Fame Deli @ 紅磡 ( 12-MAR-2024 )

南瓜湯 & 牛角包

紐西蘭草飼肉眼 250g ($118)

厚切   我本來叫里奧大人帶飯   佢又話唔好   所以格硬食哂去   咁樣真係超級飽

香煎美國自然豬梅肉扒 (招牌) ($98)

木糠布甸 & 朱古力雪糕

( 12-MAR-2024  TUE )

感恩尋晚瞓得都唔錯   我應該發咗個夢係大叫   明明當時都話要記得個夢   但醒咗之後就唔記得 lu ~

早餐食咖啡味瑞士卷 + 窩夫   里奧大人好搞笑   話做咩又喺屋企食嘅 ?!   因為我講過話呢個星期嘅早餐同晚餐都出去食嘛   不過我話仲剩咗瑞士卷   咁就食埋去先啦 ~

食完就靈修咗 10 分鐘   之後出門口番工喇 ~

菇場忙呀   咁又好呀   咁樣先似番工嘛   哈哈 ~

Lunch Time 出去行下   買埋雞翼紅薯粉就番菇場慢慢食 ~

唔忙就做自己嘢   不過突然都好眼瞓咁   應該味精重啦 ~

放工去睇中醫   今晚好快有得睇呀 ~

醫師話我個脈好弱好弱   之後鄒哂眉頭話我塊臉好青   好似講到我就嚟死咁   哈哈 ~

再話我個脈好滑   可能遲啲又會長流   我好大反應話唔好呀嘛 ~

因為我上次感冒   無飲過啲藥粉   所以醫師話今次飲埋去   下星期再嚟覆診   之後叫我走得 ~

睇完就打比里奧大人   佢啱啱放工   咁喺餐廳等喇 ~

我同里奧大人講話醫師無收我錢   但我好奇怪   我應該係要比錢   但當時又諗唔到係咩   之後先諗起應該要比診金嘛   所以佢唔收我錢   真係好好人呢 ~

里奧大人拎張五百蚊出嚟   之後叫我去比錢   但其實我最唔鍾意咁樣   始終啲錢污糟   一個人掂咪得囉   咁做咩要兩個人隻手都污糟先 ?!   我同家姐都係咁㗎   如果佢問我有無散紙   我會開個散銀袋比佢自己拎 ~

之後里奧大人衰衰咁話想比我賺都唔得   咁好呀   我即刻搶咗張五百蚊   之後找番三百蚊無比番佢   我話呢餐真係好   我只出十六蚊   但有三百蚊落袋   佢笑得幾慘呀   哈哈 ~

番到屋企即開機洗衫   之後沖涼休息喇 ~

依家每晚節目係同里奧大人睇 "餐餐有宋家"   好似啲阿婆阿伯生活咁   哈哈   不過以前啲處境劇係幾好笑   所以夜晚睇完笑下都唔錯㗎 ~

睇多陣 Youtube   今晚 10 點 25 分都瞓覺添喇 ~