12 點半去到餐廳 我地一枱 10 人 包括我地 4 個啦 白頭佬兩公婆 "習咁平"表弟兩公婆 兩個唔識嘅男性團友 咁我都話唔好意思 我要影相做紀錄 不過白頭佬兩公婆真係勁心急 啲餸一放低就即夾 比我感覺係驚死蝕底咁 因為碟碟都係即放低即夾 仲要係明明食緊都會即夾咁喎 仲要夾幾次添 咁 CC 一見到有新菜放低 就會叫我影 不過我話今次有啲難度 因為有人搶食囉 咁我又無理由係都要影先嘛 始終跟團就要顧及人囉 如果佢地覺得我影相阻住佢地食嘢 我都唔會影架 之後白頭佬話唔緊要架 最緊要大家開心 不過佢都係一見餸就夾 完全係口不對心啦 哈 ~
飯店出面係咁架 又幾靚喎 咁影影下相 聽到啪一聲好大聲 原來有團友跣到呀 真係嚇鬼死 始終落雨之後 木地板係超級跣 所以無咩必要都唔會行地板 之後 CC 講番 話有個團友唔知喺邊度跣度 個 Iphone mon 爆咗 諗住整啦 不過要 RMB1,500 所以佢唔整呢
哇,d树仲好价过你啊!坚5坚嘎!?800万。有人买才奇怪啊!
回覆刪除就是啦 我都無專人服侍呀 哈~~~~
刪除800 萬係個盆呀 我呢個蟻民真係唔知有咩咁值錢囉~~~~