鮮竹卷 + 雞扎 + 鳳爪排骨飯 (外賣) ( 10-JUL-2024 )

( 10-JUL-2024  WED )

半夜醒醒哋   不過忍住唔去廁所   之後聽到落雨聲又醒咗   但感恩係瞓到鬧鐘響先起身 ~

落咗場雨好似無咁熱   我同里奧大人講話半夜落雨都好   番工無咁熱   佢就笑住話番到 Office 落就最好   哈哈   咁又係呀   番工放飯放工時間落雨真係比較麻煩呢 ~

早餐食芝麻餐包夾芝士   里奧大人話下次搽醬占就得   話食芝士好飽咁   我話平時你都食芝蛋治啦   再話夾芝士方便過搽醬占好多㗎   哈哈 ~

菇場唔忙又 Skype 啦   望住電腦好過望住手機   哈哈 ~

Lunch Time 唔出去喇   因為諗唔到食咩   所以留喺度食 Flakes 算 lu ~

鈣思寶無雪凍㗎   但食完個午餐要凍到着外套   冷氣果然整好咗   哈哈

里奧大人以為呢盒係留番今晚食   因為無諗過係 6 隻雞膇咁多   咁其實食唔哂就會比多啲佢做午餐嘅   呵呵

唔忙繼續 Skype   之後忙咗成個鐘   所以傾多陣偈就好快放工喇 ~

今晚同里奧大人食完晚餐再去搞啲嘢   之後我整到成臉都係汗   估唔到里奧大人用佢隻手幫我抹汗   之後再將啲汁抹落佢件衫度   因為我成日覺得佢會叫我自己拎紙巾出嚟抹汗呢 ~

我問里奧大人飲咗雞骨草有無好啲 ?!   佢碌大對眼話飲咗好好瞓呀   我話咁妳要多謝我啦   特登放工去買比你   之後佢真係好乖咁講多謝妳   比佢笑死 ~

依家我都成日話為咗你先咁咁咁   等佢要學識感恩  哈哈 ~

番到屋企即開機洗衫   抖陣就熨咗一個鐘一頭衫   掛衫嘅時候郁一郁條腰   痛到直頭想死   所以叫咗一聲   里奧大人即刻幫我按條腰呀 ~

我一企得耐唔郁就會腰痛   行得耐反又無問題   但熨衫真係得一個動作   無理由熨熨下扭條腰家嘛   所以下次都係留比里奧大人熨   哈哈 ~ 

睇下 Youtube 又打下機  今晚 10 點 45 分先捨得去瞓覺 ~