩嘩 實在太熱喇 所以去 DUNKIN' Donuts 坐下呢 ~
當時好想食 但知道買完就會唔想食 哈哈 所以影相算吧啦
我一定飲凍咖啡
Iced Latte ( Regular ) VND59,000 好在黎咗咋 咁啱賓尼兔派法包 呵呵 坐喺度食舒服好多啦
賓尼兔極力推介嘅法包 係佢幫我地買嘅 一條 VND100,000 兩個人 share 食就夠架喇 仲好細心切開一半添 法包外脆內軟 真係超級勁好味 初初佢講到個法包係天上有地下無咁架 又話個個排半個鐘都要買黎食 仲以為佢老作添 好在乜都試咋 唔係又錯失咗個機會食好嘢呢 哈
唔係里奧大人講 我完全無留意到個婆婆原來係瘦到咁呢 ~~~~
無咁熱喇 ~~~~
好似好好味咁
好多檔都買呢個小食 起碼有 4-5 檔呢 佢地打扮又會咁似上面果檔 d 人嘅 阿媽着藍色衫 個女就着 tee + 短褲 我仲以為同一檔添
賣生果嘅 仲有煙賣添
我好佩服佢地 咁熱仲着長袖衫 @@
我當日完全無留意有個聖母像 @@
@ 5:15pm 喇 相隔咗 45 分鐘仍然咁多人囉 入唔到去真係好可惜
里奧大人想影咩呢 ?! 哈哈
我用 G1X 影架 zoom 到最盡架喇
一大束汽球飛上天呀 影得都幾清丫 之後里奧大人話我完全唔記得女朋友嘅存在 我認架
里奧大人話部單車好得意 見到個女人係咁轉個軚盤
有架迷你電單車泊喺度
5 點 15 分上車去 Diamond Plaza 其實轉個彎就係 但賓尼兔話喎 我地係 "豪華團" 所以唔駛我地行 只係食同瞓 哈哈 因為佢覺得香港人成日一上車就瞓 鬼咩 越南咁鬼熱 出咗成身汗 唔攰先奇 呵 ~
我一心諗住黎越南係買即食牛肉河粉架 所以賓尼兔話商場入面有間超市 我驚唔夠錢買嘢 佢即借 VND500,000 比我地呀 豪到呢 哈哈 ~
去到超市 真係 O 哂咀 細間到呢 不過咁 賓尼兔話越南人好小去超市買嘢 多數去士多買 流量快同埋平嘛 所以變相超市 d 貨好多都可能過期呢 ~
見幾個團友都買咗 d 河粉同粉絲 不過我無買啦 因為我唔識煮湯底 所以我只係買咗支 Chili Sauce 就走喇 ~
間超市一眼睇哂 哈哈
磨砂玻璃樽嘅感覺 好似好冰凍咁 哈
d 調味品 求其擺嘅 又無價錢 真係無心機睇囉
其實 HK$4.4 真係超級抵
好多午餐肉罐頭
買完就周圍行下啦 里奧大人居然買咗對涼鞋 用咗 VND990,000 呀 即係用咗成副身家咁滯 所以最後都係簽卡 哈 ~
喺呢度買咗對涼鞋
VND500,000 真係好少見 真係要影低留念呢 不過其實最後都無同到啦 即刻比番賓尼兔呀
隻鴨乜事呀 笑死我
仲有時間 所以搵下有無地方飲越南咖啡 好感恩有 Food Court 買到杯凍越南咖啡 好好飲呀 但好細杯 哈哈 ~
又見到 Pepper Lunch
呢間有越啡
Vietnam Style Coffee with Milk ( VND40,000 ) 如果唔要奶就只係 VND30,000
中間着火 真係正宗火爐 哈哈
一人一鍋真係好鬼正 搞到我好想打邊爐呢
一列電單車
Diamond Plaza 係買牌字嘢嘅 咁無乜興趣啦 好多又同香港差唔多價錢 仲更加唔會買添
5 點 15 分集合番酒店喇 今晚喺酒店食 咁都好 唔駛咁頻樸 ~
坐車唔係聽嘢就問嘢家嘛 我問賓尼兔喺越南最高刑罰係咩 ( 其實好奇怪自己問埋呢 d 嘢黎做咩 哈哈 ) 佢話係死刑 係比粒藥妳食嘅 等妳無咁痛苦 之後最最最搞笑係有個 Auntie 問有無得買 賓尼兔好大反應再提高聲調話禁藥邊有得買架 我問 Auntie 妳買黎做咩呢 ?!?! 佢都笑到顛咗 之後話唔講邊有得笑 哈哈 ~
