辣子牛肉拚生炒骨飯 + 京都豬扒拚炸雞飯 (外賣) ( 15-JUL-2024 )

辣子牛肉拚生炒骨 - 兩個都好味   但如果生炒骨脆身就更好

京都豬扒拚炸雞 - 呢兩個又係好味   我話第時唔想煮飯   叫里奧大人去買番嚟食   哈哈

勁哥嘅苦瓜炒牛肉都好正喎   我哋鍾意餸同飯係分開盒   不過唔係間間都係咁囉

( 15-JUL-2024  MON )

感恩一覺瞓到 6 點 50 分呀   不過見咁早   所以又繼續再瞓   瞓到 7 點 40 分先起身 ~

里奧大人本身今日番 12 點   但佢話尋晚瞓夠   咁早啲起身陪我食早餐   食完之後都番公司了 ~

Pie & Tart 買嘅迷你牛角酥 ($18)   我覺得 Size 一啲都唔迷你   但口感就似食麵包   哈哈

菇場忙咗陣就 Skype   星期一真係要搵嘢傾下   唔係好易眼瞓 ~

Lunch Time 食鯪魚球上海麵   食完就去買菜同提子   番到菇場係成身汗呀 ~

阿花見我又睇寶家族   話我依家繼 ASTRO 之後就好迷呢隻嘢   見我日日睇   不過之後佢話以為我迷姜爺爺同宋爺爺呀   哈哈   咁因為我鍾意睇佢哋同寶家族互動嘛 ~

唔忙就繼續 Skype   所以成日都會有打 Keyboard 嘅聲   唔知以為我好忙   哈哈 ~   

放工即走   今晚去里奧大人公司食晚餐   因為佢同勁哥要開夜呀 ~

佢哋去買兩餸飯   咁我嚟到就有得食喇 ~

一路食一路傾   勁哥話佢兒甥仔揹住個仔行山   仲要唔係揹帶係個一個架   話個架仲重過小朋友   我初初以為 1 歲左右   原來係 3 歲呀   咁點都起碼 2x 磅啦   佢話用呢個架嚟揹個仔行山   真係命都唔長   呢句好搞笑 ~

勁哥請食甜筒   因為佢話知道里奧大人實唔收佢錢   哈哈 ~

食完就陪里奧大人去睇工程   睇到差唔多 9 點幾先番屋企 ~

沖埋涼就抖下   里奧大人 10 點 15 分就番到屋企喇   感恩工程順利 ~

里奧大人沖完涼就係咁搵零食   我以為佢好餓   佢話頭先好攰呀   所以想食啲零食 Relax 下喎 ~

我 10 點 50 分都瞓先喇   等佢慢慢享受一個人嘅時間啦 ~