( 24-NOV-2015 TUE )
尋晚瞓得唔錯呀 可能真係好攰啦 哈哈 ~
今朝唔餓 咁食奶醬多啦 不過實在太乾爭爭喇 勁難食 正想睇報紙嘅時候 8 卦又黎咗 又係問我去邊 真係死唔斷氣咁問 救命 ~
菇場忙啦 對手未停過 對住個電腦 眼都濛埋 勁辛苦呢 ~
Lunch 出去食 想比對眼抖下呀 ~
又繼續做呀做 臨放工仲有 d 煩到嘔嘅嘢做 不過我狀態唔係咁好 留番聽朝先做 我唔想做錯嘢呀 ~
放工即走 去到巴士站無啦啦搞肚痛 好在商場喺隔離 仍都好感恩一出到巴士站又即刻有車 如果唔係又要等好耐架喇 今晚差唔多 6 點半先到醫院 去到病房即搵姑娘 不過負責媽咪嘅姑娘出咗去食飯 咁唯有等啦 ~
見到媽咪都精神呀 但見佢飲緊奶茶 想話鬼佢 不過原來佢無食街嘢 咁算佢啦 ~
唉 無啦啦肚屙 係咁出出入入 又凍喎 勁想叫媽咪借個床比我休息下呢 哈 ~
家姐 7 點幾先到 無耐負責嘅姑娘又黎埋 話媽咪今日照嘅腦掃瞄無黑影 血壓都正常 又無抽筋 所以可能話係食血壓藥影響 依家由 100mg 減到 50mg 但又唔知係咪因為食血壓藥 所以血壓先靚喎 哈 之後仲有個唔知咩腦 report 就未番 其他一齊都 ok 喎 最緊要唔係中風就得 佢話媽咪疑似抽筋喎 umm 咁即係咩呢 ?!
好喇 媽咪今晚都真係好精神 我都好開心 之後差唔多走喇 佢居然叫我祈禱 咁我叫家姐試下 佢講咗兩句 媽咪話佢都唔識祈 叫番我祈 哈哈 ~
里奧大人 7 點幾放工 又叫佢番屋企等我啦 不過今晚真係要打的落淘大喇 我唔想等等下車又黎料 ~
諗住食吉列豬扒 但里奧大人唔食炸嘢 之後佢話去譚仔喎 咁是但啦 最搞笑家姐第一句就話我可以食豬耳 因為佢知我想食好耐 哈哈 ~
食完都 9 點 我唔送家姐去巴士站喇 要即刻番屋企呢 因為又黎料 唉 屙咗 3 次之後好似無咩嘢 所以就即沖涼喇 ~
今晚11 點 15 分要即瞓 因為勁攰呀 ~
沒有留言:
發佈留言