蕃茄蜆肉腸仔意粉 + Sambal 炒莧菜 ( 17-jul-2012 )

( 17-jul-2012 tue )

依家多數 7 點 55 分先起身   瞓多平時半個鐘都幾好 ~

早餐食炸菜肉絲熟蛋通粉   好在叫小通粉   唔係又食唔哂架喇 ~

番到菇場做陣嘢就要 pack 箱   pack 到 11 點半就搞掂咗 1 part   聽日再 pack 過 ~

今日又食 lunch box   尋晚無食到雞翼   所以覺得唔似食隔夜嘢呢 ~

放工即走   番到屋企即預備晚餐   最唔鍾意浸菜   因為起碼要半個鐘   我覺得好耐咁呀 ~  

今晚自己食先   所以煮完就拖地   再沖埋涼先食   咁樣舒服好多呢 ~

是日晚餐 - 蕃茄蜆肉腸仔意粉 + Sambal 炒莧菜

蕃茄蜆肉腸仔意粉 - 星期日喺街市見到車厘茄 $8 磅咋   所以買咗 $10   又順便清埋半包蜆肉   依家好想快 d 清哂雪柜所有嘢呀 ~

Sambal 炒莧菜 - $9 / 2 份   一份仲鬼咁大份   所以分兩日食   但無理由又食鹹蛋莧菜嘛   所以試下用 Sambal 黎炒   估唔到又夾喎   我覺得好似食緊蕃薯苗   唔通今次 d 莧菜好爽脆   定係唔熟呢   oh ~

家姐今晚拎嘢去我屋企   我問佢食唔食馬來西亞買番黎嘅零食   佢話咩都食   唔知以為佢無食飯   但其實佢食完飯先落黎   所以叫佢自己開柜搵黎食   食完花生又食 Twister   再食朱古力威化餅   仲飲埋汽水   搞到我又一齊食一齊飲   飽到呢   佢走之後   我要即刻熨衫當做運動呀 ~

里奧大人差唔多 10 點幾先番到黎   所以佢食完   我都幫佢洗碗   唔駛佢咁辛苦   之後佢又做一陣公司嘢   我就入房瞓先   之後佢再睇陣電視就瞓 lu ~