蘿蔔牛腩煲 - 好大陣八角味 最驚
蒸紅鮋
豉椒味菜炒鵝腸 - 都無味菜嘅 @@
燒肉切雞拚盤
花生眉豆雞腳湯 - 我好鍾意飲架 但自己好小會煲雞腳湯呢
( 10-NOV-2015 TUE )
今朝落毛毛雨 真係無諗過 11 月仲會落雨囉 ~~~~~~
仍然無咩胃口 所以食奶醬多算喇 諗住番工 點知阿爽黎咗食早餐 咁一齊傾下計 等埋佢食完先番工呢 ~
菇場忙下停下 終於可以整理好 d 嘢 尋日太忙 根本做咩都最緊要快 所好多手尾今日要做番 搞掂哂就最好 唔駛成日掛住掛住 ~
今日有 lunch box 食完都落去行 20 分鐘先 好耐無行 係時候要郁番下喇 ~
放工去媽咪屋企 今晚大食表妹黎探媽咪 佢話佢阿媽話係時候要探姨媽 所以星期日即打比我約幾時食飯 因為佢要通知學生 咁啱今日里奧大人上大陸 所以就約今晚食飯呢 ~
一入屋 媽咪就比出門利是比我 仲話又要佢擔心 我話去玩駛咩擔心喎 不過如果家姐去旅行 我又係好擔心佢架喎 擔心呢家嘢 唔通會代代相傳 哈哈 ~
大食 7 點唔夠就黎到 咁一齊去嘉華食飯喇 ~
家姐今日 5 點先開會囉 開到 7 點半 今晚同唔到我地食呀 好唔慣呢 ~
食到 8 點幾就番媽咪屋企坐陣 差唔多 9 點先走 我約咗里奧大人去 Taste 買啤酒 但大食係都要痴住我 係都要陪我去 Taste 成個細路仔咁 佢仲話同我傾計多過同佢阿妹傾計 鬼咩 條友仔哦一聲都成 15 秒 無咩邊個會頂到囉 好多人 5 秒唔夠已經鬧爆佢架喇 但今晚佢好咗好多喎 講咗唔同嘅嘢 唔似以前咁講黎講去都係果 d 呢 哈 ~
同里奧大人一齊買完啤酒 就送埋大食到交通銀行就走喇 里奧大人話佢咁有心探媽咪 送佢行遠 d 喎 哈 因為我初初諗住送佢到商場門口就叫佢自己走呀 真係衰呢 ~
里奧大人今朝上大陸 之後再去見客 坐兩個半鐘頭車先到落馬洲 真係兜大運 所以佢都 7 點幾先番到屋企 又食麥記餐 但又食唔哂 d 薯條 又飲唔哂杯汽水 話留比我喎 但其實咁不如就咁食個包算啦 搵我黎搞 @@
番到屋企即沖涼 之後大舅父打黎話想約媽咪食飯 順便比 d 薑醋我地 咁我話下星期唔得囉 叫佢約家姐 佢問媽咪身體點樣 ?! 我話好好多喇 佢居然同我講話 " 咁之前又講到好危殆咁 又話要洗腎嘅 ?!" 嘩 我當堂 O 咀 遲咗陣先比到反應 因為正常都會答話 " 咁就好喇 " 唔會好似懷疑妳之前所講嘅嘢咁囉 而事實之前媽咪身體狀況真係唔好 我絕無誇張 同埋我唔知婆婆點同你講媽咪情況 可能婆婆自己加咗好多嘢 講到超級頂級嚴重囉 ~
同番里奧大人講 佢話覺得有 d 反感 之後我激鬼氣打埋比家姐呀 家姐話舅父講嘢不嬲都係痴痴地咁 唔駛理佢 之後我講番舅父問家姐去唔去食飯 話多個人好 d 我地咪話囉 咩叫多個人好 d 自己人黎 又唔係唔識 真係奇奇怪怪 ~~~~
夜晚凍咗好多咁 加上又攰 所以 11 點就即瞓喇 ~
花生眉豆雞腳湯-好浓郁-像家里煮的一样! 不错呢!
回覆刪除係呀 希望無落味精啦 哈哈 ~~~~
刪除