咖哩辣肉腸意粉 + 芥蘭苗 ( 11-MAR-2024 )

將叉燒同燒肉剪到一粒粒   咁入口就方便喇

( 11-MAR-2024  MON )

諗住尋晚食咗藥會好好瞓   但反而瞓得麻麻哋   不過今朝瞓到 7 點 45 分都 OK   起碼沖完涼都精神呢 ~

整完薑茶比里奧大人就食早餐   今朝食咖啡味瑞士卷   諗住食到 2 件   但最後都係食 1 件   因為好飽咁 ~

菇場忙咗陣   之後又可以做自己嘢 lu ~

西瓜突然講話經大老闆同意   每個同事可以抽多 6 封利是   之後又話佢嗰晚出去找數   但番嚟之後見全部人走哂   所以就留番今日抽喇 ~

其實當晚佢都講話多謝大家出席春茗   之後大家拍手就拎袋走   佢又無叫所有人留低   依家講到好似我哋問題咁 ~

每年春茗   如果抽到大獎同二獎都會請飲下午茶   阿渠叫阿妹請啦   佢話等佢放完假先請   但佢放完之後就到佢渠放假   再之後就佢阿頭 放 1 個月假   所以佢話下個月先請   阿渠都愕咗然   比我就即刻請啦   難得今日齊哂人嘛 ~

Lunch Time 出咗去行陣   買埋菜就番菇場食 Flakes + 乳酪 ~

仍然唔忙   咁又做下自己嘢啦 ~

放工即走   本來話呢個星期唔煮   所以里奧大人問今晚出去食咩 ?!   我話煮飯啦   尋晚食剩咗叉燒飯   唔想又留番聽晚食囉 ~

里奧大人 6 點幾先放工   咁我可以慢慢煮喇 ~

是日晚餐 - 咖哩辣肉腸意粉 + 芥蘭苗

咖哩辣肉腸意粉 - 我將啲辣肉腸切哂粒粒   里奧大人話咁大陣仗嘅 ?!   妳又話就咁淥就得嘅 ?!   但其實我都唔知自己講過啲咩   哈哈 ~

芥蘭苗 - 呢期好鍾意食芥蘭苗呀   不過唔係成日有得買囉 ~

洗埋碗就即沖涼喇   之後食木瓜   同里奧大人睇餐餐有家   之後再網上散拜 ~

咁我睇多陣電視   10 點 25 分都瞓覺喇 ~