是日行程 ~
堤岸 ( 唐人街 - 天后古廟 ) --> 漆器廠 --> 戰爭博物館 --> 全蟹宴 ( 粟米蟹肉羹 / 蟹肉春卷 / 辣椒醬炒蟹 / 椒鹽蟹肉糯米飯 ) --> Fanny 法式雪糕屋 ( 包雪糕一杯 ) --> 熱石按摩 ( 自費 ) --> 麗斯夜總會 ( 越式古樂獨玄琴+ 傳統歌舞表演 ) --> Windsor Plaza Hotel
尋晚瞓得唔錯 所以今朝 6 點 45 分起身都幾精神 感恩感恩 ~
食完差唔多 8 點就番上房沖涼 抖陣又出發喇 ~
藍天白雲 好開心呀
好在另一邊都係 哈哈
落到餐廳只係 7 點咋 所以無咩人
白色一碗碗好似係乳酪 不過擺成咁 真係唔敢食啦 @@
我鍾意食番石榴架 不過果陣味唔係人人頂到 哈哈
好健康嘅蔬菜 不過我朝早好小食呢 d
淥麵淥菜呢 d 熱辣辣就啱哂我
Noodles Station 幾有氣勢 哈哈
有專人淥麵架 我都鍾意喺越南食粉麵 細細碗 可以食多幾碗 哈哈
我都好小食凍肉 但睇個樣幾好味咁
原來有烚蛋嘅 去旅行多數食烚蛋 因為夠飽肚
一列都係炒粉麵飯同菜 所以唔影 lu 又未食嘢 逐碟揭起好攰啦
又有呢 d 小菜 哈哈
Sticky Rice & Condiment 太大件啦 唔係都想食 因為我鍾意食糯米飯呢
Steamed Roll Rice Cake
Glutinous Ball with Chili Fish Sauce 遠睇以為係魚蛋 嘻嘻
Steamed Rice Cake in Coconut Milk 無食呀 我覺得無咩味 哈
我地坐呢度 阿奧真係好愛紅 mo 喎 影到入哂神 @@
齋啡真係好飲 唔澀架 不過其實我都係飲 3-4 啖就夠架喇
今次唔要雞絲 要魚蛋魚片 比里奧大人試一啖 佢話好味就比佢食啦 咁我再出去拎 所以我次次食早餐都要行好多轉呢
沙爹醬 就咁睇無咩料到 但其實好香好辣 勁正呀
煙肉好味呀 脆卜卜 但好鹹
里奧大人食嘅早餐
佢話朱古力酥好味 我又試啦 又真係幾好味喎
我鍾意呢 d 橫身手抽袋
輕輕鬆鬆出發喇
8 點半出發去提岸嘅天后古廟 唔駛 10 分鐘就到啦 賓尼兔叫我地唔好喺鐵門外影相 唔係好易比人槍嘢 咁又係 影相好專注家嘛 如果比人搶咗嘢 真係慢九拍先識得追呢 ~
立眼以為帽同件衫係一 set 添
有膠袋 mon 住 d 食物都 ok 嘅 但其實佢係買外賣定送外賣呢 ?! 佢好似着住睡衣拖難咁喎
d 車左穿右插
話時話 好小喺街道見到巴士
吉祥大酒樓 個名好中國 feel 越南都好鍾意跟香港改名架 好似有尖沙咀 仲有一個地方 但我唔記得呢
客棧
開始多車喇
又黎送外賣 但無嘢 mon 住 d 嘢食 好多塵啫 @@
身貼身其實好熱 同埋一定唔可以肥 唔係坐唔落 3 個人囉
較剪街 因為成條街都賣較剪架
d 大公仔迫喺玻璃柜入面 好搞笑 會唔會變哂型架
賣涼茶 ?!
開哂舖 lu 但條街都無乜人行囉
其實都有好多特色 building 不過坐喺車度 好難影到囉 呢兩間屋頂有唔同 Logo 唔知代表咩呢 ?!
