( 13-JUL-2016 WED )
今朝里奧大人上大陸 我都瞓到 7 點 45 分先起身 雖然趕啲 但真係瞓多 15 分鐘精神啲㗎 ~
落雨塞車 所以 8 點半先到茶記呀 ~
一坐低家姐就打嚟 話姐夫尋晚突然暈咗要入醫院 好在暈咗嘅時候有同事見到 之後即送去醫院 咁當時家姐收到醫院電話 已經嚇鬼死佢啦 又話搶救緊 之後去到醫院 又話喺 ICU ~
好在家姐見到姐夫嘅時候 姐夫係清醒 同埋應該係當時暈咗 之後又嘔 所以驚傷及內臟 咁留喺 ICU Check 清楚啲 家姐話 1 點幾先番到屋企 我話做咩唔打比我 佢話驚我又滕出嚟 我即話佢黐線 一家人講呢啲嘅咩 有咩事梗要打比我㗎啦 ~
傾咗 15 分鐘 我要快快趣食嘢喇 不過擔心到無哂胃口 就咁食哂火腿蛋算喇 ~
菇場忙下停下 又整下相 好快就到 Lunch Time ~
咁我叮米粉 食埋就去買蛋糕比姐夫 今日着水靴嘛 所以對腳好鬼熱 勁想即刻除出嚟呀 ~
番到菇場即換拖鞋 但唔知係咪着裙關係 所以之後又好鬼凍 總知次次一着拖鞋就會覺得好鬼凍 ~
放工即走 坐小巴再轉小巴 6 點 05 分已到醫院 勁快 ~
見到姐夫都精神 即問佢發生咩事囉 佢話咁咁咁咁 之後又傾下其他 我同佢傾偈又係好安心 因為佢唔會周圍講 同埋一定一定係幫我 所以佢都知我好多嘢 而我仍都唔怕同佢講啦 一家人都唔需要隱瞞啲咩 但我就唔會同姑奶佢哋傾咁多嘢 只傾啲好表面嘅嘢 因為佢哋成日都未經人同意就周圍講 我就最憎最憎囉 ~
家姐同姐夫個妹就 7 點唔夠就到 咁又一齊傾下偈 之後佢妹要去另一間醫院探人 所以走先 家姐又係咁叫我走先 但我一定唔會啦 佢咁擔心 我點攰都會陪佢坐到 8 點先走囉 ~
里奧大人 8 點左右都番到屋企 咁我問佢等唔等埋我一齊食飯 佢答等我 1314 黐鬼線 哈哈 不過都唔夠我爛 上次晴晴 Whatsapp 問我忙咩 我答佢 "忘不了妳" 真係打完都喺度笑呀 爛到無朋友 哈哈 ~
同家姐一齊坐 13X 番九龍灣 我講明唔同佢食 因為食埋會好夜番到屋企 我叫佢叫工人煮麵食 食完快休息仲好 ~
家姐同我一齊落車 話去 Mrs. Fields 買特價 Muffin 咁已經 8 點 45 分 咁等多 15 分鐘就買 2 送 2 佢就同埋我哋一齊去大快活喇 ~
咁我唔餓 所以一個餐 Share 食 再加多個湯就夠 細食真好 慳番好多 哈哈 ~
快快食 食到 9 點 15 分即走 我驚佢無得買自己鍾意嘅味道呀 感恩仲有好多 ~
我唔送家姐去巴士站喇 我想快啲番屋企沖涼 之後休息喇 ~
今晚同里奧大人 10 點 40 分即瞓 真係好攰呢 哈哈 ~
五步迷暈笠..我睇埋你blog都準備瞓先啦!
回覆刪除講真..有親人入院一定緊張~更何況係姐夫
真係嚇親呀~最緊要依家個人無事..最好每年body check吓
我地都差不多要開始check啦~咁上下年紀..表面無事
其實唔知入面咩環境ma~早知有得早預防好d囉
早啦二鍋頭笠 下次同妳飲 哈哈~
刪除係啦 一早打黎就話姐夫入咗院 真係嚇到無哂心機~~~~
Body check 真係好緊要 買個安心都好囉~
同埋我覺得年紀大 反而要做多d運動
一懶咗就唔願郁架喇 所以我同妳都要行多d山 哈哈~
繼續...
回覆刪除哈哈!超爛到無朋友呀~你又爛..小奧又爛
不過小奧爛得黎好sweet~你當時係咪me me笑呢(咪唔認呀)
早排天氣熱呀~又濕又熱著水鞋真係幾辛苦
依日你都食好少野啦~一個餐2個人share
係架! 細食慳好多~所以阿喂照顧我好抵架(哈哈)
繼繼繼續笠 續到放工 哈哈~
刪除我都覺得自己爛到無朋友呀 佢講1314嘅時候 有d想打佢嘅感覺 哈哈~
嘩 一講起水鞋都覺得熱呀 最慘係焗腳呀~
我叫一個餐嘅時候 小奧仲喺度等 之後我話叫一個餐夠喇 佢都呆咗
但我真係無咩胃口囉~
真架 如果我好似妳咁細食就好 唔計慳錢啦 無咁肥先緊要呀 哈哈~