食完第一 round 之後 老闆就帶我地去果園參觀 介紹 榴槤 熱情果 荔枝 蜜蜂 咁近距離見到呢 d 個個都好興奮 除咗小寶 因為佢都係應該最想只係狂食榴槤狂食榴槤 嘩哈哈哈 ~
新鮮蜂蜜 - 原來帶 d 酸味架
( 放煙等蜜蜂 clam down )
蜂后呀 佢一行呢 其他 d 蜜蜂會開路 好得意 因為親眼見到
Passion Fruit ( 熱情果 ) - 酸到呢 所以比哂小寶食 佢真係食到好滋味咁架 呵呵
荔枝樹 - 未熟架 如果熟就好啦 又可以試下
老樹 - 呢棵 1987 年
貓山王用繩縛住 唔係跌落黎呢 野豬會食哂架
隻狗好乖 沿途跟住我地架 應該係保護果園老闆 我地去到果園嘅時候 佢地好乖坐喺枱底 唔會走黎聞我地架 咁我都無咁驚 哈哈
( 我覺對耳仔好似好大咁嘅 )
Buddys 好得意呀
老闆有 3 隻狗架 隻隻都好乖 我地抖緊嘅時候 老闆收到 call 話有大蛇 即刻拎支搶出黎 幾英呀 之後 3 隻狗一齊跟住去 我覺得好感動呀 d 狗真係好生性 唔怕死 最緊要係保護到主人
( 多謝阿表 & 小寶 ^^ )
個個一心睇榴槤影榴槤 我真係無咁距離見過榴槤樹架 阿表又異常振奮 明明話帶大機影果園 點知居然無影到整個果園嘅場面 里奧大人同小寶又係主攻榴槤 無影園景 不過都無乜所謂 因為我地下次都會再黎 已經諗埋策略點食點影呢 ~
差唔多 5 點就走喇 今次食咗 2 round 咋 第 2 round 仲係只食得 1 個貓山王 比個竹腳搞掂哂我地啦 唔係唔止食咁小呀 同埋我真係飽到上喉嚨頂 再比我食就獲利回吐架喇 與此同時 我發覺呢個密密食嘅 trip 一定要有小寶 無佢真係唔掂呀 我自問有食力都甘拜下風 ~
之前掛住跟老闆車 應該無人會記住入去嘅位置 所以走嘅時候都唔記得轉左定轉右 小寶問我 太睇得起我啦 後尾唔知阿表定里奧大人話轉左 好左啱路 因為阿表話轉錯就會去好遠架喇 ~
又坐咗差唔多 2 個鐘頭車 今次我同里奧大人又喺車度瞓咗 好難唔瞓 頭先出完汗 又飽喎 所以真係辛苦哂小寶同阿表呢 ~
居然有 d 塞車呀 好在阿表兜路 所以差唔多 7 點幾就到咗 SS2 Pasar Malam 喇 ~
一落車都幾大風 仲好開心同阿表講掃街有風好舒服 點知佢話原來想落雨 嘩 嚇得我地要快快行 快快買 快快食呀 ~
邊行邊食 我好鍾意圍埋一齊篤黎食嘅感覺呀 再買 d 一陣食 之後去買涼鞋 最後就係買大量脆脆番香港 超級超級滿足呀 ~
Keropok Lekor - 馬來西亞東海岸美食 ( 炸魚條 ) - 好濃魚味呀 但唔腥 唔係要食其他嘢 我會想再買黎食
菜粿 = 香港嘅粉果
麻坡 Otak Otak - 上次食過好食 今次都一樣好好食
買江魚仔嘅檔口
香蔥薄脆 - 里奧大人指定要食架
脆脆檔口 - 好多款架 同埋仲有餅乾 不過我主要係買 "米米" 同 "海鮮脆" 呢
菜粿 ( 三個口味 : 韭菜 / 沙葛 / Sambal ) - 阿表話今次算厚皮喎 我話香港囓厚皮係睇唔到餡嘅顏色架 所以唔算厚 同埋我覺得餡嘅份量都唔小
食到都飽飽地 但今次重點係食碌碌 今晚好舒服呀 完全唔覺得熱 食下傾下 之後小寶又介紹 Ramly Burger 比里奧大人食 其實個個都好飽 所以停一停 再諗幾諗 我同里奧大人講 唔食下次未必黎食架喇 佢就會食呢 小寶又係咁話好好味 佢都想食 之後聲都唔聲就一齊去買黎 share 食 friend 到呢 估唔到小寶真係好想食 因為佢食得快過里奧大人呀 好小見呢 但佢食碌碌又話飽唔食 暈 ~
Ramly Burger - 阿表話係馬來西亞著名 Burger 檔 大部分 7-11 外夜晚都設立 Ramly Burger 檔 小寶唔食牛 所以食雞肉 Burger 我食咗一啖 d 醬汁酸酸甜甜好味呀 成個包完全唔覺得乾 正呀 街邊檔都咁好食 woo
今晚真係食夠喇 所以阿表帶我地去買貓山王 因為我想買比媽咪食 好感恩有得買呀 原來唔係檔檔有架 ~
2 個老闆非常非常之健談 傾下傾下一望 無啦啦又多咗 3 個人企喺老闆後面 計埋我地 總共有 9 個人圍埋企喺度傾計 幾墟冚呀真係 之後又介紹山竹 又傾下 又每人開一粒比我地食 其實真係好鬼飽啦 但佢係都要我地食 咁我地都要比面 之後包好哂盒貓山王 又話邊個明星黎過 邊個最衰 邊個最好咁 又傾一大輪 之後我地要走啦 咁影下相 佢叫我地坐佢個收錢位度影呀 又比把開榴槤刀我地做道具 超好玩呀 下次都會再黎呢間食同買呢 ~
Durian Buffet - 我見到有人張枱有幾盒打包榴槤 同里奧大人講話都幾好喎 食唔哂可以打包 里奧大人話人地係咪唔係食 Buffet 呀 ?!?! 嘩哈 係喎 無理由食唔哂打包咁 so 家嘛
每枱都差唔多 1 人個 1 個榴槤 我覺得大開眼界呀 因為我食榴槤真係當飯後果 唔會當正餐呢
好喇 又 12 點幾喇 要番酒店休息呢 呢日最攰應該係小寶喇 ~
行程完畢 ^^
沒有留言:
發佈留言