今日中午食剩嘅楊州炒飯 就咁焗熱就算 唔想落鑊炒又要洗鑊
( 17-MAR-2024 SUN )
尋晚瞓得好差 瞓到半夜醒醒哋咁 可能晏晝飲咗杯奶茶呀 ~
6 點 50 分都醒咗 咁起身沖涼喇 搞掂哂就同家姐 姐夫飲茶 ~
鴛鴦燒賣皇 & 木魚燒茄子 ($46) - 家姐話有對夫婦食完番教會 咁我望下啦 之後聽到家姐話咩余牧師 我以為佢識 但佢再整碟茄子 話好驚 "余牧師" 因為黐牙 笑死我啦 我話呢啲係木魚絲呀唔該
我同里奧大人都鍾意食干蒸燒賣 但好少酒樓有呢個點心
蜂巢芋角 ($30) - 姐夫叫㗎 估唔到佢鍾意食 難得難得
之後啲點心就一次過上枱 家姐話我最鍾意咁樣影相 哈哈
鳳爪排骨飯 & 潮州粉果 ($40) - 姐夫鍾意食排骨飯 咁家姐食隻鳳爪 我話叫咗碟鳳爪喎 做咩要食呢隻 ?! 家姐話驚飯嘅鳳爪唔熱 所以自己食 我覺得家姐超級好呀 因為無諗過佢咁細心呢 哈哈
醬皇蒸鳳爪 ($28) - 家姐必叫
鮮蝦菜苗餃 ($34) - 無咩餡料
韭菜煎窩貼 ($30) - 家姐食完 我好嫌棄話妳個口好大陣韭菜味呀 佢個樣好慘再話所以咪唔想食囉 但因為我叫先食 哈哈
陳皮牛肉腸粉 ($36) - 個皮好厚 但都滑嘅
原盆馬拉糕 ($28) - 因為太飽喇 所以拎番屋企食
飲完茶就去 A1 買麵包 真係好邪囉 好在我叫家姐提我買包先咋 原來佢有張 $10 Coupon 月尾到期 所以話益我喎 呵呵 ~
阿妹 Whatsapp 我係咪去街街唔去 Pantry 我都唔記得同佢講唔陪佢添 家姐都話佢好搞笑 成日喺 Pantry 等我 ~
一入家姐屋企 Berry 真係撲唔停 我成日要捉住佢隻手仔 等佢冷靜啲 同埋唔駛咁大力拍落嚟 因為拍到我好痛囉 ~
成日周身 R 唔知係咪天氣轉呢 ?!
無啦啦又瞓落梳化
之後要佢上相化 我摸下佢啫 個樣即刻咁 哈哈哈哈
十級醜樣
陪 Berry 玩又同下家姐傾偈 佢好好奇我點樣為知放工即走 我話 5 點 20 分去廁所 去完就執好嘢 因為我中午食飯會帶銀包 所以再 Check 多次有無將銀包放番入袋 之後望實電腦個鐘 一到 5:29 就拎個袋 咁到 5:30 就即燜機 有次心急得滯 按咗重新開啟 所以遲咗走呀變咗 ~
因為家姐放 5 點半 話佢係 Last Minute 先去廁所 有時又再做埋少少嘢 所以 6 點 10 分先走 ~
我咪話佢係女西瓜囉 佢話西柚啦不如 我話都啱喎 西瓜嘅朋友 西友 (柚) 哈哈哈哈 ~
家姐要入房睇文件 之後佢話 Berry 一定跟佢入去 仲會第一時間跳上床 咁即係我都要入埋去啦 ~
再講開經痛 家姐話好難相信我痛到會嘔 所以佢問婦科醫生點解會咁 ?! 醫生話因為痛到係極點 所以會嘔 呢樣真係依家先知 哈哈 ~
肥到呢
想瞓啦
仍都係好醜樣 哈哈
開始想瞓喇 因為點摸都無咩反應 哈哈
佢頭先坐梳化 我睇住佢已經中緊眼瞓 但就無瞓到囉
佢應該攰到一個點 但我搞住佢 佢無得瞓
真係唔經唔覺就已經 12 點幾 係時候走喇 ~
陪家姐同 Berry 一齊行街街 佢哋行我前面嘛 之後我再去車站等車 家姐話 Berry 唔肯行前呀 係都要過嚟陪我 係咪真係咁抵錫呀 哈哈 ~
買埋午餐即去里奧大人公司 佢食完就去開會 我就番屋企 lu ~
我仲好飽 所以得里奧大人自己食 但都食剩半盒 留番今晚再食
瞓得好林喎
15 分鐘之後再睇 只係手仔郁咗少少 果然好好瞓 哈哈哈哈
坐喺梳化有啲好眼瞓咁 但個心又好想執嘢 咁睇陣 Youtube 醒醒神啦 但睇到 3 點左右都瞓鬼咗 一瞓就瞓到 3 點半 咁又好呀 因為好精神喇 可以執嘢啦 ~
執呀執 執到 5 點半呀 執嘅時候無嘢 但執完條腰勁痛呀 本來想執零食同儲備櫃桶 不過最後都係要休息 執咗兩個鐘係極限喇依家 ~
里奧大人 6 點左右番到屋企 坐多陣就可以開飯喇 ~
是日懶餐 - 臘鴨肶拚臘潤腸 + 大白菜
臘鴨肶拚臘潤腸 - 食埋隻臘鴨肶
大白菜 - 終於清哂啦 開心到想喊 哈哈 ~
洗埋碗就開機洗衫 之後休息休息 因為手臂開始痛喇 嗚嗚 ~
勁哥同樹葉嘅手信 當然又係益我啦 哈哈
同里奧大人一齊睇 "臥底服務團" 睇完都 10 點 再睇多陣 Youtube 今晚 11 點先瞓呀 ~
沒有留言:
發佈留言