燒汁焗雞翼 + 魚片炒銀針粉 + 菜心 ( 2-NOV-2015 )

( 2-NOV-2015  MON )

尋晚瞓得唔係咁好   仲諗住有睡意個人會瞓得好添   好在起身都 ok 精神呢 ~

今朝去到茶餐廳都 8 點半喇   好在唔太餓   食奶醬多可以快 d 食完就睇陣報紙呢   呵 ~

菇場忙呀   咁都好   唔會中眼瞓   呵呵 ~

Lunch 出去買紅薯粉番菇場慢慢食   食完夠鐘又要開工喇 ~

知道自己食得好飽   所以就去擺番 d 文件入 file 再入箱   夠哂體力勞動   仲有 d 想出汗添呀 ~

放工去街市買餸   之後就番屋企喇 ~

里奧大人 7 點唔夠打黎話放工   平時喺街度唔覺電話鈴聲咁響   但屋企咁靜   無啦啦電話響   次次都嚇咗一跳架   真係遲早驚有心臟病 ~   

嚇咗一嚇成個人醒哂   所以即刻去焗雞翼   因為我真係完全唔記得焗佢添 @@

是日晚餐 - 燒汁焗雞翼 + 魚片炒銀針粉 + 菜心

燒汁焗雞翼 - 懶呀   就咁用牛肉燒汁醃就算喇   最搞嘢係里奧大人問我係咪加咗 wasabi ~        
魚片炒銀針粉 - 加埋買咗 n 年嘅紫洋蔥   本來諗住加蒜芹   但屋企仲剩兩個紫洋蔥   所以求其加埋佢喇   依家仲剩 1 個   應該洋蔥豬扒架喇   哈哈 ~ 

菜心 - 我一邊炒粉一邊淥菜   但驚 d 粉痴底   所以係咁炒係咁炒   唔鬼記得淥緊菜   所以 d 菜真係超級林甜喇   最驚 d 林 pat pat 嘅菜   我第一時間食哂 d 菜先   唔係我知我越遲食就越想會掉咗佢囉 ~   

洗埋碗   抖陣   9 點用里奧大人一齊出去徑步喇   今晚有 d 暈又有 d 攰   所以都係行平路算喇   行咗半個鐘即走   好在有 d 汗   咁先似做運動嘛   哈 ~

沖埋涼就抖喇   睇埋電視   11 點 45 分先瞓呀   希望聽朝起身有精神啦   哈 ~