今朝 6 點 45 分 morning call 又係早 15 分鐘起身 搞掂哂就落去影下相 天氣都係唔好 地下又濕 不過感恩無落雨呀 ~
影完就入餐廳啦 好鬼凍呀 哈 不過餐廳啲人仲未搞掂囉 真係要搭正 7 點先有得食呢 ~
@ 6:55am 好大霧呀
@ 玉屏樓
尋晚食晚飯嘅餐廳
我地係第一個黎架噃 又會咁快無咗啲蛋糕嘅
團友都黎咗喇
有 3 款唔同嘅粥
炒菜 / 青瓜
鹹鴨蛋
唔知炒咩
糉
粟米
饅頭 我都鍾意食蒸饅頭架 甜甜地咁 不過今朝唔想食
茶葉蛋 ?!
蒸南瓜
蒸花卷
我地喺呢度食早餐
我只係食咗蛋 + 粟米 之後都唔想再食其他嘢 隔離果碟係里奧大人
我同里奧大人講話要食啲飽肚嘢先得家嘛 咁上山先有氣力 所以我帶咁多零食都係為佢咋
CC 嘅早餐 佢可以食好多嘢架 但一定要比時間佢慢慢食囉
食完就番上房抖下 8 點 15 分準備出發喇 ~
今日係正式行黃山 所以着埋護膝 希望有幫助啦 因為膝頭哥痛好慘架 ~~~~
間酒店好似彎彎曲曲咁
設計好簡陋 都明白嘅 樣樣都係人手堆砌 唔好要咁多花款咯
個個都着哂雨褸同鞋套 我地都唔例外啦 因為行山拎住把遮仲危險 咁我地又要影相 我覺得係麻煩多啲 對手都唔知拎得邊樣好 哈哈 ~
大霧又落雨 感恩一出發就無落雨呢
8:15am 出發
啲路又唔係話好危險喎 起碼有扶手 我一定要捉住架 唔係好驚呢 ~
凍到要帶冷帽
濛查查都好 咁樣就唔知道自己身處有多高 哈哈
團友們 原來佢地好多都係紅色褸 真係 load 相先留意 哈
絕壁深崖 注意安全
又行落去喇
不停上上落落 但其實上樓梯係最多
呢條樓梯就超級安全喇 哈哈
如果自由行 我見到咁多指示牌實會頭暈 @@
8 點半咋 已經好多人上上落落 咁樣睇番自己個背囊 真係好脹卜卜 所以次次一放低背囊 覺得係一種解脫 哈哈
嘩 真係濛到不能再濛 哈哈
雨褸鞋套不可小 佢地有啲會着埋條防水褲 不過我唔着啦 因為我驚好熱
地質災害 3 級 ?! 我唔知點區別 但總知行山食煙就好危害環境啦 黃山設有吸煙區 咁如果一路行一路食煙 好似要罰錢 我覺得全個山都唔比食煙就最好囉
行呀行
大石托住小石
個女人行緊果條栱型樓梯仔係空心架 下面就係懸崖 我唔明點解唔封咗去囉 咁危險
里奧大人間唔中都叫我企定定影相架 只有咁 我先識笑 哈哈 因為我真係無咩氣力 同埋個人好攰 胃又脹脹咁 嗚
係都要我掂隻老鼠耳仔 係都要我行出啲行出啲 大佬 驚家嘛 @@
如我所料 我真係包尾架 想快都唔得 同埋唔知點解個胃好唔舒服 成日想嘔想嘔咁 但應該唔係高山症啦 海拔 1900 唔係好高之嘛 咁應該係驚得滯 哈哈 ~
9 點喇 大家要抖一抖
里奧大人做咩影佢呢 ?! 因為佢寧願包實背囊都唔包住自己 ?!
行百步雲梯喇 我地係行落去 好在咋 唔係就真係"百步暈低"咯
好大嚿石頭
周圍都無嘢扶手 所以我地都唔敢企喺度影相 因為知道自己身處懸崖 一跌落去就無架喇
好似一隻手指公咁
如果行唔到 可以搵挑夫挑妳上去 價錢係 RMB1000-1500 不過聽人講話係超級"鄧"
里奧大人要我帶帽 話因為太多霧水 唔帶嘅話 頂帽就會兜住哂啲霧水呢 呵
又影下相咁啦
沒有留言:
發佈留言