章記香港仔魚蛋王 @ 紅磡 ( 13-JUL-2024 )

五香牛什米

鮮蝦雲吞麵

( 13-JUL-2024  SAT )

感恩瞓得都唔錯   但半夜都係有啲熱   應該真係中藥加車厘子燥熱 ~

今朝一起身就搞肚痛   真係勁驚暈呀   感恩最後無事   仲當堂輕咗磅   哈哈哈哈 ~

咁同里奧大人出去食早餐嘛   佢無啦啦話一陣要早啲番去   我以為係講今晚   之後佢話約咗師傅拎嘢   所以今朝唔可以遲番呢 ~

一出門口諗住帶太陽眼鏡啦   點知落毛毛雨   但我出門口前明明望到係好猛太陽㗎噃   真係笑鬼死 ~

亞麻籽包係比較飽肚   所以星期六先食

里奧大人就多數食蕃茄湯粉

里奧大人無啦啦找番 $40 比我   話上次欠我嘅   我話上次已經賺咗你 $100 喇喎   佢話收咗去啦   咁我唔客氣㗎   有錢都唔要咩   呵呵 ~

菇場居然忙呀   搞掂就做下自己嘢   之後一望個鐘原來已經 12 點半   仲以為 11 點添   等我仲叉手機電   估唔到今朝時間過得好快呀 ~

家姐 Whatsapp 話今朝去賣金   之後問我係咪要換電話 ?!   我話電話好新喎   不過我成日都講   千奇唔好送手機比我同里奧大人   因為佢唔知我哋想要啲咩   買最新型號比我哋都無用   咁佢都醒嘅   佢都成日話唔敢送手機比我哋   呢啲真係要同佢洗腦㗎   唔係買完唔用真係好浪費啦 ~

傾多兩傾又放工   全人類一齊走人喇 ~

一路行一路覺得開始餓   我仲諗緊依家大食咗啦   今朝食個包都飽家嘛   之後諗諗下原來已經 1 點 15 分   比平時遲咗一個鐘食午餐   怪不得餓啦 ~

同里奧大人食午餐   我話頭先曬到要開遮同戴太陽眼鏡呀   我以前最唔鍾意人開遮擋太陽   依家自己都要咁做呀   呢兩年真係曬黑咗咁呀   希望依家補救都唔似啦   哈哈 ~

魚香茄子炆米粉 ($60) - 我同里奧大人講話見其他人食嘅米粉係好乾身咁   佢話炆米唔係應該濕嘅咩 ?!   我話又係喎   真係無諗過佢咁答我   哈哈

燒味雙拚飯 ($59) - 燒味真係無得輸

食完就叫里奧大人陪我去萬寧同屈臣氏買嘢   買完即番屋企喇   里奧大人就沖涼瞓晏覺   我就睇 Youtube 啦   雖然沖涼洗頭之後係好舒服   但我又要再抹 Cream   覺得好攰呀   哈哈哈哈 ~

里奧大人負責淋水   不過我見到有唔少枯葉   搵日剪咗去先

唔知會唔會有生菜出現呢 ?!   上次剩咗幾個生菜苗   所以我拎埋比阿妹同榴槤佢哋   依家佢哋放哂喺公司種呀

目清素 $939/3盒 (屈臣氏有 88 折) / 祛濕輕 $319/盒 (萬寧有 9 折)   

里奧大人 4 點幾半要番公司做嘢   我就 5 點半出發去佢公司   因為我要比禮盒比佢同事   之後就同阿妹一齊番崇拜 ~

崇拜完畢有小食會   其實主要傾下偈   所以差唔多 8 點先走 ~

其實想食菠菜蛋餅   但驚食完好飽   咁就唔食 lu

自家制甜品

牛油果生菜三文治

突然好想食牛雜   所以叫里奧大人陪我去食   因為佢唔鍾意嚟呢間食店食㗎   不過食埋呢次   我以後都唔會嚟呢間食店食嘢 lu ~

食完去惠買奶茶   今日買滿 $100 有 92 折   雖然特價都要 $28   但我唔等佢 $25 先買喇   因為屋企已經無哂   好在只係里奧大人飲   佢飲到最尾嗰盒又唔出聲   佢應該以為屋企有存貨啦   咁我問佢買幾多 Pack ?!   佢話 1 Pack   我真係反白眼話佢   如果買 1 Pack 都唔駛特登嚟陪我買啦 ~

番到屋企即開機洗衫   之後沖涼休息喇 ~

睇陣 Youtube   今晚 10 點 45 分瞓覺 ~