今次能夠喺 6 月 30 日朝早 9 點如期出發去吉隆坡 真係非常感恩 確實知道神對我嘅保守看顧 感謝神 ~
6 月 29
日已經知道 6 月 30 日肯定會掛 8 號風球 我仍都打定去問航空公司 如果掛 8 號風球應該點做 好明顯心裡面已經作好最壞打算 ~
同事又話會朝早
8 點打到正一正 家姐同里奧大人又打黎咁講 連阿表都緊貼風向 都係知道會打到正一正 我個心真係沉到不能再沉呢 只有密密的急切禱告 ~
夜晚 10
點 20 分終於掛 8 號喇 即 line 阿表知啦 唔係到時佢準時到機場接我地機就有排等喇 風球一掛一般係 12 個鐘
所以都預咗夜晚先到吉隆坡呢 因為航空公司話如果 delay 要睇下班有無位 有先可以上 無就要再等下一班 等到有位為止 ~
我雖然係預咗夜晚先到吉隆坡
但都好唔開心嘛 難得見面 咁就無咗一日時間 之後又急切祈禱 我又瞓下醒下 醒咗又祈禱 ~
之後家姐 4
點幾打黎話落咗 8 號呀 家姐仲問我係咪祈禱 我好開心家姐咁問我 我好希望佢都相信神嘛 可以如期出發
我同里奧大人都確實感受到神嘅保守帶領 感恩感恩 ~
好
講番點解又去吉隆坡先 事緣係因為里奧大人 annual dinner 抽中咗中旅社 $2200 cash coupon 8 月中到期 所以我地 6
月中一定要諗去邊 我就諗住去澳門 or 長隆 因為咁樣唔駛自己貼錢 諗住 book 啦 點知 full 哂 諗住去泰國 平 d 嘛
但又係 full 咗 ~
之後走啦 諗住番到屋企再諗去邊囉 點知里奧大人就問我去唔去探阿表 嘩嘩嘩 佢提出架 我當然好想啦
所以即番轉頭攞資料呀 因為我地都要問埋阿表得唔得閒先可以做決定呢 ~
最後決定揀
6 月尾去 因為 7 月 2 號放假 咁可以請小一日假 同埋我又係剛送走每月一到 真係 perfect 到呢 非常之感恩樣樣都有好安排呀
~
今次真係同阿表講明係要
hea 同傾計 因為我同里奧大人覺得上次阿表安排得 d 節目太豐富喇 根本無時間傾計囉 ~
我又係略略講比阿表知
我想食 d 咩買 d 咩 不過舊地重遊 無咩話特別想食想買 真係最主要係傾計 ~
之前阿表日日同我講話
KL 好熱勁熱爆熱 要有心理準備 因為佢知我非常怕熱 所以我聽到嘅時候都幾驚 因為我真係好憎立痴痴嘅感覺架 ~
但去到天氣非常之好喎
雖然無藍天白雲 但至小唔係爆熱 同埋無落雨 所以超感恩呀 ~
今次住
Novotel Hotel 位置又好 我覺得好過 Corus 好多 因為對住 Pavilion 好易認 我呢個路痴都認到路喎
又旺中帶靜 同埋呢間服務態度都好好 做嘢快手 一入房又覺得好光猛 好舒服 所以我好鍾意呀 ~
我地今次主要去好多
Local 地方食嘢 我同里奧大人最愛也 因為咁先感愛到當地文化嘛 ( 某 d 人可能覺 cheap 覺地方污糟 ) 講真
好唔好食係其次 因為一分錢一分貨 我唔會妙想天開咁諗住 RM50 可以食到 RM200 水準囉 我地又唔係食家 同埋好唔好食真係好主觀嘛 ~
我個人認為
如果每次用自己食開嘅味道黎比較 又或者用香港嘅水平黎比較 咁對每個國家都好唔公平 每個國家都有特式之處嘛 同埋我覺得如果咁嘅心態去旅行
咁不如唔好去喇 一輩子留喺屋企煮啱自己口味嘅食物算喇 ( 之前睇飲食節目 要個食家評另一個國家食物味道 佢試完就話佢食慣自己國家口味
咁樣評分其實唔公平 我絕對認同佢講法 ) 好在里奧大人唔鍾意食都唔會係咁彈 我最憎呢 d 百彈齋主 同埋我覺得同朋友一齊食嘢
真係旨在相聚 如果食物好食就更加錦上添花啦 不過 好感恩好多 Local 食物我覺得都好味 同埋我地心態唔係黎食 如果唔好味
我地都覺得係一個體驗 已經值得 ~
今次餐餐都超巨飽
因為去到邊度 如果見到 d 咩想食就即買黎試 好開心呀 而今次小寶同里奧大人都好主動話要食咩食咩 好飽都要食喎 所以我睇見佢地咁
我都好開心呀 同埋我覺得一齊食嘢真係好開心呢 ~
呢個旅程又係阿表同小寶悉心安排啦
我同里奧大人真係咩都無做過架 好感恩識到佢地 唔係我都唔知原來馬來西亞係咁多嘢食 嘩哈哈哈哈 阿表 小寶 Terima Kasih ~
沒有留言:
發佈留言