Day 4/5 ( Part 1/2 ) 超幸運感恩豪食貓山王榴槤忙玩飽飽飽探親遊 @ 馬來西亞.吉隆坡 ( 3-jul-2012 )

( 3-jul-2012 tue 天晴 @ KL )




行程 : 直落玻璃肉骨茶 @ Klang --> Publika @ Solaris Dutamas --> Tesco --> Home Dinner --> Novotel Hote

l嘩   又係瞓到 10 點自然醒   真係有史以黎第一次去旅行唔食酒店早餐   係飽到唔想食早餐呀 ~

沖完涼諗住出去行陣   里奧大人好想食 Ramly Burger 呀   所以走去對面間 Burger 店   睇下有無囉   無之餘想求其買個 Burger   但又唔平   好似成 RM1x.x 一個   最慘又唔知好唔好食   所以唔買喇   之後阿表 send sms 話 ready   所以我地都番 Lobby 影住相等喇   之後居然覺得有 d 餓喇   但就唔駛要即刻食嘢果隻呢 ~

woo   藍天白雲呀   我地今朝會去 Klang ( 吧生 ) 食肉骨茶 ~

有 d 塞車   居然見到有架車喺路中心停咗無開到   阿表話個司機可能等到瞓着咗   之後小寶話係咪死咗   嚇人咩 ~

今次去 Klang ( 吧生 ) 嘅 直落玻璃肉骨茶    夠哂地道呀   我又唔覺得好熱   不過阿表話好熱   因為太陽曬正佢背脊呀 ~ 

Klang ( 吧生 ) 係海港   亦係肉骨茶源地   距離 KL 45分鐘車程
吧生人習慣朝早食肉骨茶   反而夜晚係吧生比較少見肉骨茶
吧生其中出名嘅係 : 乾肉骨茶   用藥材煮乾身嘅肉骨

上次去萬利食肉骨茶   我同里奧大人 share 一碗飯   所以今次我要一碟飯   因為我要食哂碟豉油辣椒蒜呀 ~





吧生肉骨茶每檯隔離會有煤氣同水煲   自己用滾水沖茶

瓦煲乾半肥瘦肉骨  ( 加金針菇 ) - 一致覺得呢個好味   哈哈

瓦煲湯半肥瘦肉骨  ( 加金針菇 ) ( 一人位 ) - 呢度嘅肉骨茶濃過萬利   都好食   不過食完乾嘅再食呢個就失色咗 d 囉  

淨料湯肉骨 ( 加金針菇 ) ( 1 人位 ) - 其實係無肉嘅   所以留比阿表食  

生菜 1 碟

油條 2 碟

白飯 4 碟   唔係用碗 

( lunch time   所以都好多人黎食呢 )

又係 7月 9 日無電   阿表屋企又係喎  

( 多謝阿表 & 小寶 ^^ )

食到飽呀   不過我話想飲珍珠奶茶   所以阿表就特登帶我地去 Publika 嘅 Food Court 買 Chat Time ( 日出茶太 ) 嘅珍珠奶茶   仲以為順路添   尋日食唔到辣椒板麵   所以阿表見到 建記辣椒板麵 就要我地試呀   明明飲嘢又變埋食嘢   個肚有撕裂嘅感覺 ~

以藝術創作為主題嘅新商場    位於 Solaris Dutamas

( Food Court )


大杯裝嘅珍珠奶茶 ( RM6.90 ) / 檸蜜蘆薈 ( RM6.90 ) / 朱古力香蕉 Smoothie ( RM7.90 ) - 杯 Smoothie 超好飲   好香朱古力味同香蕉味呀   加埋珍珠   都咪話唔飽   好在叫里奧大人飲咋   嘩哈哈


建記辣椒板麵 ( RM7.50 ) - 阿表話辣椒板麵主角係辣椒   辣椒係用辣椒乾去炒香   之後撈板麵食   而板麵一定有炸江魚仔   乾撈辣椒板麵會有半生熟蛋   篤破蛋黃撈麵食   woo   飽都覺好味呀   4 個人 share 一碗啱啱好   真係純粹試下架咋   唔係要飽肚

辣椒呀   影相都聞到好香   同埋好刺激啦   食完肚痛呀   幾咁辣呀  

好   今晚 Home Dinner   所以去 Tesco 買嘢食   順便買零食醬料番香港   今次好開心   4 個人一路行一路研究食物   就咁揀雪糕同益力多都揀到個人由唔凍變凍呀   呢間超市又大   呢個時間又無咩人   呢下最令人行得開心呢 ~

馬版益力多   想買 1 排有齊哂白 / 綠 / 橙 / 紫嘛   但一排又唔齊   我地 4 個一齊搵   不過原來真係無   即係要買 2 排啦   拎完即走呀   因為係咁搵   搵到好鬼凍呀

( 無乜人行   所以開車洗地 )

( 可樂係咪真係咁暢銷呀 ?!?! 佔咗唔小位置呢 )


Durian Kampung - RM5 / pack 真係好抵   因為都好靚仔呀

行咗個幾鐘喇    其實好多嘢想試   不過肚皮真係放唔落啦   所以買夠就走喇   之後再買埋榴槤就去阿表屋企喇 ~



( 呢檔榴槤檔   就係第一晚食到超靚仔嘅貓山王   所以再番黎買喇 )


呢日未完架 ^^