食食食 @ 廣州 DAY 1 (PART 2/2) ( 1-JUL-2016 )

( 1-JUL-2016  FRI  Day 1 ~ Part 2/2 )

食完就周圍行   影下相咁啦   唔係無咩嘢做   哈哈 ~

啡紅色呢座係廣州購書中心

唔記得呢間係賣啲咩

點解 VT101 要打直嘅   我個人認為好難睇到囉   真係要企定定先知係 VT101

頭"惡惡" 咁影嘛   影完條頸有啲痛   因為用自拍黎影   成日影埋自己個樣   一係就影唔哂 VT101   所以影咗好多張   好攰呀

去商場買完嘢再去買書   其實都唔錯

影多兩張就走人 lu   其實 VT101 座 building 設計係幾特別呢

天陰陰

但另一邊又見到小小陽光

Minions 充電器   我影相嘅時候   遇到不友善眼神

行咗呢間"廣百百貨"   大部份都係香港品牌   所以好快走得 lu

差唔多 6 點去到另一個商場   又係好焗   行到 6 點半   去埋超市買包薯片就去食嘢 lu ~

里奧大人話天書介紹間泰菜館   講到好正咁   仲話一入到去就好似走進迷你版大皇宮一樣   但去到都唔係囉   咁我就再睇下附近啲食店   見到間俏江南都唔錯   有我鍾意食嘅嘢   所以喺呢間食喇 ~

天河區嘅又一城

呢間商場買嘅嘢比較高級啲

同埋有好多香港牌字嘅店舖

好懷念以前藍田同黃埔嘅八伯伴百貨

呢部機叫做 "橙汁先生"

啲細路玩緊釣魚 Game   如果得我自己行   我會睇佢地玩   我由細到大都好鍾意打機   所以家姐成日話我成個男仔咁   其實我一話鍾意打機   個個都話我似男仔囉 @@

我一睇就睇到 Minions 呀   里奧大人話我勁呀   哈哈

改埋啲咁嘅名 @@

有天幕係靚   但就好鬼熱囉

以為咩叫 "無眼"   嘩哈哈   里奧大人好鍾意 Messi 㗎   所以成日同我打對台   呵呵

香港嘅 Lay's 薯片   真係好少口味

孜然爆羊排味道   好似太濃烈咁   所以唔敢買   但佢地又唔貴喎   只係 RMB5.2 一包   所以我忍唔住買咗 2 包其他味

去戲院參觀下   平面咁睇新片介紹都唔錯喎   我真係第一次見㗎咋

去呢間食嘢

坐窗邊

叫咗呢 d 食物

焗到想瞓覺

晾衣白肉 (RMB58) - 我好鍾意食蒜泥白肉   呢個汁好味呀

呢個醬汁類似甜豉油

雞絲涼面 (RMB12) - 我仍都鍾意食冷面   同埋最緊要細細碗   但里奧伯伯就鍾意食熱麵

鍾水餃  (RMB12) - 個汁係酸酸甜甜辣辣咁   都唔錯

蔥油餅夾辣牛肉 (RMB12) - 唔好睇佢細細個   食幾啖都幾飽肚

豆湯綠莧菜 (RMB58)

估唔到份量咁多   所以好抵食   但食到最尾係好多油   如果唔係可以食得哂呢

酒釀丸子 (RMB12 ) - 飽都食啦   因為呢個價錢實在太抵了

格局唔錯㗎   同埋唔嘈   只係焗咗啲

食到 8 點就走喇   再搭番地鐵去酒店   咁諗住夜晚食薯片   所以想買杯酸嘢飲   勁想飲 COCO   但要搵嘅實搵唔到   里奧大人就安慰我   食在廣州   實搵到嘅   之後話搵唔到都無所謂啦   哈哈   頂佢 ~

自魷人個名幾搞笑

嘩哈哈   呢期大愛   所以里奧大人問我要唔要   我當然唔要啦   依家我曉節制慳儉嘛

喺呢度買飲品

呢個商場叫 "東方寶泰"

我同里奧大人講話呢間叫 "牛惠人"   因為我唔識讀個崽字  其實正確廣東話讀音係宰

見呢間酒店好似冷氣幾勁咁   所以入去涼一下

咁因為酒店唔包早餐   所以我地睇下附近有無嘢食 ~

我地住嘅廣州建國酒店

里奧大人好驚話係咪有個人瞓咗喺馬路度呀 ?!   咁睇又幾似嘅

"食就直落"   簡而清呀下   哈哈

9 點番到酒店   即沖涼喇   我校咗 15 度冷氣   諗住會有冰凍感覺   點知原來係無嘅   根本係得一個溫度   嗚嗚 ~

免費的   不過我地無飲

呢支要錢的   所以我即刻同里奧大人講囉   驚佢盲中中開咗黎飲   哈哈

好有新婚 Feel 咁喎

頭先買咗呢杯蜂蜜檸檬蘆薈 (RMB17)   不過麻麻地好飲   諗住食薯片   但真係食唔落   所以又比里奧大人話我買買買

其實灘喺床睇電視   都幾享受嘅

睇下電視又上網   差唔多 12 點先瞓 ~