佢又問越南有無雞鴨 哈哈 賓尼兔話有紅燈區嘅 之後我唔記得講咩 lu ~
賓尼兔話佢有個客帶佢去剪髮 要 HK$6XX 對越南黎講係好貴架 不過果度 d 女仔係 18-25 歲左右 之後個個都問係咪唔正經架 哈哈 但佢話係因為坐幾個鐘 又洗咗 6 次頭 之後經過佢講嘅髮型屋 原來門面係好 Grand 嘅 同埋見到有人剃鬚定咩 咁唔怪得咁耐同咁貴啦 ~
佢話有 d 係走鬼檔幫人剪頭髮 只係 HK$10 咁如果剪到一半走鬼就無得剪架喇 但有 d 好心嘅就會第日幫妳剪埋果半 我覺得好搞笑 ~
又話有個團友請佢食法國菜 由 5 點坐到 11 點 真係腰骨都痛 有道菜見住個廚師煮 45 分鐘 仲煮到成頭大汗 原來只係煮一粒細細隻嘅帶子 所以佢話下次唔會再去食法國菜架喇 哈哈 ~
勁呀呢
其實咁樣坐 最前果個好辛苦啫
又路經呢座教堂 真係好靚呀
開始入黑 lu
唱 K 嘅地方
附近有 d 街邊檔
呢個男人坐成咁都好勁 我頭先見到有個直頭瞓喺架電單車度添呀 可惜我影唔切
到酒店喇 片雲好似對翼咁呀
係時候叉叉電 我部相機一日要叉一次電呀
準備開餐
一埋位就可以食 哈哈 團友們又想叫啤酒 不過要 VND80,000 一支 勁貴啦 雖然我知呢度係食環境 但我話我地只係 hea 飲唔係談心 平平地去 OK 買算啦 哈哈
燒豬肉好味呀
上咗 3 樣嘢食 之後小石就比張 Morning Call 紙我地 再同我地講聽朝見 我地以為食哂 d 嘢架喇 有團友直頭企身走人 不過我覺得唔會咁小嘢食囉 所以即刻問賓尼兔仲有無嘢食架 佢話有 之後一齊坐低再等食啦 哈
蔗蝦好味 最緊要細細條
湯 & 飯真係食唔落喇
呢碟菜都唔熟咁嘅 好在團友都係咁講咋
見到都飽 所以無食呀 @@
生果都食到 濕下個口都唔錯呢
咁望出去真係唔錯架
所以即行去另一邊喇
我覺得個個地方嘅夜境 都係好靚嘅
食完嘢去 Circle K 買啤酒同薯片 拎番上酒店就抖陣 之後就落去食牛肉河喇 ~
黎到越南 一定飲越啤啦
原來 333 BEER 係咁平 只係 VND12,500 咋
我就多數睇汽水 估唔到 Fanta 同 333 差唔多價
正呀 又平喎 不過唔敢買咁多啦 因為好小聽人講話越南薯片好味 哈哈
買咗呢支啤酒 但房間無開酒器 所以要上番去 Lounge 叫人開呢 哈哈
一去到 Pho 24 就見到團友 佢地仲已經食哂添 其實佢地仲勁過我啦 哈哈 傾咗陣佢地就趕住去隔離買佛首 我就繼續食 呵 里奧大人問我佛首係咩 我點知喎 但一定唔係嘢食啦 不過我覺得里奧大人以為係嘢食囉 好似八仙果呢 d 咁 估唔到佢都話真係以為係呢 d 哈 ~
生牛肉河好味喎 里奧大人食咗一啖咋 話飽 雖然我都飽 但都照食 因為黎到越南無理由唔食生牛肉河呢 同埋份量真係好細碗 如果當晚飯真係唔夠飽 但當小食就好 ok 啦
VND29,000 咋 即係 HK$11.6 唔食對唔住自己啦 ~~~~
丫 成條街 d 舖頭都關哂 其實越南真係無乜夜生活囉 咁唯有番酒店休息啦 ~
沖埋涼 睇下電視 再食埋包薯片 實在食力驚人 但其實好鬼飽 但無理由留番半包 又無帶定夾同密實袋 唯有辛苦我啦 哈哈 不過罐 soda 就真係飲唔落喇 ~
Soda ( VND5,500 ) / Saigon Beer ( VND19,000 ) / Poca 薯片 ( VND6,500 )
聽朝 7 點 morning call 但我地又 12 點先瞓 希望聽日有精神 哈哈 ~
呢日行程完畢
沒有留言:
發佈留言