做西裝嘅舖頭 條喇叭褲。。。。。。
賣裙褂
做 GYM 嘅地方 真係估佢唔到呢
到天后古廟喇 不過我地由後門行入去
好多三輪車泊哂喺度 話說之前旅行社係包坐架 講明叫團友唔駛比小費 因為旅行社比咗 不過好多三輪車司機都叫團友比小費 如果唔比 佢地就唔放低妳 因為車身都好高家嘛 即係唔放低根本落唔到黎囉 就係因為咁 旅行社唔再安排坐三輪車觀光 lu 所以賓尼兔成日話 d 人做生意手法係 "石頭 dum 腳" 做完一次之後就唔會有第 2 次呢
經過客廳先
穿黎穿去 真係好易走錯 因為我係路痴
天后古廟 ( 婆廟 ) 有 254 年歷史 維修過 4 次
寶爐
兩幅牆又會咁得意嘅 一高一低咁
第 2 個字係 "是" 因為賓尼兔叫我地估下咩字來 唔係真係無留意 哈哈 同埋個 "民" 字其實都係寫錯咗呢
唔知呢塊地磚有無 254 年呢
以前嘅建築物 好多都有通風效果 讚
原來呢張 d 動物係唔同嘅
有支大香喺中間 係咪頭注香呢 ?!
火槍
滅火筒
地磚超靚
零零舍舍有一塊唔同 係有意思定係因為後期爛咗 做唔番同款呢 ?!
又行喇 係咁出出入入 勁驚唔識出番正門呀
呢張公認書都算正常嘢 賓尼兔話佢地會拎當日嘅報紙出黎 掛喺度比人睇 好九五搭八架 好搞笑 因為同間廟係無關係嘛
金榜題名 VND20,000 一星期
屋頂
里奧大人話有團友掛咗嘢上去 祈求平安呀 讀書考試成績好呢 d
掛完 lu
我覺得好似蚊香
撞哂色 哈哈
又周圍影下
好多唔同款嘅地磚
唔記得係咩來
咁樣影完 我有 d 頭暈 @@
好多疊字 不過唔識點解
里奧大人好多時都唔記得教番光圈 不過我覺得呢張效果又幾特別喎 哈
好多度都有金榜題名呢
靚
係咪有兩隻貓仔呢 ?!
又番來客廳喇
唔知點解 我覺得呢度好似等緊睇中醫咁呀
我鍾意呢 d 櫈嘅設計 但就唔鍾意坐呢 d 櫈
咁樣掛住個牌 好危險喎
蒙面女超人
其實架三輪車係點控制嘅呢 ?!
捧住箱嘢 好難開車啫
我地行番去對面坐旅遊車嘛 咁短距離都等咗 2 分鐘先過到去呀
中間棟 building 好特別喎
每間舖都會有個 security 看住 d 電單車 唔係看住間舖架
勁鍾意呢 d 街 不過無機會行啦
Baby-G 都有 都唔係好落後丫
KAMEN 樓上棟 building 個天花好特別
咁啱賓尼兔話如果 d 人死咗 一日就搞掂哂所有嘢 個火葬場係法國起嘅 炭燒架喎 所以好先進好快燒哂 好似話一按制就即燒 唔駛排隊 之後就搞笑喇 同團有個 Party 其中兩個 Auntie 呢 為咗按制之後幾時燒而鬧哂交咁 有個 Auntie 直頭話之前去過好多次 點會唔知 之後我地全場喺度笑 之後講完無耐就見到靈車經過喇
佢地仲有前倉/後倉一條龍服務 孝子都可以揀架 仲有喊同狂喊比你揀添 真係好搞嘢喎 呢 d 都可以搵人扮
同埋一定係有佛像帶路架
呢條街好多五金舖
好小見到 Boutique
又見到空心磚喇
我初初以為係所有都用空心磚添
