PART 1/2 龍脊灣 + Outback Steakhouse @ 銅鑼灣 ( 28-NOV-2015 )

( 28-NOV-2015  SAT )

今朝里奧大人 9 點醒咗就沖涼   之後我都醒咗啦   不過就懶下床咁囉   里奧大人出黎之後就裝下我   睇我醒未   我特登唔郁   佢真係以為我仲瞓緊   呵呵   佢裝又裝得耐喎   大佬   忍笑好辛苦家嘛   真係呢 ~

去麻酸樂食早餐   之後里奧大人就去中銀過數比飛哥   我就番屋企沖涼喇 ~

11 點出門口   搭地鐵去筲箕灣   之後再坐 9 號巴士   架巴士 full 哂又唔開   奇奇怪怪   之後等咗 2 分鐘左右就有車開   算快呀   所以我地 12 點到土地灣呢 ~

好多人等車   個個都運動裝束   所以里奧大人話唔駛驚唔識落車   哈哈  

呢座 building 好有特色   應該都有番咁上下歷史   同埋應該係一梯一伙   我覺得圓碌碌應該係樓梯嘅氣窗   咁即係可能無電梯   

呢 d 天氣唔出去行山   真係嘥哂呢

好多人落車呢

阿奧第一時間睇 Map

有警告係好   但唔係個個知驚呢

去埋廁所就上山喇   其實我最驚最驚係去流動廁所   好在乾淨咋 ~~~~

里奧大人話龍脊灣係三星   同埋條路都幾易行   咁我信佢啦   但其實我一開始行 d 石樓梯   我已經開始好驚啦 @@

龍生   希望你係條細龍啦   唔駛我行咁耐   哈哈

一開始行呢 d 爛路都心知不妙   因為我覺得如果係好行嘅路   係由一開始已經係好行咁囉

一列排屋

呢 d 叫做好行架喇

留個念先

行咗 10 分鐘仲係呢 d 喎   阿奧大人   我好驚喎

里奧大人自己行落去影相

~影咗呢棵嘢 

同埋呢張咁大把   哈哈

有好多唔同型狀嘅石頭

 行去龍脊要半個鐘

里奧大人話等佢行快 d   睇下有無嘢好影

之後佢叫我行入去喇   原來已經有幾個人喺度影相呢

叫里奧大人幫我影背影   之後我話放番 d 頭髮再影   佢話好恐怖   嘩哈哈哈哈

里奧大人仲着長袖衫   好在佢入面係件短 tee   無耐佢都要除件長袖衫 lu

喺度野餐都唔錯架   因為無人行到入黎   我可以當係自己後花園開餐咁   爽呀

同頭先望嘅嘢係一樣   呵

全景都係咁   哈哈

行喇喂 

好啦   嗚嗚   我覺得好難行喎   爛路都算   但又要上又要落   又多碎石喎   我又論盡   驚阻住後面 d 人行嘛   搞到我地緊張   隻手濕哂呀   所以係咁依依哦哦   里奧大人都幾慘   行過山啫   比人哦足半個山頭   哈哈 ~

我覺得呢級樓梯好似墓地 @@

仲係呢 d 爛路   開始發脾氣 lu 

唔夠 2 分鐘又行番呢 d 好行嘅路

d 樹枝好特別

又要上樓梯喇

　

12 點半行到 085   我地終點站係 100

我覺得呢 d 樓梯最好行   夠闊同夠扁   同埋有 d 爛路   可以比人企喺度抖下   又唔會阻住人上落

又落喇

呢條路好似好好行   但中間位置又凸咗一嚿出黎   所以我同里奧大人沿途都好小傾計   要專心睇路呀 

行呢 d 路真係要扭黎扭去   我又論盡   勁驚 pk

                    

好多村屋

又有幾間獨立屋

右邊係龍脊灣方向

好多指示牌   不過我地跟人行多呢

呢度好大風   吹到頭都暈   里奧大人話差 d  連頭巾都吹走埋呀   可想而知幾咁大風呢

我唔敢企喺兩嚿石中間影相架    我唔想 sir 落山

里奧大人就行出去邊邊影相   之後仲話我唔知驚乜 ><

~就坐喺櫈度影隻鷹   我實在太愛鷹喇   哈

如果有人唔小心推跌我   我就成個碌落山架喇   有個男人都話最危險其實係呢個位置

又要撐上去喇

12 點半到 085   1 點先到 086   我實在太驚   要停下抖下   所以行得好慢   又影下相   如果唔驚唔影相   其實真係好快行到呢

呢兩個島   好似兩隻動物 "pa" 喺度咁   幾得意   哈哈

唔知係咪高球場呢 ?!

繼續行 

影咩呢 ?!?! 

好似望黎望去都差唔多咁   嘩哈哈哈哈

好在唔係喺度落去咋   唔係發顛都似   實在太驚喇我

對於我黎講   行呢 d 路真係算勁架喇   我成日講所謂嘅行山   係行下家樂徑咁架咋   我覺得呢度算係一個挑戰黎架   阿奧話上網話龍脊灣係 3 星   以我黎講係 5 星架喇 

好舒服   索多兩啖新鮮空氣先

佢地好似喺個山洞行出黎咁   哈

里奧大人話我用錯行山仗方法   因為我次次上樓梯   都會將支仗撐到好遠   所以其實借唔到力   之後佢教我應該點點點   我識借力之後就行得快過佢   佢反而有 d 驚   因為完全係兩個人咁喎   哈哈

阿龍大哥   幾時先可以行完你個背脊呀 。。。。。。

真係唔好講笑   望咗幾分鐘之後   對眼都好似無咁濛咁架

d 排屋越黎越細間   即係代表我越行越高   呵呵 

里奧大人話有狗呀   所以我即刻同佢講   你唔好話隻狗叻過我呀   我會嬲架   堅嬲架   以後唔再行山

離遠望到仲有人不斷向上行

隻直昇機好似 d 會飛嘅昆蟲 @@

我行平路真係行得快過里奧大人架 

呢度好多碎石   同埋好多石頭都唔穩陣   所以真係要好小心行呢

我叫里奧大人幫我影相留念   但要影到我好似行到好高咁架喎   呵呵   我覺得里奧大人真係好慘   我真係依依哦哦咗成個半鐘架   一見要上 d 爛樓梯就話佢   但佢就只會叫我慢慢行   唔急嘅   抖多幾分鐘先行   唔急嘅   好有耐性架   但之後佢同家姐講   話我鬧足佢成日   哈哈   不過我都覺得自己好衰咁呢

踩單車 ?!?!   越野單車嗎 ?!?!?! 

望番後面   我估應該行咗一半喇啩。。。。。。

望住個海   其實都真係幾舒服

仲以為有咩大海洋生物游過添   哈哈

個島似大烏龜

行下抖下   其實真係唔係好辛苦   但最搞笑係里奧大人教我點樣踩 d 石頭會安全 d   之後我識喇   就行得快過佢   佢都覺好怪   因為好似完全係另一個人咁呀   所以佢話我其實能力係做到   只係心理上仲係驚呢 ~

又要上喇  

我地去大潭峽   如果去咗土地灣就大鑊   行番轉頭事小   無得去安利食片頭河事大 ~~~~

呢日未完架