八穀豐登豚肉糉 + 紫米蓮蓉梘水糉 ( 太興 ) + 淮山清補涼豬骨湯 ( 19-JUN-2015 )

終於清哂   下次同家姐講話唔要太興糉喇   哈哈 

( 19-JUN-2015  FRI )

嘩   今朝好好多喇   不過仲未恢復元氣   仲係行得好慢   哈哈 ~

食完早餐   8 點 50 分番到菇場   唔夠 9 點仲開埋工添   家姐話我係好員工   冰姑直頭話 "我急不及待" 開工   佢地形容得好搞笑   大佬   講到我平時番工唔做嘢咁   哈哈 ~

奶油豬就留番 lunch   不過塊牛扒好油   又好乾   唔好食    嗚嗚 

之前兩日真係無動力做   慢到連自己都接受唔到   不過同事知我都係唔舒服   唔會催我嘅   但如果真係超級勁 urgent 嘅話   我點都會比咗佢先   唔想拖 ~

做到 lunch time   感恩今日有 d 胃口食嘢   所以差唔多 1 點就叮超米   熱辣辣好好味呀 ~

好喇   1 點半即開工   做到天昏地暗都唔知   仲遲咗小小先放工   不過依然仲未做哂   留番星期一先做喇 ~

放工番屋企 lu   今晚食埋 d 糭   好感思里奧大人 7 點放工   咁可以一齊食呢 ~

食完洗埋嘢   抖陣就沖涼   真係超級攰呢 ~

11 點幾瞓   其實好多時臨瞓前就會同里奧大人傾下計   所以佢次次都會話頭先唔傾   係都要上咗床先傾   哈哈   今晚講開 d 人名   我講開話有 d 人叫喪標喪威   呢 d 名好似好有煞氣咁   點知佢無啦啦叫我做喪豬   嘩哈哈   我覺得個名好搞笑呀   一啲煞氣都無   之後佢好開心咁叫我喪豬喪豬   痴鬼線   佢真係次次乜鬼嘢都會加個豬字   我都唔鬼理佢  哈哈 ~