PART 3/4 - Day 4
仍然跟住行啦 行得快就聽得到影唔到 行得慢就影得到聽唔到 哈哈 ~~~~
我最鍾意向上望 因為啲建築物真係由上至下 裡裡外外都好靚呢
好多乜堂物堂 我又無聽呢 真係好感覺自己到此一遊 feel 最衰自己唔舒服啦 唔係我會 mark 低係啲乜架 飲恨 ~~~~~~~~~~
如果住村屋 門口整番對石 chopper 都幾搞嘢 嘩哈哈哈
愛心提示
一片片嘅瓦礫 團友話以前睇啲武俠片 咁啲人成日會拎起幾片瓦礫 睇下屋入面啲人做緊乜喎
又影下相 lu
望住真係好舒服嘅
行到差唔多入口處 因為頭先無時間影 所以個個都最後衝刺影影影呀
12 點半出發去食飯 只係 10 分鐘車程 其實坐好擺低個袋 再拎部相機出黎影下 好快又要拿拿聲落車 咁樣好易精神緊張 嘩哈哈哈哈 ~
入口位置有條門檻 我睇住 O 仔撻生魚呀 嚇鬼死我 好在無流血咋 但見佢痛到乸哂塊臉呀 之後無耐啲員工就拎啲地毯出黎 咁就無咁跣度呢 但之後個個都步步為營啦
喺大陸 好小見到成間食店會開哂所有燈呢
蒸水蛋都 ok 好味
無食
炸春卷好味 一食呢 里奧大人就話唔好食咁多 因住熱氣 次次去旅行食炸嘢就會咁講
炒白菜仔都 ok 我鍾意喺大陸食菜架 啲菜好甜咁呢 我都唔識點講 哈
食完都只係 1 點 05 分 之後行過去賽金花故居參觀 ~
@ 賽金花故居
係咪特登剪到咁架 ?!
啲人又掉銀仔落去 咁啲水一定好 dirty 啦 啲金魚真係慘 @@
花園好大 以前啲人覺得屋大唔聚財 唔怪得啦 有錢人啲屋都係好細 但花園就好大囉
賽金花係徽洲人 清朝歌妓 但好愛國的
地下好靚 但好鬼跣 哈
周圍行 真係唔知邊度打邊度架 因為地方真係好大 同埋度度都差唔多咁
1 點 45 分上車 2 點半去到玉石店 坐喺房入面聽佢介紹 之後又問下我地 呢啲係咩手鐲呀?! 因為講國語嘛 個個又唔識講手鐲 係咁鐲黎鐲去 之後習表弟衰到死話遺囑呀 笑到肚痛 所以佢話 "天不怕地不怕 最怕廣東人講普通話" 哈哈 ~
之後話個唔知乜乜黎唔切 所以由個經理出黎介紹喎 習表弟話佢之前參加啲團又係咁 咁大家都知咩事啦 但對我黎講 員工經理老闆介紹都係一樣 一樣係悶囉 @@
最慘間房好鬼焗呀 個個已經聽到好悶 加上又焗 勁想瞓覺囉 好在無耐就話可以走人 習表弟即刻彈咗句 "最開心聽到呢句" 哈哈 ~
呢團嘅白頭佬同另一對 5x 歲嘅夫婦 對玉石翡翠好有興趣 所以佢地好似有買 原價 $7,800 減到 $1,000 相差咁遠 好明顯知咩事啦 我唔明點解佢地仲買 團友都話只能夠講句 "千金難買心頭好" 囉 ~
之後再入間房 有密碼添架 勁似有入無出咁 嘩哈哈哈哈 不過好似真係唔想比妳出去咁架 我地 8 - 9 個團友話要出去食煙 佢先比出架 其實我地根本都唔係食煙嘅 大佬 我出去影下相好過啦 ~
咁團友再買嘢 所以 4 點 10 分先走人 唉 無諗過團友會買嘢 次次都係果兩 pair 買 所以 5 點 10 分先去到老街 6 點就要集合 好趕啦 但因為今晚要去睇 show 時間就會更加緊迫囉 ~
貔貅 佢地話要摸佢 pat pat 先有用喎 真係太迷信喇 @@
4 點 10 分終於走得 yeah ~~~~~~~~~~~~
兩笠乜..繼續係我
回覆刪除古色古香係好特別~不過我都驚睇太舊果d屋..感覺有!!!!
宏村行一個圈好似都好大咁~遠景影橋果道好靚!
食完飯行賽金花故居..個花園大到呢! 不過朝朝出去花園心呼吸
真係人都精神爽利又放鬆~陣陣草味勁清新香囉
旅行團帶得你去買野~真係預左咩事啦!
兩情相悅笠 嘩哈哈~~
刪除早啦 今朝仲有d凍呀 同埋又灰灰暗暗咁囉~
無錯呀笠 有時睇太古舊嘅屋 好自然會諗起!!!!!!
宏村真係好大好靚 可惜無時間行哂~
賽金花故居個花園真係超正啦
如果朝朝去花園深呼吸 真係咩負能量都無哂呀 哈哈~
明知比人坤都仲要買 真係只能講句千金難買心頭好囉~~~~