濛濛濛 ♡ 黃山 5 天豪華團 Day 4 (PART 1/4) ( 20-NOV-2015 )

( 20-NOV-2015  FRI )

今朝 5 點起身   諗住睇日出嘛   咁里奧大人出去視察環境先   不過最後都係睇唔到   因為落緊雨呢 ~

白頭佬住我地隔離房   啲門唔隔聲家嘛   嘈鬼到呢   真係係人都知你去睇日出喇   煩 ~

6 點 45 分 morning call   我地刷埋牙又沖埋涼   7 點唔夠都可以去食早餐 lu   所以早 d 起身係最好   多 d 時間用   唔駛咁趕頭趕命呢 ~

今朝勁呀   人生第一次食早餐係團餐   所以 7 點一定要到   7 點 45 分一定要離枱   因為 8 點又會有另一團呢   但我都無咩胃口   食咗小小粥同一個饅頭就番房喇 ~

白頭婆今朝遲咗   CC 話我知   佢一坐低就好緊張同白頭佬講   點解唔"北"定碗粥比佢   白頭佬話驚凍咗唔好食   CC 話比佢感覺係驚死無得食咁   但其實粥同飯都可以 refill 囉   駛唔駛咁急呀   同埋我無同 CC 講過佢地搶食架   估唔到 CC 都有同感 ~

炸菜   送粥一流   我發覺自己都好似 d 呀婆咁   鍾意白粥加配料   哈哈

蛋糕仔   每人一個啱啱好

榨菜絲毛豆 ?!

豆腐干

青瓜片

花生正呀   不過我無食   因為唔慣一起身就食呢啲呀   哈哈

我地 10 個人   呢度得 9 杯豆漿   白頭佬就拎定 2 杯架喇   之後 CC 話同兔兔 share   但我話我都唔飲豆漿嘅   佢地 1人1杯得啦

咁大兜白粥   妳駛驚無得食咩 @@

食咗 1 件蒸饅頭   剩番呢件蛋糕仔係我架   我叫 CC 食埋去

蒸花卷都無食   真係食唔落

蛋就食啦   補充體力嘛

又係唔夠分   所以我同里奧大人都唔食 lu

黃山第一間有電梯嘅酒店

8 點出發   眼前終於唔係白濛濛一片喇   因為落咗場雨嘛 ~

咁喺 Lobby 交房卡期間係好大雨架   所以即刻着哂雨褸同鞋套   今次唔着鞋套唔得喇   我唔想醃住對腳成日呀   哈哈 ~

感恩出發嘅時候係只係落毛毛雨   咁就無咁驚喇   其實成日就住就住黎行   對腳真係好攰囉 ~

團友林雪成日話呢兩日落場雨就好啦   睇景會清好多   但其實落雨係好危險啦   雖然度度都白濛濛一片   但感覺幾特別丫   CC 直頭話白濛濛仲 OK 添呀   因為太清呢   佢睇到啲懸崖   反而會腳軟添呀   哈哈 ~

嘩   好清呀

拎住把遮影相真係好鬼娘   哈哈   又見到好多鎖仔

尋日睇唔到嘅 "夢筆生花"

又開始大霧了   天氣真係變幻莫測

我仲諗住落山唔駛上樓梯添   我仲着咗雨褸   覺得好鬼熱呀

仍然係頭 dup dup   成個呀婆咁   嘩哈哈哈哈

離遠見到雲海

行呀行

見到啲人行緊嗎 ?!?!

依山而建嘅樓梯   原來都幾穩陣   因為我地沿途都係咁行都無嘢喎   哈哈

坐纜車落山喇

雲海

習表弟叫我地咁企架   話咁嘅角度影出黎好靚呢   umm 靚啲咩呢請問 ?!

有山襯托嘅雲海   真係好有仙境 feel

行呀行   8 點 40 分到纜車站   終於落山喇   yeah ~~~~

我地喺車廂入面行黎行去   兔兔勁驚呀   叫我地唔好行黎行去   睇番啲相   得佢一個無郁咋   哈哈   反而我又唔驚喎   怪 ~

坐纜車落山喇

啲石一粒粒好得意   有啲堆埋一齊   就好似個人像咁

唔大霧就望得咁清楚   妳咪話唔驚   哈

其實無咩嘢好睇   嘩哈哈

我覺得啲植物好得意

雖然係光脫脫嘅山   但真係好宏偉嘅

個天仍然係黑黑暗暗呢

今日好多人上黃山呀

要用鐵馬控制人流

真係好在唔係呢日上黃山   唔係我一定每晚都瞓唔着

9 點落到山腳   CC 話之前見到有人着住對粉紅色有拉練嘅鞋套   所以想買   估唔到又買到喎   咁我地都買埋啦   哈哈  RMB20/對都 ok   因為唔知邊度仲有得買   見到有就好買喇 ~

woo   再見喇黃山   多謝你帶比我好好嘅體驗呀   哈

我地仲係着住雨褸架   都懶得除呀

呢架郵局車都好乾淨喎

我地 4 個人喺呢啲檔仔買咗對鞋套   好似 RMB20/對

飛哥話上山睇風景   黃山隔離係九華山 ( 四大佛教名山之一 )   又有個唔知 x雲山 ( 四大道教名山之一 )   咁落山喇喎   就當然睇文化啦 ~~~~~~

呢日未完架 ^^