Saizeriya @ 九龍灣 ( 11-JUL-2016 )

吞拿魚配蕃茄辣汁意大利粉

肉醬焗意式雞肉雲吞

意式菠菜伴煙肉 

中華海草

( 11-JUL-2016  MON )

瞓得唔錯   都知道係咁㗎喇   因為幾晚瞓得唔好   之後實有一晚瞓得好呢 ~

唔知做乜鬼完全無胃口   所以叫奶醬多   咬哂有味道嘅麵包就算喇   真係食唔落 ~

菇場忙咗陣就可以做私人嘢咯   呵呵 ~

會計部啲同事真係好鍾意開工時間做私人嘢   佢租人屋住   之後話因為唔知乜   整壞咗佢部洗衣機   佢叫業主賠   如果唔係就出律師信比佢   又話自己點點點   之後業主話唔租比佢   佢就話問題唔喺佢度   佢再打比老公   大大聲同佢老公講話業主兇佢咁咁咁   真係成公司都知佢發生咩事   最後佢打番比業主   好串同人講話唔租喇   其實佢未問佢老公前   人哋趕佢走   佢把聲係死狗咁㗎   依家就嚟聲大大   仲同業主講話睇下佢之後啲租客會唔會嘈佢喎 ?!   我真係頂佢唔順   已經唔係第一次咁大聲講間屋嘅嘢   好記得佢同業主講話妳租間屋比我   我幫妳 Manage 間屋   又咁咁咁   講到咁   咁業主需唔需要比番管理費妳呢 ?!         

突然間好鬼餓   所以 Lunch Time 出去幫里奧大人入票   之後行個大圈先去食嘢 ~

已經叫少河粉   唔知點解突然又唔想食   所以係剩 2/3 碗   嘥哂  

食完即番菇場嘆強勁冷氣   夏天食粉麵真係超級熱   已經慢慢食㗎喇 ~

里奧大人 4 點喺上環見客   所以 5 點半都番到九龍灣   咁我放工都即走 lu ~ 

其實唔太餓   所以去 Saizeriya   因為份量唔多   呵呵 ~

食完就番屋企喇   開機洗衫   之後熨埋兩機衫   8 點幾先沖涼   最搞笑里奧大人以為我沖咗涼   因為我好小番到屋企唔沖涼呢   我話熨完衫又熱   不如熨完先沖好過 ~

睇陣電視   11 點都自己瞓先喇   有啲攰 ~