Day 4/5 ( Part 2/2 ) 超幸運感恩豪食貓山王榴槤忙玩飽飽飽探親遊 @ 馬來西亞.吉隆坡 ( 3-jul-2012 )

繼續行程  Part 2  ( 3-jul-2013 tue ) 

阿表同里奧大人就去買大炒做 Home Dinner   因為講過話唔好浪費時間喺屋企整嘢食嘛   而我就同小寶喺車度傾計   了解下佢   又講下馬國係咪好多人都係楂自動波   咁棍波同自動波又有咩唔同   傾下傾下  佢地都買完上車 lu   嘩   d 味道香到爆呀   如果即場食仲正   不過真係食唔落囉 ~

去到阿表屋企   阿表第一時間要整 紅火龍果冰 比我地   我強調唔要 1 杯   同里奧大人 share 就得   都係果句   仲係好飽   而里奧大人第一時間就上網 Check-in   小寶就第一時間就拎佢嘅收藏   唔同國家嘅錢幣同紙幣比我睇   一齊睇一齊傾好開心呀 ~

Welcome Drink 紅火龍果冰 - 飲 1/3 杯已經好飽好飽

8 點就開餐   再上網訂 Domino Pizza   差唔多食哂大炒   9 點 Pizza 就送黎喇   又一路食一路傾啦 ~

甘香啦啦 - 甘香真係好好味  

甘香炒飯 - 呢個炒飯有驚喜呀


星洲炒米 - 我覺得麻麻地   唔夠乾身咁   因為我食慣咗香港嘅口味嘛   同埋主要係阿表好想我試馬版嘅炒法呀   反而里奧大人覺得 ok   佢覺得香港都唔係間間都整得星洲炒米好味喎


馬來盞番薯苗 - 我今次覺得口感無之前食咁爽脆


辣椒 - 份量都唔小


Sambal Pizza - 我覺得 Pizza 有江魚仔好得意呀   好有馬 feel 


Prawn Sensation Pizza - 正呀   因為我鍾意濃味   我地其實係 order 咗 Double Cheese   但比漏咗   不過唔係壞事   雖然比咗 DC 錢   但我覺得無咁漏都係件好事   咁我地個肚先可以有空間再食其他嘢呢

10 點之後就飲嘢食生果傾計   又影下 10 shot   之後又再食   12 點半就各自郁下   阿表就整貓山球甜品   阿表用咗 4 kg 貓山王黎整 4 個貓山球   所以飽到非筆墨可以形容 ~

紅火龍果 / 金奇異果 / 木瓜

紅火龍果好多汁架

貓山球甜品 - 1 個球有 1 kg   想唔爆肚都難   同埋真係太飽   所以真係覺得無咩味   oh

食飽喇   又傾下   之後又諗起買咗幾款榴槤   我話想試 D101   所以又拎出黎食喇   不過因為其實大家都好飽   就咁食會相當痛苦   所以就玩 "估榴槤"   咁樣玩下食下   每人食咗 3 大粒   仍用咗個幾鐘頭呢   唔經唔覺已經去到差唔多 3 點 ~   

( 左 ) 竹腳 - RM18/kg
( 中 ) 貓山王 - RM26/kg
( 右 ) D101 - RM10

竹腳 - 當然無果園咁醇香啦   不過都好有小小酒味   正


貓山王 - 都濃味架   不過真係唔想估中貓山王囉   因為又係好大件   所以會好飽好飽

D 101 - 都唔記得咩味添   不過印象中好似帶甜味呢

之後未走得住架   因為阿表又買咗一袋零食 & 一箱即食炸魚餅比我   我地之前喺 Tesco 又買咗手信   所以要齊心合力 Pack 好箱先可以走呢 ~

又要辛苦小寶開車送我地番酒店喇   我地執埋行李   4 點幾先瞓   woo   第一次咁早瞓呀   又要送我地番酒店   真係辛苦哂阿表同小寶喇 ~

呢日行程完畢 ^^