譚仔雲南米線 @ 紅磡 ( 6-JUL-2024 )

( 6-JUL-2024  SAT )

感恩一覺瞓天光呀   起身嘅時候啱啱鬧鐘響   一起身唔見里奧大人喺隔離   以為佢早咗起身   原來佢坐喺梳化度瞓   話隻手痛呀   坐喺度瞓舒服啲 ~

本來諗住今朝一齊出去食早餐   不過我叫佢休息唔好番工   我自己去食早餐就可以了 ~

早餐食吞拿魚治烘底   茶記啲人見到我係好出奇   哈哈   我話依家喺屋企食早餐嘛   佢哋話見到我好開心   我都話見到佢哋都好開心啦   最緊要係大家都健健康康呢 ~

一出去見到個天黑黑哋   點知真係落雨呀   我即跑番去菇場啦   明明唔熱都變咗好熱   不過點都好過變落湯雞嘅   哈哈 ~

菇場唔忙啦   同阿齋又傾咗 40 分鐘   佢成日會講埋佢朋友啲嘢比我知   所以佢一講就知係講緊邊個   之後佢朋友讀緊學風水嘅嘢   佢話佢唔信風水呢啲嘢   同埋如果真係咁信風水   香港就無窮人啦 ~

8 個月咁   哈哈哈哈

傾完又做下自己嘢   所以好快就放工喇 ~

放工即走   同里奧大人出去食午餐 ~

焗黑椒西冷意粉 ($60) - 我覺得食飯真係好飽   咁我今晚聽晚又唔煮   所以食呢個意粉   雖然好味   但食到好辛苦   哈哈

燒味雙拚飯 ($59) - 我其實係想叫油雞   估唔到白切雞都好滑呀

里奧大人食完就番工   我就番屋企開機洗衫   搞掂就沖涼休息 ~

4 點左右開始靈修 1 個鐘   之後就出發番崇拜 ~

崇拜之後就等去等里奧大人放工   今晚好想食米線   所以去譚仔三哥喇 ~

食完去 360 買支裝黑咖啡   因為 $20/3 支好抵呀   難得里奧大人又喺度   所以買咗 9 支 ~

番到屋企即開機洗衫   搞掂就沖涼 ~

睇陣福寶   今晚 10 點 45 分瞓覺 ~