Chubby's Pizza 脆味批 ( 外賣 ) @ 屋企 ( 21-DEC-2014 )

指定 1 + 2 組合 ( 大批 + 招牌肉醬意粉 + 小食拚盤 $178 )
環遊世界 ( 薄批 ) - 餅底唔脆

仍舊係好多料

炸物全部唔脆嘅   而雞翼就好香蒜蓉味   丫   今次 d 嘢食差哂喎

我地個個都好飽   所以無食過   咁留番比我做聽日嘅 lunch box

( 21-DEC-2014  SUN )

今朝 9 點半起身   梳洗之後就食早餐喇 ~

好似條裙

我同里奧大人講今朝食齋包   因為尋晚食完 d 甜品好滯   之後佢話其實佢唔食都得架喎   但我想飲咖啡   所以要去食早餐   我話佢都好勁囉   話唔食都得   但又可以食一個米粉餐   勁

沖埋涼   抖陣就番教會   今次決定參與兩樣事奉   其實之前成日已經想參與   但就無招募   咁今次兩樣都有   真係神嘅安排呢   感恩感恩 ~

崇拜之後諗住拎嘢去舖頭洗   點知舖頭好忙   咁唔去 lu ~

尋日幫家姐買咗蛋糕比姐夫   所以家姐 1 點鐘就黎到我屋企   里奧大人順便幫家姐 update 個電話   之後我就陪佢買聖誕禮物   買完都差唔多 2 點幾就去食嘢   不過家姐唔食喇   話超勁飽   佢條腰好痛   話留喺屋企做按腰好過   咁坐得無耐家姐打黎   仲以為佢想黎食   原來打黎 8 我食咩   唔知係咪為食嘅人先會咁做嘅呢   我同家姐成日問來問去   問今日食 d 咩   今晚食 d 咩咁架   里奧大人就唔會問呢 d   無嘢好同佢講   哈哈 ~ 

好感恩 3 點半就搞掂   家姐可以早 d 番屋企喇 ~

今晚家姐又要拎部電腦比里奧大人 update 嘢   所以唔駛煮飯   勁開心   哈哈   我同里奧大人講   真係得番星期日有時間做自己嘢咁   即係睇下雜誌呢 d 呢   平時放工   番到屋企做哂所有哂   個人都攰 lai lai 無咩心機睇   佢叫我唔好煮飯咪得囉   咁我又唔會囉   我放得早   唔煮飯真係唔好囉   成日出街食真係好無益   佢做嘢咁辛苦   有啖住家飯食好 d 家嘛   點唔好食呀   都話哂喺屋企   坐得舒舒服服咁食啦 ~  

4 點幾飲湯   之後里奧大人瞓晏覺   我就上網呀  打機咁啦 ~

家姐喺台北買比我嘅豬肉紙   原來已經過期 5 日   好在比我發現咋   家姐話點解咁耐仲未食   我話無時間食   一係食完飯就好飽   所以食唔落   同埋依家我又無咩習慣食零食咁呢 

里奧大人 6 點醒咗   一齊諗下食咩好   初初諗住 Pizza Hut   但又驚等位好耐   但又唔想太早去攞位   因為要喺屋企整電腦嘛   如果又等又食   整埋電腦會驚家姐好夜走   咁我突然諗起咩咩雞外賣 pizza   所以就決定外賣 pizza 喇   之後 whatsapp 個 menu 比家姐   家姐打黎第一句話 "好邪呀 ~~"   佢話餵狗食嘢嘅時候   諗住不如去 Pizza Hut 外賣自取 pizza   再諗諗下   不如叫咩咩雞個 pizza 餐仲好   又可以同時整電腦   喺屋企食又舒服好多喎 ~

6 點半落咗 order   之後我即沖涼喇   勁鍾意沖完涼先食嘢   家姐 7 點幾到咗   但 8 點 pizza 先到呀   等咗個幾鐘   真係唔餓變餓呀   哈 ~

食完抖陣   9 點幾搞掂好哂部電腦喇   咁家姐都番屋企 lu ~

今晚 meme 摩摩成 11 點半先瞓添~