濛濛濛 ♡ 黃山 5 天豪華團 Day 4 (PART 4/4) ( 20-NOV-2015 )

PART 4/4 - Day 4

雖然只係坐一個鐘頭車就到老街   但我都可以瞓咗陣   因為真係好攰呢 ~

4 點 45 分咋   幾咁快天黑黑

唔補光又影唔到   所以有時自己都亂哂   究竟係本身咁光定補光   哈哈

好急咁行呀行 @@

呢架黃色車好得意

有蓬電單車   咁設計幾好喎

到老街喇

佢地喺度飲茶   我地 4 個唔飲啦   周圍行好過

行入去喇

成條老街話長唔長   話短唔短咁囉   但其實好多舖頭都買差唔多嘢   所以唔駛行到最盡   哈哈

好多民間小食

家姐話左下角藍色公仔好得意   即係樣衰   無諗過佢會鍾意 @@

佢煎緊豆腐

一見到自拍神棍就即刻拎黎睇   我同佢真係路不同架   哈

呢座 building 都好有特色

好古色古香

再行行行

里奧大人話叫隻狗過黎   可以影到佢正面   我叫佢毛毛   但越叫越走   之後里奧大人問我點解叫佢做毛毛   我話買毛筆咪毛毛囉   是鬼但啦 @@

好難得無人無車

影完喇   哈哈

另一邊就無車無人

番出去 lu

仍然落雨

喺呢間百年醬菜買咗樽蒜蓉辣椒同辣豆豉

飛哥話好奇燒餅比較脆   另一間救駕燒餅就比較濃味   咁我地試咗   都係覺得好奇好味啲

無諗過里奧大人會買燒餅   因為我講明唔食架

企喺商店門前等   好怪呀   哈哈

有隻乳牛喺面前經過   原來佢地會襯色嘅

呢架車好 lady   粉紅襯粉紅   如果係我   就會用迷彩

架架電單車都個蓬

跟住大隊急步行   最衰白頭佬佢地買嘢買到遲哂啦   我都會買嘢   但唔會好似佢地咁慢慢揀   要成村人等佢地囉

6 點 15 分到餐廳   呢間好掂呀   乾乾淨淨 ~

我同里奧大人講話 d 飯好食呀   唔係腍 pat pat   佢話佢之前都係話好食   不過可能我唔太舒服   所以咩都唔覺好食囉   哈哈 ~

呢幾日因為個胃好脹   我都多數食 d 前菜為主嘅   咁今晚碟花生放喺中間   所以我就等哂人拎哂嘢先食   同埋碟花生無人食   我叫里奧大人倒啲比我   之後龍友話花生好食   個白頭婆即刻起身拎碟花生   倒咗好多落自己隻碗度   真係好心啦   頭先又唔食   啲人一話好食就倒哂比自己   所以我成日話團友係好緊要   個個係咁搶食都幾慘   同埋我真係覺得   雖然係團餐   但一定夠食囉   明知食團餐   妳都唔會夾哂自己鍾意食嘅餸呀嘛 ?!?!

眾人咩呢?!   完全唔知寫咩   哈哈

地方好乾淨

侍應啲制服好得意   但咁樣影到佢有啲似疆屍   哈哈

@ 徽洲廳

有張吸鴉片嘅床

一黎到就已經見到咁多餸

啲啤酒唔駛雪凍都凍呀   咁咪越飲越凍 ?!

我問團友呢啲係咩嘢菜   佢話係萵筍   我同 CC 聽到之後都話唔食筍   之後佢話係油麥菜嘅唔知咩   街市有得買架   一大碌嘅   咁我有印象見過   不過我唔知咩來   所以唔會買   但食過幾次之後   我覺得好好食呀

咁油   一定唔食囉

雲耳   佢地話辣辣地

呢個好食呀   肥就肥啦   哈

呢碟炸魚仔又好食   又脆又辣   我發覺我地呢團人唔多食香口嘢   所以次次食到最後   佢地唔食   我可以包底   嘩哈哈哈哈

蕃茄炒蛋   真係食咗好多餐   哈哈

辣辣地嘅椰菜   正呀   因為椰菜花實在無味唔好食呢   哈

唔記得咩來

好似脆脆地   但唔記得係咩來 lu

拍青瓜好味道

呢碟花生好食呀   所以白髮婆又唔執輸囉

佢地話好油

呢碟係筍喇啩 ?!   所以我唔食

碟花生放喺中間   所以我多數等人夾哂   我先拎黎食囉   同埋呢幾日我發覺佢地好多都唔食呢啲小食   咁又係   食餸好過啦   哈

炒菜   好多時都切到細細塊   其實我覺得咁樣幾好

佢地話似熱香餅   不過我好飽   所以無食

個公仔幾搞笑

都可以掛好多嘢喎

地方真係算乾淨   無話立立痴痴咁

呢間食店嘅裝潢都幾花心思

食到 7 點就走喇   又坐 10 分鐘車番酒店   我覺得真係無 10 分鐘添呀   好似未坐穩就已經落車咁   哈哈 ~

全景

幅畫係貼紙黎架   我仲以為係雕上去添

想 snapshot 都無機會   因為成日都話急急急   要快快快   人地買嘢又唔見咁講 ><

到酒店喇

去到酒店   等埋 bell boy 放行李就要即落大堂集合喇   開 show 時間係 8 點   但我地 7 點 40 分先開車走呀   好在趕得切咋 ~

坐喺度等派房卡

間房都唔錯

酒店出面   我發覺大陸好多舖頭都叫老媽乜咁   其實好亂   哈

8 點睇到 9 點左右   一做完啲人就即刻湧住走  但原來所有演員都會出黎謝幕   但好多人都已經行緊去出口啦   我見到都替啲演員心蹹   所以我都有向佢地揮手拍掌架   比啲鼓勵都好丫 ~

load 呢張相   以為左邊個人食煙呀   哈

8 點正式開始   有個人喺綠光入面飄緊出黎

就係佢飄咗出黎喇

之後"枕"住有人飄黎飄去   哈哈

嗱   係咪呀    飄完一個又一個   我覺得好似唱緊阿發白咖啡   飲完一杯又一杯   哈哈

我覺得幾好睇

我地坐喺字幕板隔離   所以睇到好清楚   唔係唔知講咩   捲哂脷呀   真係好難聽到   哈

字幕板下面都有嘢睇

9 點 05 分謝幕

飛越黃山 - 5D 影院好似好正咁

9 點半番到酒店   我唔去按摩喇   因為一按就要 2 個鐘   番到去咪成 11 點半   執埋嘢起碼要 1 點先瞓   唔想咁夜囉 ~

我地間房係對住呢度   咁無冷氣嘛   實要開窗   希望唔好比車聲嘈醒啦   哈

唔知點解間酒店好刺鼻   但 CC 又無嘢喎   所以我懷疑係個香薰   因為 CC 要叉電   所以拆咗個香薰出黎   佢話 feel 唔到刺鼻感覺喎   佢真好彩呢   哈哈 ~

執嘢都用咗 1 個鐘   之後拿拿聲沖涼喇   酒店燈光實在太柔和   真係好容易令人眼瞓呢 ~

今晚又係開窗瞓覺架   其實都凍凍地架   不過無理由唔開窗喇   唔係焗暈都似 ~

11 點幾就瞓喇   呢幾日好似點瞓都唔夠咁嘅 @@

呢日行程完畢 ^^