南瓜焗雞扒 + 蕃茄薯仔南瓜粟米湯 ( 30-JUL-2024 )

( 30-JUL-2024  TUE )

尋晚瞓得唔係咁好   因為臨瞓前睇太緊張嘅嘢 ~

咁我去完廁所   之後里奧大人又去完廁所再出廳   不過無理佢啦   我繼續瞓覺 ~

早餐仍然食焦糖咖啡朱古力生方包   估唔到口感仍然係煙煙韌韌 ~

一開電視機就睇到張家朗奪金   真係超級開心   香港咁細嘅城市都有人打出佳積   點會唔開心吖 ~

里奧大人話尋晚去完廁所   話等多 10 分鐘就可以睇張家朗   所以睇埋先瞓   但唔係睇金牌戰嗰幕   哈哈 ~

依家等車要開遮   我真係唔想再曬黑呀

菇場唔忙   真係好鬼怕阿渠   成日咳到大大聲   係想話比人知係病咁   好在佢都有人性肯戴口罩   因為佢以前成日病都唔戴㗎 ~

Lunch Time 諗住出去行陣先買嘢食   但又唔知食咩   咁同阿花一齊行啦   行咗 20 分鐘   以為佢賣外賣番公司食   原來佢堂食   咁我話一齊食啦 ~

最搞笑佢成日話一個人食飯都得   我話得喇   我知妳唔係咁想我陪   其實佢意思係啲同事見佢係同船頭一齊食嘅   覺得佢都係要人陪咁   但佢一個人食係無問題   唔會覺得慘 ~

例湯係合掌瓜豬骨湯

我食牛扒拚煙肉   因為阿花話想食煙肉   之後我話要少意粉   阿花話唔好呀   因為本身都已經少   意粉好味呀   佢哋用茄汁炒過

阿花就食豬扒拚腸仔意粉   我哋都鍾意黑椒汁

食下傾下又講下秘密   所以佢聽到都好錯然   我話除咗同 8 卦講   我好少會同其他同事講公司嘢   始終呢度好多線眼   同埋我唔講嘢都得家嘛   我都慣咗 Skype 同 Whatsapp   真係全日唔出聲都無問題㗎 ~

我同 8 卦同佢   真係因為菇場太靜   搞到真係已經唔習慣菇場太嘈   佢話佢朋友都覺得佢做咗呢間公司係靜咗添呀   因為佢以前喺公司好鍾意周圍同人傾偈呢 ~

佢話有次勁樣衰   阿 B 喺玻璃房無開燈搵嘢   阿花經過就壓低把聲講好恐怖   之後老闆經過聽到   我咪話囉   好日唔講笑   一講笑就比老闆聽到   仲要話公司恐怖   妳死梗   哈哈 ~

1 點番到菇場   一拎手機出嚟就見到家姐個 Missed Call   原來家姐頭先打過比我都唔知添   上次我同船頭食飯   我話好日唔同同事請飯就打嚟 ~

咁順便叫佢估個午餐幾錢   叫佢估多少少   又叫佢少少少   家姐 "吓" 咗一下   我都忍唔住笑   可能佢聽咗少少少係笑笑笑   以為我話佢呀   哈哈 ~

唔忙就 Skype 啦   咁樣就會好快到 5 點 26 分㗎喇 ~

放工即走   但買埋燒餅先番屋企 ~

真係好搞笑啦   我一開雪櫃就見到碗糖水   我就係今晚好想食甜嘢先買燒餅   估唔到里奧大人買咗糖水   咁燒餅要留番聽晚食啦 ~

是日晚餐 - 南瓜焗雞扒 + 蕃茄薯仔南瓜粟米湯

南瓜焗雞扒 - 尋晚特登剩咗半件南瓜   想試下焗南瓜好唔好食   我覺得好食呀   但里奧大人唔鍾意咁食法   不過我好耐之前整南瓜蒸排骨   佢又係唔鍾意食啲南瓜   但南瓜湯又飲喎 ~

蕃茄薯仔南瓜粟米湯 - 今次份量啱啱好   因為我只係想飲兩晚   哈哈 ~

洗埋碗就沖涼   之後同里奧大人一齊睇乒乓混雙銅牌戰 ~

之前張地毯唔夠大   所以里奧大人再買多一張大啲   除咗佢自己用嘅嘢之外   屋企啲嘢都多數係卡通公仔   依家連佢啲同事都知道我鍾意小新   肯定里奧大人周圍講   哈哈   

9 點食糖水   咁里奧大人拎出嚟嘛   我話一碗 Share 食就最好   點知佢話買咗 2 碗呀   因為無位擺   所以擺咗喺另一邊   好在我今晚無食飯咋   咁唔駛又食到咁飽 ~

呢排其實好想食糖水   所以里奧大人話買咗   我好開心呀   哈哈

睇多陣 Youtube 再睇乒乓混雙金牌戰   中國對北韓   真係睇到勁緊張呀 ~

其實我都好想睇跳水   但無留意幾時做   阿花話呢排係咁睇嬋寶   我話之前睇哂   佢話其他運動無興趣又唔識睇   但睇跳水就睇有無水花   就知道係咪高分 ~

之後我叫里奧大人估下我個午餐幾錢 ?!   佢同家姐估嘅價錢居然係一模一樣   $48 $45 $40 $43 $42   不過佢哋有時都差唔多同時間 Send 嘢比我咁滯   所以會答到亂唒   哈哈 ~

睇多陣 Youtube   今晚都係 10 點半瞓覺 ~