春田冰室 @ 紅磡 ( 14-MAR-2024 )

豬扒煎蛋蔥油撈麵 ($48) - 蔥油真係好好味   自己整到咁好味就好喇

沙爹牛肉潛艇 ($40) - 都估到里奧大人實會叫牛肉

( 14-MAR-2024  THU )

尋晚飲咗杯珍珠奶茶真係瞓得唔係咁好   同埋可能又食咗幾塊薯片   個人瞓瞓下好熱咁 ~

我同里奧大人講話瞓得唔好呀   佢都知我飲咗杯珍珠奶茶先咁   之後話我受唔起佢對我嘅愛   我都費事理佢   但佢又繼續講多次我受唔起   我仍都無理佢   佢自己就喺度笑   我話諗住唔理你   你會停   但估唔到會繼續講   哈哈 ~

呢星期都出去食早餐   咁樣個人會精神啲咁 ~

食完就去里奧大人公司坐陣   之後就番工喇 ~

菇場唔忙   咁好呀   牙肉好痛呀   搞到我無咩心機 ~

Berry 咩方位都瞓過   哈哈

Lunch Time 出去行陣   食埋白粥+炒麵之後又繼續行   行到差唔多 12 點 40 分就番菇場喇 ~

特登食白粥下火   咁加咗好多鹽   最後食剩 1/5 呀   因為太鹹   哈哈哈哈

仍然唔忙   做下自己嘢咁啦   不過牙肉仍然好痛呀   唉 ~

放工即走   今晚里奧大人 6 點 45 分要開會   所以都要出去食 lu ~

其實我又未餓   突然醒起可以食下午茶   里奧大人就即去餐廳喇   去到已經 5 點 56 分   仲趕得切   哈哈 ~

食完就番屋企放低嘢再去剪髮   里奧大人就要番公司喇 ~

6 點 40 分去到髮型屋   但其實我 Book 咗 7 點   髮型師咁啱有客   所以我洗埋頭   第一陣就可以剪 lu ~

差唔多 7 點 50 分剪完   番到屋企即刻飲中藥   本來諗住就咁沖涼   但都係洗埋頭   始終條街有塵 ~

里奧大人 9 點 15 分先番到屋企   最搞笑我同石頭姐姐 Whatsapp 傾偈   我又無睇幾點   我同里奧大人講話咁早番嚟嘅 ?!   佢好大反應話 9 點幾喇仲早 ?!   哈哈 ~

今日皇太后同里奧大人傾咗半個鐘   估唔到有料爆呀   我同石頭姐姐傾偈   佢又爆料   所以等里奧大人沖完涼再傾偈 ~

里奧大人話好激氣呀   因為錄唔到 "餐餐有宋家" 同埋 "尋人記"   但就錄到唔想睇嗰啲   真係好奇怪囉   無啦啦又會錄唔到嘅 ~

我睇多陣 Youtube   今晚 10 點半都瞓覺 lu ~