黑醋炸雞飯 (配薯仔沙律) + 日式咖哩吉列豬扒飯 (外賣) ( 14-JUL-2024 )

黑醋炸雞飯 (配薯仔沙律) ($45) & 日式咖哩吉列豬扒飯 ($55) - 兩個都好味道呀   不過大家唔係咁餓   所以又可以留番啲做聽日嘅 Lunch Box

里奧大人最鍾意有飯素   所以我之前都買咗幾包比佢   呢個餐仲有杯茱莉綠茶同凍茶   所以好抵食呀

( 14-JUL-2024  SUN )

今朝同里奧大人食早餐   我初初諗住起唔到身㗎   因為我等埋里奧大人鬧鐘響先起身   平時多數鬧鐘一響就起身呢 ~

食完早餐就即刻去里奧大人公司幫手   我都唔記得今朝係有嘢做添   阿埋阿妹食早餐又要去做嘢 lu ~

咁陪里奧大人去整嘢   點知 Melody 同里奧大人傾嘢   咁我可以抖下   之後又到我同個姊妹傾偈   偈咗半個鐘   但唔記得問佢名   不過其實大家都一齊做過義工   仍都成日見到   但成日唔記得問咩名   哈哈 ~

今日又有禮物收喇

之後跟里奧大人同阿妹去 Check 嘢啦   點知鴛鴦要我幫手   其實都好感恩呀   咁啱我喺度而又唔眼瞓 ~

不過今次好驚險啦   下次要幫手真係要諗諗方法先敢去做囉 ~

等埋里奧大人放工   之後我哋去拎外賣就直接去 Ivy 屋企喇 ~

其實由 3 月開始約   不過唔係佢哋唔得閒就係我哋唔得閒   真係無諗過食餐飯都咁艱難   哈哈哈哈 ~

所以又再約埋下個月先   但都係下月頭先決定到囉 ~

同 Ivy 佢哋傾偈又係無拘無束   可能識得耐   同埋同佢哋真係好有緣   我第一次番主日學   第一個就係識佢呢 ~

星洲炒米 - 幾好味   但 Ivy 話今次樣樣都細盒咗好多呀

干炒牛河 - 呢盒份量真係好少   係得半盒咁咋   佢哋啲盒仲要係分格盒添

楊州炒飯 - 都幾多料

一入屋就見到餐枱有 2 碟辣椒醬

里奧大人喺 HKTV Mall 買嘅   好似 $17 

Ivy 話唔夠飽呀   所以煎 1 包餃皇

再蒸天賦坊燒賣   佢話燒賣就要蘸辣椒油

我問佢哋食唔食榴槤 ?!   原來得 Ivy 一個食㗎咋   之後佢拎咗 2 粒貓山王比我食   真係好好味   但食完之後覺得好滯   年紀大食唔到咁多榴槤   所以依家好少買嚟食   同埋最大問題係自己唔識揀   哈哈

食下傾下  Ivy 又講下佢公司啲極品同事   情況係同冰姑同里奧大人公司發生嘅係一樣   所以好明白佢心情   哈哈 ~

無啦啦落好大雨   之後又停雨   再望個鐘原來已經 5 點   係時候走人喇   因為要同里奧大人去德福睇 IPad 呢 ~

行埋 Muji 就搭車   番到屋企抖下   差唔多 7 點左右同里奧大人去老闆度食晚餐   不過佢無開   所以我話買外賣啦   咁我話一陣沖埋涼先食   里奧大人覺得好奇怪   我話沖完涼舒服啲嘛   之後佢叫我上番屋企沖涼先啦   咁一陣佢買完番到屋企就可以即刻沖涼喇 ~

食完抖陣就睇 "九龍城寨之圍城"   我係咁問里奧大人其實睇咗啲咩   哈哈哈哈 ~

之前送嘅泡芙   今晚到期要食喇

今晚 10 點 45 分先瞓覺   好在覺得眼瞓咋 ~