麻辣手撕雞 (外賣) + 辣炒年糕 + 芥蘭苗 ( 21-MAR-2024 )

( 21-MAR-2024  THU )

尋晚夜瞓   不過我都好難先瞓得着   之後去廁所望下個鐘   原來已經 1 點半   真係越想瞓就越瞓唔到 ~

里奧大人話尋晚都瞓得唔好   唔知係咪杯咖啡雪糕   我話都可能係呀   下次揀甜品算喇   哈哈 ~

今朝同里奧大人出去食早餐   我仲未厭   但里奧大人開始厭 lu   但佢都會陪我食   慘慘豬 ~    

菇場唔忙   抖下又做下自己嘢 ~

Lunch Time 出去食鯪魚球米   之後又周圍行   難得想行就行喇   有時行下條腰無咁痛   但行得耐又會痛囉 ~

唔忙就同阿花 Whatsapp   傾到無電就做自己嘢   今日都幾充實   哈哈 ~

放工即走   里奧大人明明話 5 點 50 分走   但 6 點半先番到屋企   原來佢比 Melody 捉住傾偈   不過佢番到嚟都未開得飯   要等多陣先食得呢 ~

是日懶餐 - 麻辣手撕雞 (外賣) + 辣炒年糕 + 芥蘭苗

麻辣手撕雞 (外賣) - 好耐無食啦   因為我呢排成日好攰   無咩點煮飯   所以都唔會解凍豬肉   咁唔想煮就直接出去食呢 ~

辣炒年糕 - 終於清哂喇   唔好睇佢咁淺色   但我覺得好辣   一路食一路流鼻水   其實我都好驚聽日搞肚痛呀   但煮咗就要食囉 ~

芥蘭苗 - 真係好鍾意食   但好有咬口   食完菜都好攰下   哈哈 ~   

洗埋碗就整蕃薯糖水   感恩今晚可以煮到飯同煲糖水   雖然係好簡單   哈哈哈哈 ~

諗住里奧大人做完運動先食   估唔到佢話想即刻食   不過我就無食呀   因為食哂啲年糕已經好飽 ~

洗埋所有嘢就開機洗;衫   之後沖涼休息   里奧大人話唔做運動喇   所以熨衫 ~

其實我條腰仲係好痛   完全唔可以跪低   但里奧大人幫我按條腰   咁又鬆番好多 ~

家姐遲啲去泰國   咁啱屋企又有泰銖   可以比佢用   其實次次佢去旅行或者我去旅行   如果大家去過嘅國家而有錢剩   都會比大家   好似上次我去韓國咁   加上依家我又無咁快去曼谷   里奧大人都話比哂佢用好過   呢度 16,100 THB   不過我唔知依家兌換率係幾多呢   之後借埋張 Rabbit Card 比佢哋   電話卡就遲啲再比   好在佢哋去泰國咋   如果去第度就無咁多嘢比佢哋喇   哈哈   

上星期日執兩個鐘頭屋就搞成咁   所以依家好難一氣呵成做哂所有家務   希望快啲有氣有力啦 ~

睇下 Youtube   今晚 10 點 45 分先瞓 ~