清蒸青斑仔
炸乳鴿 X 2
竹笙炒上素
燒鴨 (例)
荔芋油鴨煲 - 佢哋話啲芋頭好粉 讚不絕口咁 我同家姐即刻話好味就食哂去啦 哈哈 因為我哋食到好驚
豉油雞半隻 - 特登叫比兩個工人食㗎 婆婆話唔駛理佢哋 舅母咪話囉 一齊食先開心家嘛 同埋施比受更有福 所以我都忍唔住話婆婆 點可以唔理人㗎 ?!
( 26-NOV-2016 THU )
今朝都凍凍哋 不過好似凍埋呢兩日就唔凍 lu 11 月尾都唔凍 天氣真係反常哂呢 ~
無啦啦塞車 好在 8 點 35 分到餐廳咋 但我勁餓呀 所以趕都要食米粉餐 之後 8 卦又嚟埋 不過都無咩傾偈喇 食米粉需要啲時間呢 如果再講就食唔切㗎喇 ~
菇場忙啦 依家放假真係會好好享受 因為知道番到嚟就要打仗 身心疲勞呢 哈哈 ~
11 點幾工人 Whatsapp 話我知 媽咪 3 點可以出院 開心開心 ~
食埋 Lunch Box 就 Load 下相 之後復康姑娘打比我 問媽咪識唔識分藥 佢話媽咪話係工人分嘅 姑娘問工人識唔識睇中文 媽咪居然話識 如果我在當場 我即鬧爆佢 工人點會識睇中文 ?! 好在姑娘都覺得奇怪印傭點會識睇中文囉 所以叫我最好今晚番媽咪屋企 幫佢分藥 咁我無問題啦 反正我都想今晚去分藥 ~
做呀做 做完諗住抖 10 分鐘都好啦 點知又要繼續做添 我放工都遲咗啲走㗎喇 不過點都做唔哂囉 起碼要 2 日先搞掂 唉 又要我心掛掛添 ~
去到媽咪屋企 即鬧鬼佢啦 真係叫佢用下腦啦 工人點識睇中文呀 ?! 之後佢仲問工人唔識睇中文咩 ?! 我慶到話咁妳講 3 句印尼文嚟聽下 3 句唔多啦 妳對咗佢 4 年 之後佢無出聲 ~
之後工人即刻比覆診紙我睇 呢下真係令到我發哂顛 原來腎科覆診改咗期 本來聽日 我已經一個月前請定假家嘛 依家醫院無啦啦改咗 12 月 9 日 咁媽咪拎咗張覆診紙又唔睇個期 咩都旨意工人 如果知道改咗期 我即同 Admin 同事話調假啦 咁唔駛嘥咗聽日假期 同埋我唔想又請假啦 所以我發哂火鬧媽咪啦 我估鬧咗起碼 10 分鐘 慶吖嘛大佬 覆診嘅時候 自己又唔去聽 咩都旨意工人聽工人睇 醫院已經 Highlight 咗話取消原本覆診期 但工人鬼識睇中文字咩 真係慶到我呢 我話工人睇妳身體表面㗎咋 妳估真係知妳身體咩情況咩呀 ?! 加上我呢幾晚已經好攰好攰 又瞓唔到 濕疹又翻發 如果唔係今晚婆婆同細舅父舅母嚟探媽咪 我真係即走 等妳知道事件嘅嚴重性 唔係成日乜都以為妳以為係就係 ~
6 點左右佢哋到啦 我仍然分藥 咁 6 點 15 分家姐打嚟話開會 都唔知嚟唔嚟到 唔係咁邪呀嘛 次次一約唔係星期三就食唔到飯嘅 ~
叫媽咪佢哋去酒樓先呀 我要靜靜哋再 Double Check 啲藥 搞掂哂先去酒樓 感恩家姐 7 點半都到到 可以一齊食呀 ~
里奧大人今日 4 點喺太子見客 見完就去深水埗買 SD Card 再食狗仔粉 所以佢 7 點已經幾番到屋企 可以早啲抖下呢 ~
成日影相黎引人 因為知我同家姐未食過呢 同埋平時我一煮飯就話好飽好飽 我唔相信呢餐唔飽囉 但你都會照食哂佢囉 衰
食到 8 點幾 送埋佢哋搭車 我同家姐都上去媽咪屋企坐陣 叫家姐再 Double Check 埋啲藥 坐到 9 點幾就走喇 ~
番到屋企即沖涼 睇下雜誌 11 點幾瞓 lu ~
沒有留言:
發佈留言