食食食 @ 廣州 DAY 1 (PART 1/2) ( 1-JUL-2016 )

( 1-JUL-2016  FRI )

今朝 8 點起身   沖埋涼就出發去紅磡火車站 lu ~

9 點左右去到紅磡火車站   咁去拎飛啦   因為之前里奧大人已經網上訂咗嘛   咁要用番網上訂嘅信用卡核實資料   里奧大人仍都帶定信用卡   點知唔係呢張登記   勁驚啦   因為唔可以拎車飛嘛   之後再拎另一張八達通信用卡試下   原來真係呢張   因為佢好小用呢張卡㗎 ~

所以我地次次都預早時間出發   有咩依郁   可以即刻飛的番屋企拎   咁個職員比飛我地嘅時候   佢都話佢都好緊張   哈哈 ~

我地坐 11 點 32 分班車   但搞掂哂都只係 9 點 25 分   咁去飲茶啦   可以坐耐啲嘛 ~

無人排隊拎車飛   可能早得滯   哈哈



鮮蝦韭菜果 + 鳳爪排骨蒸飯 ($30)

雖然我覺得朝早食飯成個 "伯父"  咁   但呢個飯真係好味喎   哈哈

細細盅就最好啦

蜜汁叉燒腸 - 里奧大人必叫

海螺片滑雞扎 - 都 ok 好味

尋晚瞓得唔好呀   個人唔係咁舒服咁   所以食定粒 Panadol 先 ~

之前買咗本廣州天書   不過我無咩點睇   同埋好多都係廟宇   唔係咁想去睇囉   好感激里奧大人喺酒樓睇下有咩好食好行   知我最鍾意買同食嘛   同埋最緊要我唔辛苦 ~

今次去廣州   其實只係想用盡啲假期   我星期六本身要番工   咁順便請埋半日假喇   咁就可以由 6月25日至到7月3日   一起呵成變咗 9 日假   咁我話不如去廣州玩下   里奧大人話廣州都 ok   所以陪我去喇   我無諗過車飛咁貴架   一程車飛要 HK$210/人   咁兩個人去嘅車費就係 HK$840   我地仲只係玩兩日一夜添   真係車費貴過酒店 ~

11 點去番離境大堂   都有好多人呀   我地坐 11:32am 班車   里奧大人話火車要遲開 10 分鐘喎   但無咩所謂啦   10 分鐘算係咩   哈哈 ~

原來有咁多人去廣州嘅

排隊上車 lu

我地坐 8 號車廂

職員查車飛

第一時間放行李上去呢

都坐滿哂人

成日以為係 8 點   哈哈   我哋終站係去廣州

打開門行另一個車卡

等開車   好在我地坐最後排   因為前排張櫈好恐怖   會郁嘅   應該鬆咗螺絲   最緊要唔好突然間檸過黎就得喇   哈哈

11 點 48 分開車   12 點半開始瞓   瞓咗 1 個鐘   當堂精神哂呀 ~

架火車好奇怪   行到咁上下又會無冷氣   變得好焗   幾次係咁架喇   唔通係恆溫 ?!?!?!

里奧大人見到個插頭就笑得勁開心   話可以叉電喎   但其實所有嘢都差哂電啦 @@

佢冷靜完之後   就做功課喇   我就瞓覺

落大雨呀

幾分鐘之後就雨過天晴   感恩感恩

1 點 50 分落車   真係好怕啲人心心急急唔理人   里奧大人同個男人一齊平排行   之後差唔多行李檢查嘅時候   個男人衝去里奧大人前面   隊個袋入輸送帶果度   唔怪得我見里奧大人個樣好唔老黎咁啦   佢話都唔明佢咁急做咩   因為佢都要等埋佢老婆   反而佢老婆就有禮貌   因為佢要跟住個老公   所以將兩個袋拿拿聲放喺里奧大人前面   但佢係咁講唔好意思囉 ~

