麻辣手撕雞 (外賣) ( 11-JUL-2024 )

( 11-JUL-2024  THU )

感恩尋晚瞓得都唔錯   但係有啲熱   唔知係咪飲咗中藥   因為呢兩晚都係咁 ~

同里奧大人出去食早餐   我每次話諗下出唔出去食早餐   佢都會話唔駛諗喇   一於出去食啦唔好諗喇   呢樣佢係最好   因為佢係好想我 Relax 下   我攰又會發脾氣   受罪都係佢   呵呵 ~

我覺得自己好勁呀   成日食碎蛋三文治都唔厭

每次食早餐都係里奧大人比錢   咁佢話得 $500   問我有無 5 張 $100 ?!   一係我比住先   今晚比番我   咁我銀包有 5 張 $100   咁我拎 4 張比佢   佢即放入銀包   但點知佢數喎   之後笑住話知道會係咁   咁我再拎張 $50 比錢啦   我話我比㗎   佢話妳黐啦妳比   妳比少 $100 呀   哈哈 ~

食完就去佢公司坐下   咁啱見到阿妹   佢同里奧大人今日初褲顏色係一樣   仲咁啱今日係 Lunch Meeting   唔知以為係夾埋添 ~

咁之後又一齊傾偈啦   差啲唔記得去搭車呀 ~

一去到車站就落好大雨呀   但真係當堂無咁熱咁 ~

菇場唔忙又 Skype 啦   呢日開始要戒備狀態   所以希望可以好忙   哈哈 ~

好在有 2 把風扇仔   咁就可以 1 把吹人 1 把吹鞋

Lunch Time 出去啦   阿齋又特登細細聲同我傾偈   話中醫話佢濕疹唔算勁   係體內好多毒素呀   所以我叫佢做毒婦   哈哈 ~

之前我比咗支 Lotion 佢搽   佢話搽完濕疹膏令皮膚好乾   但搽我呢隻 Lotion 就好好多   我話用哂唔駛買番比我   因為呢支 Lotion 都係水姑比我呢 ~

又傾咗成 15 分鐘   所以今日唔行多陣就去食鯪魚球河喇 ~

食完去買芥蘭苗同榴槤蕃薯   比完錢之後再買香印提子   諗住走啦   見到水果椒又再去買   所以唔好喺一間店舖逗留咁耐   唔係咩都想買 ~

好熱呀   咁番到菇場諗住坐低抖下啦   但我都未坐埋位   阿齋又同我企喺度傾咗 20 分鐘   今日做咩咁多嘢同我講㗎   哈哈 ~

唔知邊個同事請食新彊紙皮烤核桃   但又幾好味

今日 4 點幾先開始忙   好在 45 分鐘就搞掂咋 ~

放工去買手撕雞   好在里奧大人話 6 點半先放工   咁我就有時間慢慢切青瓜喇 ~

中午買咗呢啲   我都好感恩中午有時間買到嘢   咁唔駛放工去買   慳番好多時間呢

是日晚餐 - 麻辣手撕雞 (外賣)

麻辣手撕雞 (外賣) - 今次要少少辣   但真係一啲都唔辣   上次咁叫但就好辣   真係好難搞喇   哈哈 ~

洗埋碗就抖下    同里奧大人 7 點 45 分去做運動   今晚做 15 分鐘先   慢慢去 Warm Up ~

沖埋涼就食生果   其實可能更肥   哈哈   最衰食完飯又食唔落生果   到食完生果又唔可以即去做運動   同埋我又早瞓   真係唔想等咁耐先做運動囉 ~

我今日先同家姐講話要做運動減肥   點知家姐又買薯片比我   其實我都估到佢實會去 7-11 買嘢   因為今日買滿 $100 有 71 折   同埋佢想買先會成日叫我去買   今日叫咗我兩次去 7-11 買雪糕啦   不過我話唔買啦   冰格無位 

我話唔要   佢又會問要唔要其他   同埋其實佢次次問我要唔要   佢都係買咗兩份   預一份比我   不過我都係咁㗎   咩都買咗比佢先   如果我無買比佢而佢想要   我會好激氣囉   但點都會再買番比佢嘅   因為佢真係想要先會咁答我嘛   佢唔要佢一定 Say NO 呢

睇下福寶同打機   今晚 10 點 45 分先瞓覺 ~