蠔油燜雞翼 + 油麥菜 ( 10-DEC-2014 )

( 10-DEC-2014 WED )

今朝又係無咁凍   不過就落毛毛雨囉 ~

慢慢嘆早餐   雖然食黎食去都係果 d   但無計啦   我又唔想喺菇場食早餐   唔係就可以買燒賣粉果食呢 ~   

唉   左手虎口位勁痛   其實之前都痛痛地架喇   不過無理囉   依家連拎嘢都痛   都唔知係咪筋膜炎   唔通隻手都唔慣番工   嘩哈哈 ~

菇場忙呀   仲要係煩嘢   差唔多 12 點先做完呀 ~

今日出去食 lunch   之後去萬寧買安美露   我覺得 Cool 都唔係咁掂   但里奧大人話 ok 喎 ~

終於忙哂   不過就要執番 d 手尾囉 ~

放工去街市買菜   番到屋企就預備晚餐   再開機洗衫   之後食乳酪   因為 12 月尾到期囉   買嘅時候你諗住休養期間食家嘛   點知排極隊都未食到佢   依家真係晚晚食小小咁囉   咁樣其實真係食到有 d 驚   哈哈   再抖陣就煮飯喇   想早 d 食完去徑步 ~

里奧大人 7 點 45 分先放工   佢叫我自己食先   不過其實我 7 點半都煮完   食緊添啦   哈哈 ~
      
是日懶餐 - 蠔油燜雞翼 + 油麥菜 

蠔油燜雞翼 - 媽咪星期一整比我同家姐架   都知媽咪會整架喇   因為我地話好味   但我話真係唔好再整   唔想食咁多雞呢 ~   

油麥菜 - 買咗 1 斤有 3 棵   因為都幾大棵   所以食 2 棵就算   留番 1 棵後晚食 ~ 

搞掂哂都 8 點 15 分   即去徑步喇   去到又有毛毛雨   不過就唔密   所以繼續徑啦   今晚勁呀   急步行 5 個圈   因為驚一陣落雨呀 ~

番到屋企已經 8 點 50 分   幫埋里奧大人洗碗   之後即去沖涼呀   趕住睇 " 警界線 " 呀 ~

麥當勞嘅薑餅人   無咩薑味   哈哈

咁樣影佢呢   好麻甩 feel 咁

今晚好攰   我 11 點幾就自己瞓先喇 ~