康和車仔麵茶餐廳 @ 官塘 ( 13-jul-2012 )

炸蟹籽丸 / 蘿蔔 / 螺肉 / 雞翼尖 / 粗麵


墨魚條 / 豬紅 / 魷魚 / 麻辣豬耳 / 粗麵

( 13-jul-2012 fri )

今朝又瞓到 7 點 45 分先起身   都 ok 精神咁啦 ~

其實唔餓   但又想食沙爹牛肉腸仔米粉囉   不過覺得今次好似好多米粉咁 ~

菇場淡季   基本上無咩嘢做   好在唔駛妳眼望我眼   唔係就慘 ~

仲係好飽   所以去 Post Office 寄信   再行一陣就買個墨西哥包同芝士包番菇場食   估唔到無餡嘅包都可以咁鬼飽   之得買一個啦 ~

媽咪手機壞咗   咁里奧大人又上咗大陸無咁早番   所以我上媽咪屋企拎部手機   咁聽日可以即刻拎去整   喺媽咪屋企呢   成日會問我食唔食嘢   真係大大話話問咗差唔多 10 次   之後佢地蒸粟米   我就食咗 1 條   最鍾意食一大條嘅粟米呢   成條拎住黎食好滿足架 ~

坐到 8 點就走 lu   因為約咗家姐食車仔麵呀 ~

之前食嘅辣汁非常之惹味   又辣   點知今次食完全唔同哂味道   同埋裝修咗   可能已經轉埋師傅都未定   無理由會唔同味道家嘛   所以好失望 ~

經過魚蛋檔   聞到 d 辣汁好鬼正   所以又每人一串喇   飽到反肚 ~

同家姐再行超市   之後同家姐特登買夠 $140   咁將 2 個印花比門口個男人   家姐成日話佢好慘   話上次之前有十幾個印花想比佢   不過兩次都見唔到佢   所以家姐自己換咗隻碗   因為 dieline 唔換就無嘛   咁今次比 2 個佢   了咗心事啦   最多再有多先比佢   因為我依家都好小一個人去超市買到 $60 架喇 ~  

買完各自歸家   之後打比里奧大人   同事約佢喺上水打邊爐   好丫   傾下計都唔錯 ~

番到屋企即沖涼   本來諗住抖下   但都係忍唔住   熨埋兩機衫   攰到呢 ~

里奧大人差唔多 12 點半先番到黎   陪佢傾下計   差唔多 1 點 15 分先瞓呀   好在聽日番半日   咁都好 d ~