白木屋 @ Mega Box ( 14-NOV-2015 )

博多豬骨湯拉麵 - 份量細咗好多  

石燒韓式海鮮飯 

將一細碗嘅韓國辣醬撈埋一齊食   我同里奧大人講話下次整比佢食   佢又笑   當我流料定啦   哈哈  

土佐豆腐 - 唔好食嘅   我覺得味千整得好味   不過我已經好耐無去味千食 lu  

( 14-NOV-2015  SAT )

今朝 7 點 50 分起身   感恩去到小巴站即有車   咁可以多 d 時間食早餐呢 ~

一入餐廳見到 8 卦   第一句又問我放假去邊   成日問問問   我唔答你   你都識做啦   唔明點解仲要問問問   我唔係懶神秘   而係真係唔鍾意 d 男人咁 8 囉   如果我想講就一早同你講啦   其實我覺得佢咁樣真係好討厭   佢夠成日話佢老婆喺九龍灣痕生做嘢   我都聽完就算啦   都唔會問佢老婆做 d 乜咁   又唔係朋友   真係唔鬼得閒理佢啦   但佢又會"順便" 問埋里奧大人做 d 咩   又強調話無咩唔可以比人知   但佢都承認自己 8   我真係好難理解佢點解要咁 8 呢 ?!?!

菇場忙咗一個鐘就搞掂哂 d 嘢 lu   西瓜放假放到 12 月   咁就爽喇   呵 ~

冰姑又寄嘢比我食   佢本來話有 12 罐 100 plus 架   不過郵局無啦啦唔比寄 Liquid   仲要呢份件   差唔多 3 個月先收到   我地諗住無架喇   估唔到最後都最終到我手   哈哈     

話咁快就放工   今日約咗里奧大人同姑奶飲茶   不過佢地 12 點就到咗喇   同埋姑奶要趕住做嘢   所以我食咗小小嘢   坐到差唔多 2 點就走 lu ~

同里奧大人行去 Mega Box   不過我想食餃子   所以去八方雲集喇 ~

食完再去行   感恩同里奧大人都買到對行山鞋   仲要係做緊特價   $539 仲有 95 折   會員買滿 $1,000 仲可以用 $0.5 換一個環保袋   所以即換啦   超勁抵呀   哈哈 ~

買完就去睇戲喇   時間啱啱好   喺 UA 睇 4 點 40 分嘅 " 007 鬼影帝國 "   睇到 7 點 05 分左右   估唔到好睇喎   我覺得無咩悶場   係有 d 唔 make sense 啫   哈哈 ~   

一早講咗話去白木屋食嘢   但依家小咗好多嘢食呀   真係好失望   不過估唔到滙豐卡有 9 折   咁都叫有 d 安慰   哈哈 ~

食完再去 Ikea 行陣   再換埋積分優惠就坐 shuttle bus 番九龍灣   原來都已經 9 點 45 分   不過我想食甜嘢   所以食埋雪糕先番屋企 ~

沖埋涼就洗衫   又睇下電視   今晚顛咗   1  點幾先瞓呀 ~