Woo 去 Raub 途中落雨呀 真係好擔心啦 戶外活動喎 好感恩之後無再落雨 之後開始有 d 耳嗚感覺 因為原來已經身在高原 ~
我地去到 Raub 再由果園老闆開車帶路先去到果園呢 條路好窄架 仲要係 one way 都唔記得係石路定泥路 總之好有坐越野車 feel 啦 同埋阿表話唔係老闆帶路 真係唔識去呢 ~
一去到呢 里奧大人就出去影相 我地 3 個就企喺度抖下先 之後果園老闆就即開幾粒唔同品種榴槤我地食喇 之後開哂就教我地點食 順次序擺 我有聽但無記呀 因為我覺得榴槤來來去去都係差唔多味 小寶應該唔想聽想即食添 唔記阿表當時做緊咩 因為我雙眼都只係得榴槤 嘩哈 里奧大人就聽住老闆講 跟住次序咁食 超乖仔 ~
( Photo by 阿表 ^^ )
上年年尾到馬來西亞 我要求每晚都食貓山王 前晚又食咗過超新鮮細核多肉嘅貓山王 所以我地今次反而對貓山王無咩期待 而係對葫蘆 紅蝦好有興趣呀 ~
聽完老闆介紹完 我地都即食喇 而食每粒榴槤之後都要飲啖水再食另一個品種 唔係食唔到每個品種嘅味道 個個變成食家咁款 一齊食一齊講咩味道 好開心呀 因為我之前次次食榴槤都指定要貓山王 所以我地今次個個都好有驚喜呀 ~
( 後面嘅榴槤排住隊等開 ^^ )
( 大力 d )
( 大力 d )
( 再大力 d )
( 搞掂 ^^ )
右上角 - D24
中間 - 貓山王
左下角 - 紅蝦
右下角 - 葫蘆
葫蘆 - 我同小寶一齊試 食第一啖一齊 umm 呀 濃味到丫 又 Creamy 同貓山王有得揮
有層衣架 超正
D24 - 好明顯同行嘅友人用手指按個榴槤啦 嘩哈哈 我同阿表講覺得無咩味道 佢問我有無飲啖水先 yo 係喎 飲咗水之後覺得 D24 係帶有甜味嘅
紅蝦 - 甜甜地 好獨特嘅味道 如果無食過咁多款榴槤 真係以為個個品種都差唔多味架
貓山王 - 貓山王始終係貓山王 真係好濃味 之前食葫蘆已經覺好濃 點知呢個再濃一陪 勁正呀
竹腳 - 呢個榴槤嘅外型無見過 同埋個樣好衰咁 我初初以為爛添呀 不過老闆抱仔咁抱出黎 又重點介紹 都知應該呢個係好嘢 仲要叮囑話一定要最尾食 但無講點解 因為要我地自己食 食完先講咩味道 阿表仲話佢用年份來比喻添呀 咁即係好似飲紅酒咁啦 好嘅紅酒係可遇不可求呀
睇慣貓山王咁金黃色 覺得呢個色完全唔吸引 但我地 4 個好聽話 最尾先食佢 點知 我地 4 個一食 個個碌大眼 係咁 umm umm 聲呀 嘩 好似飲緊酒咁呀 香醇到呢 * 詞窮 * 唔太識點表達 但我覺得呢半生人食過最正嘅榴槤 覺得貓山王已經完全唔吸引喇 老闆話呢個葫蘆係 26 年老樹種出黎 今日跌咗 2 個落黎 所以比 1 個我地試 真係超級勁幸運勁感恩呀 因為唔係成日跌落黎架
creamy 到呢 我就咁用手指撩呢 d 黎食 都已經好飽 一個得 8 粒咋 我同阿表每人食咗 1 粒 里奧大人食咗 2 粒 小寶無聲無影咁食咗 4 粒 超級勁呀 佢話食一粒等如食 4 粒貓山王 可想而知 1 粒有幾飽呢 不過佢都 .. .. .. .. .. .. .. .. ..
第 2 round 嘅貓山王 - 呢個係我開架 因為老闆比我玩個開榴槤器具呀 用貓山王黎玩 佢都都幾豪喎 哈哈 不過其實個個食完竹腳已經好鬼飽 但開咗無理由唔食囉 但 食完竹腳 個個都番唔到轉頭食貓山王喇 oh
山竹 - 好靚仔好甜
( 幾咁好天呀 曬到呢 )
( 當日唯一一張嘅所謂果園園景嘅相 呢日無人影景呀居然 )
呢日未完架 ^^
沒有留言:
發佈留言