衝呀

出去喇

原來仲要上上落落   好在唔駛拖喼

好大嘅火車站   咁里奧大人問個唔知咩 Counter 嘅女仔點去酒店   條友答得勁悔氣囉   咁對廣州嘅第一印象已經唔好啦

1 - 7號門   真係行到有 d 亂   哈哈

諗住用自動售票機買埋聽日和諧號車飛   點知按邊日都寫住 Full 哂   唔對路囉   咁我地順便搵埋直通車售票處   買埋聽日火車飛就安心好多呢 ~

個畫面 Load 得好慢   最慘好多個都係咁

@ 直通車售票處

由呢個 2 號門出口去酒店喇

地鐵站一出就係呢度

轉左行 3 分鐘就見到酒店   果然好方便

2 點半去到酒店   2 點 40 分上房   算快架喇   聽到隔離要 4 點先可以 Check-in   不過佢地要 5 間房   同埋要同一層   咁就真係要 d 時間 lu ~

望出去

望番入嚟

好多藍色   真係邪囉   又同里奧大人撞色

我咃住嘅房

洗手間都乾淨

有梘液洗頭水供應都算好好架喇   不過我地都會用自己帶嚟嗰啲   有塊鏡喺度   所以好似好多支咁   其實總共得 4 支架咋   哈哈

水力唔夠   如果唔係就更好   不過我承認因為之前住 Marriott   所以好多嘢都會比較囉

都算開揚㗎喇

呢座 Building 都好舊下

里奧大人話帶我去呢個地方   多嘢行多嘢食   感激有佢陪住   Love u

我地住 26 樓

3 點出發   搭地鐵去體育西路   車程只係 6 分鐘 ~

又去搭地鐵喇

喺外地先會買地鐵飛   哈哈

如果香港地鐵站月台咁闊就好 lu

跟住指示

麥莉寶   好似人名   哈哈

好多箭咀

我幾鍾意打橫嘅抓手位

人頭湧湧

我地去 D 出口

喺廣州兩日   我地影相嘅時候   個個都係直行直過   得呢個女人會烏低身   驚阻住我地影相   但我地去泰國   泰國人個個都會等妳影埋先行㗎

咁我勁肚餓嘛   所以經過商場就買杯嘢飲先   之後店員介紹比里奧大人有個套餐好抵   咁里奧大人即買 ~

我好鍾意行呢啲格局嘅商場

見到呢間嘅飲品都唔錯   所以即去買嘢飲喇

招牌冰島水果茶 (RMB20/1G)

招牌章魚丸子   里奧大人話店員介紹佢食 Set   所以佢買埋呢個喇

我食完嘢   佢就會即刻問有無精神啲 ?!   佢最驚我暈啦   因為佢抱唔起我嘛   所以次次我都唔會比佢第一句說話感動住先   聽哂先話佢   哈哈 ~

繼續行

抵呀   所以即買 9 對

喺呢間買嘅

咁再周圍睇下嘢啦   咁里奧大人頭先睇天書話有個商場好多嘢食   咁行去睇下   見啱就食喇   真係好餓呢 ~

上到去知去錯地方   所以又落番去

呢座係 Apartment

我地去呢個 VT101 商場

咁我見到間餐廳門面唔錯   所以都入去食喇   好餓呢 ~

我地 4 點 order   等咗 15 分鐘先有嘢食   仲諗住無咩人   會好快有得食   因為計埋我地   全場得 2 張枱人之嘛   佢地仲係食完添 @@

我想睇實物相多啲囉

餐廳名字叫 "很高興遇見你"

好一個宋仲雞   個名好搞笑呀   哈哈哈哈

頭先杯飲品都幾多生果

無咩人架   可能因為 4 點幾關係啦

里奧大人又默默看天書

宮保雞丁意大利面 (RMB52) - 我初初以為個碗嘅白色係 Pattern   原來隻碗係崩成咁   呢個好味呀   甜甜辣辣咁

北京味兒的鴨餡餅 (RMB38) - 餡料係馬蘇里拉芝士 + 鴨腿肉   都 ok 啦

三重門 (青桔 + 蔓越莓 + 芒果 (RMB22) - 里奧大人話想飲酸嘢   我叫佢飲呢杯

里奧大人自己影完呢張就喺度笑   佢話杯飲品同我背囊差唔多色喎   所以我先叫佢飲呢杯 飲品 @@

Briefing

坐到 5 點幾   又周圍行下   今日主力行商場呀   因為個天灰灰暗暗   又熱喎   真係無本事周街行囉 ~

勁似阿 mi 啲動作   所以叫里奧大人影低   哈哈

元氣呢個 Tea Set 超勁抵   我好飽咋   唔係真係會再食呢

好多地方都有貓山王制品

呢日未完架 ^^