Babymama: 海景粥店茶餐廳 @ 九龍灣 ( 14-JUL-2016 )

2016年7月14日星期四

海景粥店茶餐廳 @ 九龍灣 ( 14-JUL-2016 )

炸兩 - 油炸鬼唔夠脆

蝦米腸 - 姐夫食呀我覺得好多蝦米最驚哈哈

XO 醬豬扒炒出前一丁 - 唔夠乾身同埋好鹹呀

艇仔粥 - 好味道加埋胡椒粉更正佢哋嘅胡椒粉夠勁呀食完之後成個肚暖哂哈哈

( 14-JUL-2016 THU )

里奧大人今朝又要同客上大陸我又可以瞓多 15 分鐘呵呵 ~

今朝行行下後面有個男人同我講話唔好一路行一路玩 Line 原來係 8 卦頂佢嚇死我咩 ~

菇場忙下停下之後又揀下相咁所以時間過得好快 ~

Lunch Time 出去行一陣再買車仔麵番菇場食但突然間完全無胃口真係勁想唔食但最衰又唔留得唔係可以留番聽日食都好 ~

我已經叫少米粉但都比咗好多囉第一次食剩咁多因為我只係食咗幾啖米粉我覺得掉哂真係好折墜但我真係食完啲餸已經想嘔咁但其實連啲餸都食剩㗎喇真係食唔落唔知做乜鬼

好嘢仍然忙下停下又揀下相咁里奧大人見完客就直接去佐敦食住下午茶等我因為佢想一齊去探姐夫 ~

最搞嘢係 5 點家姐打嚟話姐夫出得院咁佢叫我哋唔好去咁我問下里奧大人點先啦佢反應好大話都喺佐敦咁耐梗係去探埋佢啦哈哈咁我同家姐話一齊接佢出院之後一齊食飯啦 ~

放工即走總知巴士小巴邊樣早到就搭邊樣點知佢哋一齊到但小巴居然唔停咁好啦我搭 9 號都方便仲緊醫院小巴站添 ~

同里奧大人喺小巴站等 6 點 15 分都上到醫院咁搭巴士只係 $5.1 但搭小巴要 $9 但原來時間係差唔多 ~

到咗醫院無耐過多 15 分鐘家姐都到喇咁即搞手續出院之後我叫家姐陪姐夫落樓我同里奧大人去交費同拎藥埋單要 $1,200 我仲以為因為誇區又或者可能依家照 MRI 要收錢添咁里奧大人問點解會 $1,200 咁多因為只係住咗 3 日原來醫院搞錯咗以為姐夫唔係香港居民好在里奧大人問一問咋如果我同家姐嘅話就一定比哂錢囉 ~

之後又要家姐拎番姐夫身份証去急症室登記處改番係香港居民但家姐尋晚都已經特登去番登記處搞好咗㗎啦仲搞咗成半個鐘添乜咁鬼亂都有㗎 ~

搞掂哂去拎藥諗住一齊打的去海港食飯點知姐夫話想去九龍灣食粥我哋話唔好啦想佢快啲食快啲休息不過佢話係想食粥咁就食啦最緊要唔好就我哋去九龍灣就得喇 ~

里奧大人坐車頭嘛咁佢見到司機開住 Google Map 就即刻問佢好唔好用數據用量點之後司機話好用又會顯示塞車位置所以里奧大人話佢好有 Heart 見塞車位置就唔去咁司機話部電話只係開工用只開 Google Map 一個月只係用 2G 司機好搞笑真係答得好清楚哈哈 ~

家姐奇怪點解里奧大人問咁多嘢我話佢姐夫要佢買 3 個 GPS 呀其實依家都無人用 GPS 啦已經問咗阿 Mi 喂佢哋都話用 Google Map 最好但佢姐夫係都要買 GPS 仲要嗰隻 Model 係年半前出嘅咁即係已經唔會再 Update 資料啦買嚟做乜 Q 呀仲買 3 個咁用第 3 個 GPS 嘅時候咪即係用緊 4 年半前嘅資料 ?! 咁咪即係廢囉仲話驚絕版無得買所以買多 2 個後備我哋覺得佢真係黐黐哋依家幫人清倉底貨咋仲以為自己執到寶咁 ~

最大問題係佢自己又唔搵下其他 Apps 佢自己用都唔搵就成日係咁講 GPS 好用去新嘅地方有超速提示 (我已經好想串佢話你有幾何去新地方呢 ?! 又講廣東話 (鍾意聽廣東話唔好叫晴晴去澳洲讀書啦) 總知我哋叫佢搵 Apps 佢就不斷講 GPS 幾好幾好咁連話有廣東話好好都講埋我真係忍唔住話佢我個人覺得 Apps 係與時並進 GPS 有嘅 Apps 資料就更加完善囉真係頂呢啲人唔順咁你咁鍾意實物咁唔相信電子科技資料咁你唔好上網搵資料喇去圖書館借哂所有書啦唔該 ~

今晚我好開心見到家姐係咁講好肚餓好肚餓又話叫呢樣嗰樣因為佢呢兩個月都成日無胃口食嘢㗎 ~

食完都 8 點幾送埋佢哋搭的士里奧大人話生痱滋咁我話去滿記食芒黑白啦佢話次次飲咗啲椰子沙冰好似無咁熱氣咁㗎喎 ~