麻辣串串香 @ 九龍灣 ( 20-JUL-2016 )

藍碟花雪梨汁 ($15)

搖勻就變咗紫色   好靚呀   但完全無味嘅

( 20-JUL-2016  WED )

唔知係咪之前瞓得太多   所以尋晚瞓唔到呀   之後無啦啦又行雷閃電   仲瞓得更加唔好   不過後尾唔知幾點都瞓着咗 lu ~

里奧大人今朝上大陸   佢鬧鐘響咗到出咗門口   我都居然唔知   因為平時我一定叫佢記得拎嘢飲家嘛 ~

7 點 45 分起身   感恩都精神呢 ~

今朝仍然無咩力   所以蝸速行去搭小巴   其實勁想打的   但真係唔捨得 ~

叫咗腿治   但完全食唔落   咁打包留番做 Lunch 算喇 ~

菇場唔忙   爽爆   因為好想快啲 Re-size 所有相 ~

Lunch Time 出去買金鈁   家姐今朝話出咗隻新味好香   所以叫我買喎   咁我都順便買埋黃蘿蔔壽司番菇場食 lu ~ 

  
特價 $19.9/支   所以我買咗 6 支   

仍然 Re-size 相到放工   番到屋企就開機洗衫   之後就抖下   坐坐下居然覺得凍添呀   要即刻熄冷氣   如果唔駛成日嘆冷氣真係好喇   慳番唔少電費   同埋唔駛個人太濕重   成日好攰咁呢 ~

里奧大人 8 點 15 分番到九龍灣   好在我去到得寶叫定嘢   佢嚟到就有得食喇   呵呵 ~

食完番屋企 lu   我就即沖涼   里奧大人要幫姑奶買保險   咁佢去 12 日   但就話買夠 26 日嘅保險   真係好白痴囉   如果真係投保內嘅日期有事   保險公司都保妳啦   無人咁買㗎 ~

我真係覺得佢好白痴   其實家姐上年幫佢買保險   又係朝早 9 點先比齊資料比家姐囉   之後佢同事都覺得奇怪   話做咁耐保單   從未有人去 12 日但買夠 26 日保險   仲要係今日去   但今朝先叫人買囉   真係好不知所謂   因為妳唔係呢一刻先知妳嘅時間   個個幫佢做嘢都好驚   佢本來想叫家姐幫佢買添呀   但里奧大人話叫佢唔好煩到人啦   同埋里奧大人都講到火滾   話叫佢下次自己買番啦   唔好煩佢 ~

搞掂哂都 9 點幾   里奧大人都沖涼喇   之後又睇 "偽裝者"   睇到 11 點幾呀   我話唔好再追喇   一齊瞓喇 ~