諗起尋日賣帽嘅女人 將 d 帽帶哂喺頭度 咁就唔駛拎住 但咁多帽 無可能咁做啦 哈哈
仲以為 TST
估唔到有 Coffee Kitty
呢檔就買頭盔 其實有帶同無帶係無分別 因為睇個樣係好唔安全呢
沿途
我地坐嘅旅遊巴
唔知阿奧想影 d 咩 但我記得佢話好得意 哈哈
去到漆器廠就聽講解員 講解整個製作過程 但講解員細聲到呢 真係行到好近都聽唔清楚佢講咩架喎 唔通佢覺得所有參觀嘅人都係搞搞震無幫襯 ?! 都懶得用心同妳講解 ?! 團友話佢 d 聲線好似同人講緊秘密咁 哈哈 ~
工藝品靚就靚 不過我想買隻手鐲要港幣百幾蚊 我覺得貴喎 我肉眼見到最平係 VND110,000 最貴係 VND48,000,000 咁鬼多個零 真係伸哂 d 手指出黎數架 哈 ~
去漆器廠喇
又話無肥人嘅 ~~~~~~
打劫 拎哂 d 碟出黎 嘩哈哈哈
佢 d 動作好肉緊咁噃
呢 d 手工藝 我真係無本事做囉 手又震又無耐性 哈哈
我仍都做唔到呢 d 崗位 因為太仔細喇 我已經老眼昏花呢
應該差唔多完成
好似整緊件花生醬多士咁 哈哈
佢洗刷緊呢
如果我識畫畫就好喇
一件成品要補磨 20 層 要 3 個月時間架 咁價錢應該唔平咯
VND1,320,000 即係 HK$528 我覺得貴呀
呢 d 圖案先有越南特色嘛
呢 d 工藝品吸引之處 就係表面好滑
第一次見黑色嘅雙喜 要 VND1,100,000 呢 都要 HK$440
真係無咩特別啫
又係要 VND1,100,000
托盤要 VND1,320,000
 |
 |
呢 d 係 VND220,000 一個
再行入去睇
呢 d 好似靚 d 咁噃 所以要房中房睇 哈哈
杯墊 VND550,000
呢隻手鐲都要 HK$1xx 我覺得貴
影完即走 我地揹背囊就最驚啦 一陣一嘢掃哂落地就大鑊
VND240,000 一個盒仔 諗唔到可以裝 d 乜 如果唔係都會買番個呢
呢個得意呀 但要 VND990,000 呀 太貴喇 唔買 lu
日日望住佢 之後好似佢咁瘦就好喇 哈哈 但其實佢唔畫隻手掌仲好啦 畫到咁擺法有 d 怪囉
走人喇
運完桔都 9 點 45 分喇 又要上車喇 ~
好多時賓尼兔講完 d 特別嘢 我地就見到 佢之前話團友見到人捧住玻璃坐電單車 今日就見到喇 不過呢塊當然係細塊好多啦 但其實呢塊鏡都好危險囉
唔似醫院嘅醫院
嘩 最開心嘅事情終於發生喇 就係試食 嘩哈哈哈 ~
試食夫妻糕一件 我同里奧大人分開坐嘛 我就一定食咗先 好味就買嘛 咁落車之後 里奧大人就比埋佢件夫妻糕我食 佢話睇個樣煙煙韌韌咁 話我實鍾意食架喎 講真 果下我好開心架 因為佢會記得我嘛 哈哈
無錯 真係煙煙韌韌好好味呀 有 d 椰絲同好似有 d 馬蹄嘅嘢 但一買要買四盒 即係 40 件 ( HK$120 ) 我覺得太多喇 分埋比媽咪家姐 我都要一個人食兩盒 真係怕囉 同埋驚放咗喺雪柜之後 口感又無咁煙韌 所以唔買 lu
架電單車好似想撞埋黎咁 真係唔知道佢喺邊個方向黎
呢日未完架
沒有留言:
發佈留言